Spoorloos Pub & Grill

11/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe, liefste publiek...

LAG, LAG... DIS VRYDAG!

Die week is gewerk. Die baas is gegroet. Die probleme is voorlopig geparkeer en die keel het skielik ’n koue konsep nodig.

Maar moenie vanaand al jou gees, geld én goeie oordeel verloor nie... want MÔRE IS DIT GROOT RUGBY!

Springbokke teen die All Blacks.
Groen teen swart.
Biltong teen Kiwi.
Braai teen... wel, wat hulle ookal eet daaikant?

So vanaand lag ons liggies, kuier ons lekker en oefen ons die stembande, want môre moet daar geskree word soos ’n tannie wat sien Checkers het botter op special.

VRYDAG IS VIR VOORSPEL.
SATERDAG IS VIR SKOP, SKREE EN SPRINGBOK!

Kom sleep daai heup Spoorloos toe.

SPOORLOOS. KUIER IN JOU TAAL.

10/09/2026

10/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe, liefste publiek...

Dis Donderdag, en die week se broek begin nou losser sit. Maandag is ’n vae trauma, Dinsdag is vergewe, Woensdag is weggewaai en Vrydag staan al agter die gordyn en rek en strek sy heupe.

Maar voor ons die naweek se waansin wakker maak, moet ’n mens mos eers ’n stewige fondasie lê.

En wat ’n fondasie is dit nie...

300g RUMP, twee sides én ’n 500ml Castle Lite draught vir R150.

Dis nie aandete nie. Dis ’n bees-byeenkoms. ’n Rump-rumoer. ’n Bord vol brawe besluite met ’n koue blonde lyfwag langsaan.

Die vleisie sis.
Die biertjie blink.
Die maag maak plek.
En jou dieet sit stilletjies in die kar en huil.

So kom maak daai belt ’n gaatjie los, sleep die heup, skud die skouer en gee Donderdag die behandeling wat hy verdien.

Want môre, my mense...

MÔRE BEGIN DIE MOEILIKHEID.

08/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe, liefste publiek...

Dis Dinsdag, en die week het uiteindelik sy eerste knopie losgemaak. Maandag lê agter ons soos ’n slegte besluit met ’n goeie storie, Woensdag staan en wonder wat aangaan, en die naweek lê al in die verte en heupswaai soos ’n tannie wat “net vir een” kom kuier het. (Jaaaa, tannie. Jy weet wie jy is). En dié naweek, my mense, gaan nie stap nie. Hy gaan stamp, sing, swaai en sy skoene verloor.

Saterdag kom Jaryd Smith van 18:00 tot 21:00 die snare skud. Die kitaar gaan klets, die klanke gaan karring en die kuier gaan só lekker loop dat “ons gaan vroeg huis toe” teen 18:01 amptelik as fopnuus verklaar word.

En dan kom Sondag...

Net wanneer jou Saterdag-siel weer sy wagwoord onthou, stap Evert Swart van 13:00 tot 17:00 in om die Sondag behoorlik aan die kuierknop te draai.
Twee manne. Twee dae. Twee kitare. Gratis toegang.

Dis amper verdag hoeveel lekkerte ’n mens verniet kan kry.

Maar eers moet ons deur Dinsdag kom.

So trek hom nader, tik die toon, swaai die skouer en sleep daai heup... die naweek het klaar begin warmmaak.






SPOORLOOS. KUIER IN JOU TAAL.

07/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe, liefste publiek...

Maandag het weer opgedaag. Sonder uitnodiging. Sonder skaamte. Sommer met sy kosblik en ’n houding.

Maar moenie dat dié Maandag jou moed in jou Crocs laat sak nie. Trek die skouers terug, maak die heupe los en heupsleep hom soos ’n tannie by ’n troue wat pas gehoor het daar’s gratis brandewyn op die tafel.

Want vanaand begin die week met ’n JOKER JACKPOT van R36 250!

Vir net R20 ’n kaartjie kan daai Joker dalk vir jóú loer. En as hy jou kies, verander jou Maandag sommer van “ag jitte, hier gaan ons alweer” na “WAAR IS MY MENSE? EK BETAAL!”

Jou geluk sit dalk reeds met sy heupe los.
Trekking om 20:00. Kontantkaartjies alleenlik.
Kom sleep daai heup Spoorloos toe.

SPOORLOOS. KUIER IN JOU TAAL.

03/09/2026

03/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe, liefste publiek...

Dis Donderdag, en die naweek begin al sy heupe in ons rigting sleep. Hy’s nog nie heeltemal hier nie, maar hy loer, hy lag en hy maak reeds planne wat Maandag ontken gaan word.

Vandag begin ons die voorspel behoorlik:
300g RUMP, twee sides én ’n 500ml Castle Lite draught vir R150.

Dis ’n rump-rumoer, ’n vleis-viering, ’n bees-bederf so mooi dat selfs jou bankkaart vir ’n oomblik ophou bewe.

Maar bêre ’n bietjie brul vir Saterdag...

Want om 17:10 is dit SPRINGBOKKE teen die ALL BLACKS!

Die groen gevaar teen die manne in swart. Die groot skerm gaan skud, die stoele gaan skuif en teen die tweede helfte het elke oom met ’n Castle in die hand ’n beter wedstrydplan as die kenners.

Donderdag rump ons.
Vrydag rommel ons.
Saterdag SKIET ONS HEUP EN SLEEP!

Die naweek trek sy kuierklere aan, my mense.

SPOORLOOS. KUIER IN JOU TAAL.

02/09/2026

02/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe, liefste publiek...

Dis Woensdag, en die week wikkel, waggel en wals soos ’n tannie met nuwe knieë by ’n sokkie. Maandag is morsdood, Dinsdag is deur die draad, en Woensdag sit hier soos ’n windgat verkeerskonstabel wat dink hy beheer die hele week.

Maar hoor hier... die naweek nader nou neus-in-die-wind.

Saterdag skop Leo Sonskyn die kuier aan die kant van die kop. Die kitaar gaan karring, die klanke gaan klim en die kuiermense gaan kekkel totdat iemand se Croc sy sport-mode verloor.

En Sondag? Ag, Sondag kom Burger le Roux om die oorblywende ordentlikheid finaal by die voordeur uit te begelei. ’n Bietjie sing, ’n bietjie swaai, ’n bietjie “ek gaan nou huis toe” wat drie ure later nog by dieselfde tafel sit.

Hou moed, my mense.

Woensdag is net Vrydag se stadige, simpel stiefboetie.

Sien julle by Spoorloos.

31/08/2026

KUIER IN JOU TAAL, JY IS MOS DEEL VAN DIE VERHAAL!

Liewe liefste publiek,

Dis Maandag. Daai dag wat ’n mens wakker word en wonder wie het die naweek gesteel en hoekom is niemand nog in hegtenis geneem nie.

Maar hier kom die JOKER en hy lag lekker, want die pot staan nou op ’n allemintige R34 416!

Vir R20 ’n kaartjie kan die regte kaart vanaand jou Maandag sommer van miserabel na miljoenersmentaliteit laat beweeg. Wel... R34 416-mentaliteit, maar ’n mens moet klein begin.

Trekking 20:00.

Kom kkoop vir 'n ou kans, niggies en nefies. Iemand moet hom wen.

En as dit jy is, onthou net: Oom Spoore was nog altyd baie lief vir jou.