13/09/2026
(𝗞)𝗼𝘇𝗲́ 𝗱𝗮𝗻 𝗠𝗲́𝗱𝗶𝗮𝘁𝗲́𝗸 𝗦𝗶𝗻𝗯𝗲𝗻𝘄𝗮 : 𝗕𝗶𝘀𝗶𝗸 𝗶 𝗿𝗼𝘂𝘃 𝗹𝗮 𝘀𝗲́𝘇𝗼𝗻…
𝗩𝗶𝘃 𝗹𝗮 𝗿𝗮𝗻𝘁𝗿𝗲́, 𝗹𝗮 𝘇𝗼𝗹𝗶 𝗿𝗮𝗻𝘁𝗿𝗲́ !
La klosh la soné sé o tour Bisik fé son rantré ek lo mod vavangaz touzour aktivé.
Bisik la poz son bann kartabl son é limiér dann Médiaték Antoine Louis Roussin pour lo premié événman nouvo sézon Bisik. An éfé lo swaré (K)ozé la transformé sé ou just in sénn ouvér in swaré ou in laprémidi mé in lévenman multi dimansion ousa dopi debi laprémidi diféran atelié té là pou fé viv lévenman. Aurélie Subijus aka Kér Sovaz la anim in atelié lekritur dann la mediatek pandan lasosiation ACSL la rouv in latelié dessin pou marmay.
Dann le "hall" sé lo talantué désinateŕ Isia Augustine la performé ek la krasiyon an direk in doubl desin. Desin fé ek lé 2 min an mém tan…ambidextre… In performans kaptivan é epoustouflan pou sat la vu ali réaliz son évr.
𝗟𝗲𝘀𝘀 𝗹𝗼 𝗸𝗲́𝗿 𝗸𝗼𝘇𝗲́, 𝗹𝗲́𝘀𝘀 𝗹𝗼 𝗺𝗼 𝘃𝗼𝗹𝗲́
Apré son performans sé ek dékor-là an ariyér plan in parti demoun la partisip latelié ekritur Aurelie la ni partaz dé trwa zot bann teks. Bann teks mélan zé deékritur mé osi lo bann mo i fé sort o gran zour lo bann mo du dedan, lé mo imazinér mé zamé mantér. Nalini aprésa Aurelie ou ankor Sandrine i deklam, i fé rézonn zot mo,"zot kozé pou libér lo mo dann in médiatek an léko lo mo i dor trankil dann liv su réiyon otour.
Dan se nouvo moman lektir é fonnkér pou lévenman (K)ozé navé osi Larry Dubard nout yab Fonnkézér… Li la pa ni tousél kou-si mé ek Ludovic Amémoutou group MILÉ : Maloya New wave. Sé o son lo Kora Ludovic Larry la léss lo kér kozé pou in fonnkér in resanm ali… an biyn mém.
Aprésa sé Ayyash karné à la min trankilman pozé la fé dans son poézi ant lé zorey atantiv in publik lo kér ouvér pou pran é doné lé émosion partazé.
La tantasiyon té tro for pou ek mwin mém pou pa rant dann ron é larg dé ti fonnkér…
Less lo kér kozé, léss lo mo parlé… léss anou alé… insi in nouvo létap i ral le piblik déor ek lé premié son la muzik Alejandro Pickled.
𝗡𝗼𝘂𝘃𝗼 𝘃𝗶𝗿𝗮𝘇…. 𝗮𝗹𝗼𝗻 𝗴𝗮𝗿𝗱 𝗱𝗲́𝗼𝗿 ?
Nouvo vizaz dann (K)ozé Dj Pickled o platinn i révéy tousa ek in "set" dofé dan la paiy kann su lo parvi la médiatek.
Ki di muzik di dans sé otour bann danséz indiynn Asosiasiyon Siva Soupramanien pran lo relé ék lo bann tambourié… Lo zoli son i rezonn for dann la ville Sin Benwa é lo bann zoli abi tradisionél o an koulér i ofr in tou osi zoli spektak lo publik prézan pou aprési lo moman. Sé an "prosésion" sé zoli kortéz i raménn lo publik dan la sal léshanz la médiatek pou lo débu la sénn ouvér é la suit lévenman (K)ozé.
A@nabel Anabel Feri lumourist é Bertand Robert lé zanimatér son dan la plas pou serv la suit du manzé pou lo kér é plus ankor.
𝗙𝗲́ 𝗿𝗮𝗻𝘁 𝗹𝗲́ 𝘇𝗮𝗿𝘁𝗶𝘀…
Sé Medea Potentia i rouvv lo bal… Médéa nouvo dann vouv Bisik i ral anou dan son lunivér ek son personaz du jour… pou in zistwar du jour… in pé lumièr an parmi son fénwarsité i paré… zistwar mantér pa mwin lo tér… Kriké… té Médea lotér …
An parlan alor zétwal pokor pré sé la vwa Lauya Bé é son bann muzisiyn i angant anou azot tour… Lauya Bé in zoli vwa, in manzél soley i shant pou nou é an mém tan el i fé dans la linn. El i shant, la linn i dans é in mazigadoraz i anvout anou lo publik san rann anou kont… kan Soley i rankont la linn… zetwal i briy dan nout zié !
In talan i aménn in ot su la sénn Bisik… sé o tour la tré zénn Sarah … 12 an… wi … wi 12 an… arivé depi Saint-Pierre jiska nou… in talan "de dingue "… inn " dinguerie" in zoli vwa… 2 shanson… el i pass de la" bossa nova à la pop anglaise" é el i mét tout domoun dakor… in tŕé zoli vwa. in zoli prézans si la sénn… wouah… ben wi alor… Pepit ! Zoli pépit dékouvér !
𝗙𝗮𝗻𝗺 𝗽𝗼𝘄𝗲𝗿
" trwa fwa kinz an, son shevé blan i tranm pu kom avan" sé Séverine Moreno i shant sa… otris, kompozistris… i fé 4 an el la repran son gitar é sé san tranblé el la fé shant sé mo dann "Jak mur" ou "Fanm Lib" Séverine Moréno dann vouv Bisik… in zoli muzik pou in zoli moman é lunivér i san bon lo gou nout péï. In muzik ek in koulér asumé…fanm mon péï néna pou di pou shanté ankor é ankor su in morso dobwa zoliman akordé !
Wi … wi sé "fanm power" dann (K)ozé … Sati inn nouvel venu… in nouvo fanm mon péï… Sati El i kestionn fason "Stand up" nout manir vwar, aksept lo andikap… kisa lé andikapé, koman nou perswa ali, koman nou port ali… Ek umour el i bouskul nout préjujé , nout fason fé é abord la kestiyon… Sati… Sati… fanm power… landikap pa in fatalité… shanz nout regar… shanz nout manir!
Apré avwar déza fé in tour lil ek lé zartis té la. nou la akeuiy inn artist St Benwa. ék Emma Argan. pou in nouvo projé muzikal… ek le pseudo … Mayzon974 test la muzik urbénn version rap ou in peu plu lov. Mayzon974 klak lé "lirycs " su inn bass lour é puisan. . In son 974 an réshèrsh é mouvman… Mé sé osi bann mo di san detour… Mayzon974… reprézant… Mayzon lé biyn dan la plas…
𝗗𝗲𝗿𝗻𝗶𝗲 𝘃𝗶𝗿𝗮𝘇 𝗽𝗼𝘂 (𝗞)𝗼𝘇𝗲́…
Sé F***y Bruzac la protezé é la gagnante konkour muzik Atlantis MUZIK i rejwinn la sénn akonpanié à la gitar par Lucian Collienne. Le défilé dé talan lé san fin pou lo publik prézan. Lo tan de 2 tit "Boule au ventre », in repriz d’Héléna é « Je t’avoue », son promié "single" produi par Atlantis Muzik… F***y Bruzac la fé é la biyn fé ni shant pou nou… A suiv…
Alé une dernière dékouvért… mé ankor é touzour gayar dekouvert… Mojo… la rout té long ziska Sin Benwa. el la surveku o brouiar la rout dé plénn… o ambouteiyaz… Mojo… artsit… shantéz… videast…la prézant anou in ti mix in projé ankor an kréasiyon… ousa son vwa va mél ek zimaz vidéo… kom la vwa é luniver lé déza zoli nou na at dekouv tanto. tŕe vitman lo projé final… Mojo nou lé kontan ou la ariv ziska nou… pou fé anou zoli kado… Arviyn vitman…
Alala… telman gayar zartis. demoun. rankont pou la rantré Bisik… lo tan i pass mé lo plezir i rest la mém.
Avan akéuiy Kanasel su la sénn sé Pascal Sint-Pierre le Directeur i di 2 ti é 4 ti mo Pou Patricia Profil reprezantant La Région Réunion inn de nout partenaire avec la ville de Saint Benoît. Patricia Profil pour la région a salué é ankouraz ankor inn fwa le travay du Bisik pou bann zartis, pou fé viv la kiltir dan Sin Benwa mé osi dan tou lest de la Réunion mé osi le travay du Bisik avec Lé ot akteur du milieu kilturel sur l'île…
𝗟𝗼 "𝗴𝘂𝗲𝘀𝘁", 𝗹𝗲 𝗠𝗮𝗿𝘀𝗼𝘂𝗶𝗻 𝗱𝗲 𝗹'𝗲́𝘁𝗮𝗽𝗲
Kanasel an trio an konsér pou terminn an boté la rantré Bisik é lévenman (K)ozé. Apré avwar donn la vwa é joué sé bel not su sét mém sénn an sénn ouvér n'a déza kelk zané. Lartist lié a zamé o Bisik la ousa li sava Bisik lé zamé biyn lwin souvan osi. Le Benediktin Kanasel ek Romain é Russel et Marty974 o son, la prézant lo nouvo album "Pyronova". Ant folk, rock, blues… mé o gou kréol épisé… Kanasel i raménn lo publik bwar a la sours dolo Takamaka… ou plonz dann basin Béthléem… sinon mont vwar son "Piton l'amour.".son premié album : "Florebo".
In vwayaz musikal folk-rock dan lé sonorité mé la rasinn biyn ankré dann son mond rampli kréolité …
In gou pas asé mé in ti gouté partazé dan le hall la Médiatèk ék zartis et publik pou fini lo zourné, avan nou kite anou pou mié retrouvé in ot fwa… isi ou aiyér …
Bisik i kontinu son mode vavangaz…suiv anou su rézo . pou konét ousa nou lé … mé suiv anou partou pou vré… nou préfèr kan zot lé sanm nou… koté nou… pou partaz sanm nou. pou viv ek nou !
Mersi bonpé lé zartis la kado anou zot gayar.
Mersi bonpé lo publik la prêt anou zot zoréiy, zot lam, zot kér pou viv sa sanm nou…Mersi Anabel Feri la anim é preźant lévenman la sanm mwin.
Mersi la Ville de Saint-Benoît et la Médiathéque Antoine Louis Roussin… mersi bonpé lo personel pou lakeuiy é zot partisipasiyon…
Mersi "S"pésial pou tout lékip Bisik la mobiliz azot pou rann sa posibl… ankor in fwa…
Mersi Bisik pou la konfians…
Nartrouv vitman !
An dalonaz
Bertrand Robert
Merci Bertrand, pour ton engagement et ton inspiration sans os, merci Anabel Féri pour ton humour nature, merci à tous pour votre présence, votre générosité et votre bienveillance. Merci aussi à La Ville de Saint-Benoît pour la confiance et le soutien, à La Médiathèque Antoine Louis Roussin et son équipe pour l’accueil et à L’EAMB École de musique et son président Jean-Hugues Dalleau, pour leur soutien précieux. Merci aux artistes d’un jour et de toujours pour leurs talents sans limite. Merci à la Région Réunion et plus particulièrement à Patricia Profil pour sa présence et son soutien, à la DAC Réunion - Direction des Affaires Culturelles qui soutient les pratiques amateurs lors de ces rendez-vous du Bisik, à la Cirest Officiel qui nous permet de rayonner sur le territoire et à tous nos à nos partenaires sans qui rien ne serait possible. Merci aussi à toute l’équipe du Bisik fidèle au poste.
Vous le savez maintenant, le Bisik sera prochainement en travaux et notre programmation an vavangaz a bien débuté.
Prochain rendez-vous le vendredi 18 septembre au Théâtre Les Bambous pour notre désormais soirée du Matrimoine avec un plateau artistique au féminin et Malkijah Officiel en «Forteresse».
Le 22 septembre c’est atelier technique son pour les artistes musiciens avec le PRMA Réunion dans la salle de réunion du Bisik (sur réservation : [email protected]) et le 2 octobre nou mont la Ville de La Plaine des Palmistes !
Rendez-vous à la Salle Guy Agénor à partir de 19h pour une étape du Blues Maron Festival avec Flambola et SOBA BLUES : BLUES MARON FESTIVAL avec SOBA et FLAMBOLA • Salle Guy Agénor • 02.10.26 • Plaine des Palmistes
Suiv anou su lé rézo, Côté Est Réunion et Viyn azot !
Photos© Nicolas RENAMBATZ Photographe
