Kapritso Lab

14/06/2021

Ang aming kalakal ay nasa Tesoro's Philippine Handicrafts na! Maganda ang bigayan dito. Kung kailangan ninyo ng pampatulog at pampakalmang kandila, alam niyo na kung sinong hahanapin. Ang mga Tesoro. 🔥

Smell the blend of our culture through the aromatic scents of our local products. Visit www.tesoros.ph for more items to tickle your senses.

16/03/2021

Koleksyon: Tag-init!

Sindihan at balikan ang mga paboritong inumin ng Pinoy sa mga nakalipas na dekada!

• Softdrink
• Sago’t Gulaman
• Gin Pomelo

Ikaw ano ang kwento mo?
Basahin ang nakasulat sa bawat larawan kung gusto mong balikan ang mga ala-ala.

13/03/2021

Tapos na ang Pebrero. Ito ang Marso ng kawasakan! Parating na ang tag-init.
Tag-araw na walang kasing pait ng wine at sing rupok ng sunshine. Minsan masarap ring umiyak kapag pawisan, para hindi halatang lumuluha ka.

Kaya yang PDA, tigil-tigilan niyo na, bawal yan sa regulasyon. Mas marami ang pursyento ng mga sawi.

Ito ang kantang magbubuklod sa masa at burgesya. Ang kantang walang social class. “Ang halik mo...(kayo naman?!)”

Abangan ang buong kanta sa Kapritso Lab. Inawit ni RankinRadio.

04/03/2021

Koleksyon: SAGRADO
Ano man ang pananampalataya o paniniwala natin, sagrado tayo manalangin. Kandila para sa ano mang dasal, alay o dalangin.

PAUBAYA
Pagpaparaya sa ano mang bigat na dinadala. Ang isaalang-alang sa may Kapal ang lahat ng pinagdadaanan.

PASASALAMAT
Sa lahat ng biyayang natatanggap. Ang pag-alay ng kandila sa lahat ng regalong dumating at parating palang.

PATAWAD
Paghingi ng tawad sa mga pagkukulang at nagawang kasalanan. Pagtirik ng kandila at taimtim na panalangin ang kailangan.

DEBOSYON
Kandilang pang ritwal at panata. Pag-alay at pagsakripisyo sa sarili para sa debosyon.

BENDISYON
Basbas ng pagbabago o pagtanggap ng buong kalooban at walang pagtanggi.

PAG-ALALA
Pagtirik ng kandila para sa mga yumaong mahal sa buhay. Pag-alala sa bawat sandaling pinagsamahan.

Paalala:
Tanggalin muna ang karton bago sindihan. Gamitin sa lahat ng uri ng panalangin.

22/02/2021

PAALALA sa mga nakabili na sa amin. Kung may kaaway kayo, pwede niyo ring tirikan ng kandila. Tsaka ninyo dasalan at lagyan ng ritwal. Ohhhh yes! 🔥

20/02/2021

KOLEKSYON: ELEMENTO
Lupa • Tubig • Apoy • Hangin
Ang bawat elemento ay may 3 amoy na naaayon sa karakter ng bawat zodiac. 250 ML | ₱700.00

Lupa ay nagtataguyod, praktikal, lohikal at materyal. Ito ang amoy ng bukid hanggang masukal na gubat. Sa bandang huli, lalagapak ka parin sa lupa. Kailangan mong tumapak at maglakad. (Virgo | Ta**us | Capricorn)

Tubig na maalon, may lalim at nagpapatangay sa agos ng emosyon. Ang tubig ay lunas, sumasalamin at walang hugis. Ito ang amoy ng dagat, talon, ilog at ulan. Mag-iingat at baka malunod. (Pisces | Cancer | Scorpio)

Hangin ang siyang simoy na nilalanghap, magaan at naglalakbay. Bumibigat rin kapag napuno ng emosyon. Ito ang amoy ng kalayaan at paglalakbay. Minsan ay nagdadala ng delubyo at sakuna. (Gemini | Libra | Aquarius)

Apoy ay simbulo ng kapusukan, libog, digmaan at yabang. Kung padalos-dalos ay pwedeng matupok ng apoy. Mag-iingat...nakakapaso! (Sagittarius | Leo | Aries)

20/02/2021

MERON NA ULI

Mga kandila mula sa Unang Koleksyon at Koleksyon Landian sa mga bago nitong lalagyan.
• ₱400.00/200ml • ₱450.00/250ml •

Ang mga likha ng Kapritso Lab ay limitado at napapanahon. Depende sa oras na meron at kapritso ng gagawa. Maaari din kaming gumawa ayon sa hiling ng bibili, depende sa pag-uusap.
Magpadala lang ng mensahe sa Instagram o Facebook. 🔥👌🏼

Instagram: kapritsolab
www.kapritsolab.com

20/02/2021

PANGKAT: MOUNTAIN DEW | 200 ML • PHP 1,400.00

Amoy Mountain Dew na binibili mo sa tindahan nung bata ka. Fresh! Pinagbibili ito bilang isang set na may limang piraso. Sindihan ito tuwing may inuman, kwentuhan o kantahan. Sabay-sabay! Kampai!

20/02/2021

KOLEKSYON: POT SESSION | Pabangong kandila sa 250ml na paso | ₱600.00

Ito ang kandilang ginawa namin para sa mga Pilipinong nagtitipon. Hango ang halimuyak sa Citronella, Macapuno at Buko Pie, maaalala mo ang mga okasyon at handaan na madalas ganapin sa tahanan. Citronella sa hardin, Macapuno na gawa ni lola at Buko Pie na dala ni Tita. Nababagay sindihan sa mas malalaking espasyo tulad ng kusina, hardin at bakuran. Kaya nitong pabanguhin ang 15-30sqm na kwarto. Limitado lang!

Instagram: kapritsolab
www.kapritsolab.com

12/02/2021

Kapritso Lab x RankinRadio LIVE!

12/02/2021

May mga bagay na nadadaan sa timpla, masusubukan lang kapag sinindihan na.

Instagram: kapritsolab
www.kapritsolab.com

Kuha ng Irie Productions

10/02/2021

FB Live: RankinRadio | Biyernes | 9pm
Hindi lahat ay nababagay sa Valentines. Kaya lahat ng bigo, sawi at may pinagdadaanan, magsisindi kami ng kandila para sa inyo at tugtugan tayo. Magpapakawalwal tayo sa araw ng mga puso! 🔥👌🏽💥

Powered By Power Trip Studios

05/02/2021

Subok lang! Kandila na kalidad sa mas mababang halaga.

• Kahel at Papaya
• Kesong Puti at Cacao

₱150.00 ang isa.

03/02/2021

Liyab para sa magkasiping buong gabi.

Magkasuyo sa halimuyak ng tsokolate at berries.

₱500.00 ang isa.

Instagram: kapritsolab
www.kapritsolab.com

02/02/2021

Pangangailangan sa tuwing nag-iisa.

Hango ang halimuyak sa tanggapan ng isang primyadong hotel kung saan sana ay may kapiling kang magcheck-in. 🥰

₱400.00 ang isa.

02/02/2021

Saging lang ang may puso.

Hango ang halimuyak sa miryendang pinoy na Turon. Nababagay ilagay sa hapag kainan o kusina. Maliban sa saging may maamoy ka ring kaunting langka.

₱400.00 ang isa.

02/02/2021

Para sa mabilis at nagmamadali.

Magaan at hindi matapang, may patak ng Eucalyptus at Lavender pampabagal. Dahil sa maliit na bukana ng lalagyan, akma itong pampabango sa maliliit na kwarto at kubeta.

₱400.00 ang isa.

01/02/2021

Para sa samahang sintamis ng wine, sintatag ng sunshine.

Hango sa halimuyak ng strawberry champagne ang Sintamis.

₱400.00 ang isa.

Instagram: kapritsolab
www.kapritsolab.com