08/07/2026
PHOTOCOPY BILANG EBIDENSIYA: MAAARI BA ITONG TANGGAPIN SA HUKUMAN?
Oo. Sa ilalim ng 2019 Revised Rules on Evidence at ayon sa desisyon ng Korte Suprema sa People v. Lastimosa, ang photocopy ay maaaring tanggapin sa parehong lawak (same extent) ng orihinal na dokumento.
Ano ang ibig sabihin nito?
Noong unang panahon, kung photocopy lamang ang isinumite, kinakailangan munang patunayan na:
* nawala ang orihinal;
* nasira ang orihinal; o
* hindi na ito makuha.
Ngunit nagbago na ang batas noong 2019.
Ngayon, ang isang photocopy ay itinuturing na “duplicate” at maaari nang tanggapin bilang ebidensiya tulad ng orihinal, kahit hindi na ipakita muna kung bakit wala ang original.
Bakit ito pinayagan?
Kinilala ng Korte Suprema na ang modernong photocopying at scanning ay nakagagawa ng eksaktong kopya ng dokumento. Kaya kung walang isyu sa pagiging tunay ng orihinal, hindi na kinakailangang ipilit ang mismong original.
Kailan HINDI tatanggapin ang photocopy?
May dalawang sitwasyon kung saan maaaring hilingin ng hukuman ang original:
1. May tunay na pagdududa sa pagiging tunay ng original.
Halimbawa:
* Pinagdududahan na peke ang pirma.
* Pinaniniwalaang binago ang dokumento.
2. Hindi magiging makatarungan (unfair) na photocopy lamang ang tanggapin.
Halimbawa:
* Mahalaga ang pisikal na katangian ng original, tulad ng embossed seal, watermark, o orihinal na tinta na kailangang suriin.
Ano ang nangyari sa People v. Lastimosa?
Sa kasong ito, photocopy lamang ng death certificate ang iniharap ng prosekusyon.
Tumutol ang akusado at sinabi na dapat original ang ipakita.
Ngunit sinabi ng Korte Suprema:
* Ang photocopy ay isang duplicate.
* Ang duplicate ay admissible to the same extent as the original.
* Walang nagpakita na peke ang original.
* Wala ring dahilan kung bakit magiging unfair ang pagtanggap sa photocopy.
