Heimili og skóli - Landssamtök foreldra

01/06/2026

Ný stjórn Heimilis og skóla: foreldrar fái sterkari rödd í samfélagsumræðunni

Sigvaldi Egill Lárusson hefur tekið við sem formaður Heimilis og skóla – landssamtaka foreldra, ásamt nýrri stjórn. Nýja stjórnin boðar breyttar áherslur þar sem samtökin verða öflugri talsmaður foreldra í opinberri umræðu um menntun og velferð barna.

Á aðalfundi Heimilis og skóla, sem haldinn var laugardaginn, 30. Mai 2026, var Sigvaldi Egill Lárusson kjörinn formaður samtakanna. Með honum tekur sæti ný stjórn sem hyggst efla rödd foreldra á sviði menntamála og barnamála í íslensku samfélagi.

„Foreldrar eru stærsti einstaki hagsmunahópurinn í menntakerfinu, en rödd þeirra hefur ekki alltaf heyrst nógu skýrt í samfélagsumræðunni," segir Sigvaldi. „Við viljum breyta því. Heimili og skóli á að vera öflugur og sýnilegur talsmaður foreldra þegar teknar eru ákvarðanir sem snerta börnin þeirra, hvort sem það varðar námsmat, líðan í skóla, stafrænt umhverfi eða önnur stór mál."

Umræðan um menntamál hefur verið afar fyrirferðarmikil síðustu árin allt frá samræmdu námsmati til líðan barna og stafræns umhverfis. Í þeirri umræðu hefur hins vegar oft vantað sjónarhorn foreldra. Nýja stjórnin hyggst breyta því og tryggja að rödd foreldra heyrist skýrt þegar fjallað er um mál sem snerta börnin þeirra.
Sigvaldi Egill tekur við keflinu af Jóhanni Gunnarssyni og hlakkar til að vinna með nýrri stjórn að þessum áherslum á komandi starfsári.
________________________________________
Ný stjórn Heimilis og skóla
Á aðalfundinum voru eftirtalin kjörin í stjórn samtakanna ásamt Sigvaldi Agli Lárussyni, formanni:
• Hermann Arnar Austmar
• Karen Kristine Pye
• Stefán Karl Snorrason

Fyrir í stjórn sitja áfram:
• Héðinn Svarfdal Björnsson
• Kristín Ólöf Grétarsdóttir
• Salka Hauksdóttir

Varamenn:
• Atli Þór Jóhannsson
• Dagný Hróbjartsdóttir
• Kristófer Nökkvi Sigurðsson
• Stefán Þór Helgason

30/05/2026

Menningargarður í fullu gangi í Húsdýragarðinum. Frítt inn. Móðurmál og Heimili og skóli eru mætt! Til kl. 16 í dag.

29/05/2026

Foreldraverðlaun Heimilis og skóla - myndir frá deginum.

22/05/2026

Foreldraverðlaun Heimilis og skóla voru afhent í gær, fimmtudag, við hátíðlega athöfn i Herkastalanum.
Verðlaunin eru veitt árlega fyrir framúrskarandi foreldrastarf eða verkefni sem stuðla sérstaklega að öflugu samtarfi heimila og skóla.

Verkefnið Sveitasæla hlaut foreldraverðlaunin að þessu sinni en verkefnið býður nemendum á unglingastigi tækifæri til að taka þátt í daglegum bústörfum á bænum Hrafnagili.
Fanný Guðbjörg, Formaður foreldrafélags Hörðuvallaskóla var útnefnd Dugnaðarforkur Heimilis og skóla 2026.

Dásamlegur dagur í alla staði og við hjá Heimili og skóla óskum öllum tilnefndu og vinningshöfum innilega til hamingju og þökkum um leið fyrir ykkar gríðar mikilvæga framlag til foreldrastarfs.

Meðfylgjandi eru nokkrar myndir út athöfninni.
Ljósmyndari: Jón Svavarsson

19/05/2026

18/05/2026

Spilavandi og veðmál barna á netinu - Vaxandi vá.
Morgun fundur Náum áttum næstkomandi miðvikudag, 20. maí. Hefst klukka 9:00.
Hvetjum öll til að mæta, fræðast og ræða um þetta mikilvæga málefni sem fer vaxandi í samfélaginu.

Skráning hafin á https://naumattum.is/skraning/

08/05/2026

Kröftugri ráðstefnu á vegum Planet youth um forvarnarmál lokið!
Þar kom saman áhugasamt fólk frá um 30 löndum sem vinnur að forvörnum.
Við hjá Heimili og skóla fengum tækifæri á að hlusta á og læra af fagfólki víðsvegar að úr heiminum ásamt því að fá að kynna okkar frábæra forvarnarverkfæri - Farsældarsáttmálann - við góðar undirtektir viðstaddra.

05/05/2026

Flottu fræðslukvöldi lokið í Hofi þar sem við fórum yfir snjalltækjanotkun barna og unglinga og hvernig foreldrar geta fótað sig í þessum flókna heimi

04/05/2026

Fresturinn til að senda inn tilnefningar fyrir foreldraverðlaunin og Dugnaðarfork Heimili og skóla hefur verið framlengdur til miðnættis 10 maí.

Foreldraverðlaunin eru veitt fyrir öflugt foreldrastarf eða verkefni sem sérstaklega stuðla að góðu samstarfi heimila og skóla. Dugnaðarforkurinn er afhentur einstaklingum sem hafa sýnt frumkvæði, eldmóð og jákvæð áhrif í skólasamfélaginu, hvort sem það eru foreldrar, kennarar eða aðrir sem hafa lagt sitt af mörkum.

Við hvetjum ykkur öll til að tilnefna þau sem eiga viðurkenningu skilið og verðlauna þau sem hafa skilað góðu starfi á undanförnum árum.

Hlekkir á tilnefningaformin eru í athugasemdum þessa pósts.