03/04/2025
🙏
MOM ရဲ့ ကာစတန်မာများခင်ဗျာ…
မကြာခင် ကျရောက်တော့မယ့် သင်္ကြန်မှာ ဘာအစီစဉ်တွေ ရှိလဲလို့ မေးနေကြတဲ့ သူတွေအတွက် ဒီနှစ်သင်္ကြန်ဟာ MOM မိသားစု အတွက် ပထမဆုံးကြုံတဲ့ သကြ်န်မို့ "ရိုးရာအတာသင်္ကြန်“ ဆိုတဲ့ ခေါင်းစဉ်အောက်မှာ မြန့်မာရိုးရာအတာသင်္ကြန်ကို ဖော်ထုတ်ပြီး ၊ သင်္ကြန်မယ်လေးတွေရဲ့ယိမ်းအကများ ကိုကြည်ရှု့အားပေးရင်း အကြိုနေ့မှ နှစ်ဆန်းတစ်ရက်နေ့ထိ ( ၅)ရက်လုံးစတုဒီသာတွေ ကျွေးကြဖို့နဲ့ ရိုးရာမပျက် ပျော်ပျော်ရွှင်ရွင် ရေကစားကြဖို့ အစီစဉ်တွေကို လွန်ခဲ့တဲ့( ၁ ) လလောက်ကတည်းက ကြိုတင် အစီအစဥ် ဆွဲထားခဲ့ကြပါတယ်။
ဒါပေမယ့် မတ်လ(၂၈ )ရက်နေ့က ကြုံတွေ့ခဲ့ရတဲ့ စစ်ကိုင်းငလျင် ဘေးဆိုးကြီးကြောင့်ကျနော် တို့ MOM မိသားစုများမှလည်း မြန်မာပြည်ကြီးနဲ့အတူ စိတ်နှလုံး အထူး ညှိးငယ် ဝမ်းနည်းခဲ့ရတာတွေကြောင့် အရင်ရက်တွေထဲက ကြိုတင်စီစဉ်ထားခဲ့တဲ့ “အတာသင်္ကြန်” ပွဲတော်လေးကို ဆက်လက်မလုပ်တော့ဖို့ ဆုံးဖြတ်ခဲ့ပါတယ်။
ကျနော် တို့ နေ့စဉ်ဘဝတွေထဲ သွားလာ ၊ လှုပ်ရှား ရုန်းကန်နေကြရပေမယ့် ကျနော်တော်တို့ စိတ်တွေ သေနေခဲ့တာ ကြာခဲ့ပါပြီ။
ဒါပေမယ့် ကျနော်တို့ ရှင်သန်ခွင့်ရနေသေးတဲ့ အချိန်မှာတော့ ကိုယ့်ဘဝ ကိုယ်ရုန်းရင်း ၊ ကိုယ်နိုင်ရာ ကိုယ်ကူနေကြရဦး မှာပါပဲ။ သင်္ကြန်ရက်တွေအတွင်းမှာ ကျနော်တို့ MOM အနေနဲ့ တစ်ခြားရက်တွေလိုပဲ ပုံမှန်ဆိုင်ဖွင့်ပါမယ်။
ဆိုင်ဖွင့်ချိန်ကို နေ့လယ် (၂ )နာရီက စပါမယ်။ အပျော်အပါးရေပက်ကစားတာတွေ မလုပ်ဖြစ်ပေမယ့် စတုဒီသာအစီစဉ်တွေကိုတော့ မြန်မာနှင့်ထိုင်း ငလျှင်ဘေးကြောင့် အသက်ဆုံးရှုံးသွားရတဲ့ သူတိုင်းအားရည်စူးကာ သင်္ကြန် ( ၅ ) ရက်လုံး ကုသိုလ်လုပ်ကာ ကျွေးမွေးသွားမှာဖြစ်ပါတယ်။
(မည်သူမဆို လာရောက်သုံးဆောင်နိုင်အောင် ဆိုင်ရဲ့ အရှေ့ကတ္တရာ ကွင်းမှာနေရာတွေ လုပ်ပေးထားပါမယ်။)
နေ့စဉ် ဆိုင်မှာ ပုံမှန်လာဆိုနေကျ Band တွေရဲ့ ဖျော်ဖြေရေးတွေပဲရှိပါမယ်။
မြန်မာနှစ်သစ်ဖြစ်တဲ့ နှစ်ဆန်း ( ၁ )ရက်နေ့မှာတော့ ကျွန်တော်တို့ MOM ဆိုင်လေး ကို( ၁ )ရက် ပိတ်ပြီး ပရိတ်တရားတော်များနာကြားကာ ၅ ရက်တာ ပြုသမျှရည်စူးကုသိုလ်အဖို့ကို ငလျင်ကြောင့် ဘဝတစ်ပါးသို့ ရောက်ရှိသွားသူများအား အမျှပေးဝေခြင်း၊ MOM ရဲ့ ရေကန်ကြီးအတွင်း ငါးလွှတ်ကုသိုလ်ယူခြင်း ၊ ဖယောင်းတိုင်မီးများဖြင့် ဆုတောင်းခြင်း စတဲ့ ဆုတောင်း မေတ္တာပို့ အမျှဝေ တဲ့ပွဲလေးကို ကျင်းပမှာဖြစ်တဲ့ အတွက် မဲဆောက်မြို့မှာရှိကြတဲ့ မည်သူမဆို ၊ မည်သည့်ဘာသာဝင်မဆို လာရောက်ဆုတောင်းဖို့ ဖိတ်ခေါ်လိုက်ပါတယ် ခင်ဗျာ။
