19/03/2026
بسم اللہ الرحمٰن الرحیم
انا للہ وانا الیہ راجعون
نہایت رنج و غم کے ساتھ اطلاع دی جاتی ہے کہ ہمارے نہایت محترم، باوقار اور ہر دلعزیز شخصیت، ایڈووکیٹ راجہ محبوب علی خان ماموں، اس دارِ فانی سے کوچ کر گئے۔ آپ نہ صرف ایک قابل و مایہ ناز قانون دان تھے بلکہ ایک اعلیٰ اخلاق کے مالک، مخلص انسان اور معاشرے کے لیے ایک قیمتی اثاثہ بھی تھے۔
مرحوم کی زندگی خدمتِ خلق، انصاف پسندی اور دیانت داری کی روشن مثال تھی۔ آپ نے ہمیشہ حق اور سچ کا ساتھ دیا اور اپنے پیشہ ورانہ فرائض نہایت ایمانداری اور لگن سے انجام دیے۔ آپ کی شرافت، عاجزی اور انسان دوستی ہمیشہ یاد رکھی جائے گی۔
اللہ تعالیٰ مرحوم کو اپنی جوارِ رحمت میں اعلیٰ مقام عطا فرمائے اور جنت الفردوس میں جگہ نصیب کرے۔ آمین۔
مرحوم کے ایصالِ ثواب کے لیے دعا کی درخواست ہے۔
