13/03/2026
We are moving to a better location.
Bagamat nakakalungkot ang post na ito, nais kong ipabatid na walang paglagyan ang saya ng aming mga puso dahil sa pagmamahal at pagsuportang ipinaranas ninyo sa amin.
Sa loob ng isang buwan, hindi mabibilang sa daliri ng kamay at paa ang dami ng aming naging mga bagong kaibigan.
Mga taong hindi namin kamaganak pero naging kapamilya at hindi nagpakita ng kahit anino ng pagdududa sa aming kakayahan upang makapagbigay ng isang sulit, swabe at de-kalidad na tambayan tuwing Biyernes at Sabado ng gabi para sa bawat isa.
Mabigat man sa aming loob ang pansamantalang pagtigil, nakagapos ang aming mga kamay sa suliraning labas na sa aming kakayahan upang masolusyunan.
Pilitin man naming ibigay at punan ang lahat ng kailangan upang makasunod sa mga patakaran at alituntunin ng pamahalaan, hindi namin ito magagawa kung ang mismong lugar kung saan nakatayo ang ating tambayan ay kulang sa nararapat na mga permit upang tayo ay magawaran ng angkop na pahintulot upang makapagpatuloy.
Ang occupancy at building permit ay ilan sa mga pinakamahalagang dokumento na kinakailangan ng isang indibidwal o kumpanya kung siya ay magnenegosyo ng mga paupahan, mapa komersyal o residensyal.
Ang tamang pagbabayad ng buwis ang susi upang makapagpatupad ng mas maraming mainam at epektibong proyekto ang ating gobyerno na siya namang magiging daan sa pagbubukas ng maraming trabaho at makakatulong sa pagpapababa ng antas ng kahirapan ng ating bansa.
Hanggang dito na lamang muna mga tropa.
Abangan nyo kung saan uli tayo magkikita at inaasahan namin ang kasing init ng pagtanggap na ipinadama nyo sa amin nung kami ay nagsisimula.
Maraming-maraming salamat po sainyo!
Hanggang sa muli.
Unli-shots shall return!
Mahal namin kayo. ♥️
-AFTER HOURS CAFE AND PUB
