26/11/2025
Vinningshafar í smákökusamkeppni Kornax og Góu kíktu til okkar til að sækja vinningana. Í fyrsta sæti voru Jón Hjörtur Hjartarson og dóttir hans Eygló Ósk með Piparkökur í sparifötum. Þess má geta að Jón Hjörtur tók þátt í keppninni í fyrra þar sem hann lenti í 2. sæti. Þau hlutu í vinning Kitchen Aid hrærivél frá Raflandi, 50 þúsund króna gjafabréf frá Bónus, gistingu á Hótel Örk, út að borða á Apótekinu, gjafakörfu frá Bio Bú, gjafakörfu frá Góu, hamingjuegg frá Nesbú og hveiti og kökublöndur frá Kornax.
Í öðru sæti var Marína Björk Halldórsdóttir með Hátíðar-Maltkökur.
Í þriðja sæti var svo Hrefna Aradóttir sem mætti með dóttur sinni en þær gerðu kökurnar saman sem bera nafnið Jólakossar.
Við óskum verðlaunahöfum Smákökusamkeppni Kornax innilega til hamingju með árangurinn og einnig viljum við þakka öllum þeim fjölmörgu sem tóku þátt í keppninni.
Uppskriftirnar af verðlaunasmákökunum þremur má finna á vef Líflands - Kornax.
Gleðilegan bakstur!
https://www.lifland.is/is/kornax/smakokusamkeppni-kornax/vinningsuppskriftir-2025
