أضحك لدنيا تضحكلك

11/02/2024

صحابي أحبابي جماعة الي عندهم خبرة انا نحب نشري كرهبة مزيانة ومضخمة تعمل سومها 50 ولا 70 مليون الي فكرة تقلي منين نجيب الفلوس

25/08/2022

الصباح وانا نفطر خطرت في بالي كيفاش كيلو الكرموس ب 12 د وكيلو معجون الكرموس ب 6د وحلفت على المعجون ما عادش واكلو خاطر بالمنطق اما يكون الكرموس مدود وفاسد والا مولى المعمل يبعث في الخدامة يسرقولو فيه من السواني.

07/04/2022

حشيشة رمضان
احد المسؤولين قلي وين مشيت قتلو للكوشة باش نجيب الخبز
قلي كمشيت شاورتنيش😂😂😂😂😂

25/02/2022

10/02/2022

هههههههههههه

10/02/2022

راجل دخل للجزار قلو : بقداش العلوش
الجزار : الكيلو ب 30 دينار يا أستاذ
قلو : رطل يرحم بوك
الجزار : خوذ راحتك أستاذ
و نادى الصانع متاعو قلو حط للأستاذ ثلاثة كيلو علوش و رطل كبدة و كيلو مرقاز و زوز كيلو هبرة تاع ملوخية وهز مفتاح الكرهبة و وصل الأستاذ لدارو ..
الراجل بقى حال فمو فيه و قلو فاش قام يا وليدي هذا الكل ...
قلو الجزار نسيتني ما عقلتنيش ؟!!!
انا تلميذك الكركار .. نتذكر آخر مرة طردتني فيها و قتلي ما نقبلك كان بالولي ... من وقتها هربت عالقراية و مشيت نخدم صانع عند جزار حتى لين حفظت الصنعة ... حليت حانوت وحدي و تحلت في وجهي و توا عندي 4 حوانت جزارة و نربي في العجول و العلوش و نسكن في النصر دار بالبيسين و 3 فييلات مكريين ..
لو كان مش إنت طردتني و خليتني نهرب مالليسي راني مازلت نهز ساق تغرق ساق ...
قلو الأستاذ : آاااه و الله تذكرتك ، و كان جيت ندري راني هربت معاك مالليسي و لا هالعيشة الكلبة

02/02/2022

هبلو المسكين

16/12/2021

تونس الجزائر 1_1
وقت إضافي 2_2
ضربات جزاء 50_50
يتغشش أمير قطر ورئيس الفيفا يقسموا الكأس على اثنين بين تونس والجزائر ويروحوا فرحانين 🥰

15/12/2021

ياربي راهو جدهم فرعون قال انا ربكم الأعلى😂...

12/12/2021

عزيزي البرد، تحية طيبة و بعد،
وسع بالك يرحم والديك، مازال قدامك جانفي و فيفري كاااملين ..
رانا جمدنا اكثر مالنواب
😂😂😂

01/11/2021

الامتحان : 5+5 = ...
مخي : استعمل calculatrice ماتغامرش بينا🙂