iniiwasang kawalan at iba pang mga alaala

12/01/2024

Grade 4 ako nung kinilig ako sa pelikulang ito.

01/01/2024

Happy New Year, Everyone ♥️
Shoutout sa mga nag-aagahan ngayon ng tira-tira kagabi. Masarap ang pansit bihon na may s**a! 💪

06/12/2023

Ito na naman ang sinasabi ko. Sa tuwing bibisita ako sa Facebook, laging may kaibigan ko kakilalang namayapa na.

Bai, madalang lang kitang makitang nakangiti. Pero sa tuwing nakikita kita, ito iyong mga panahong kasama mo ang mga batang Lumad, nakikipagkuwentuhan sa iyo habang gumagawa ka ng bracelet o kaya'y sinusuklayan mo ang kanilang buhok.

Pagpupugay sa iyo, Bai Bibyaon Ligkayan Bigkay!

(Dibuho ni Maria Isabel Lopez)

02/12/2023

29/11/2023

Madalang na akong magpeysbuk, pero ngayong araw, nakatanggap ako ng balita na ang isa kong kaibigan ay pumanaw na.

Rest easy, Angela. Nung una kitang nakilala, naiintimidate ako, akala ko masungit ka. Yung tingin mo eh para kang galit. Pero isa ka sa mga pinakamababait na taong nakilala ko.

Lagi kong tatandaan yung mga panahong gullible ka lalo na tuwing naloloko ka ng mga pranks namin. Naalala ko nung nagbirthday ako sa opis, sabi ko magpapa-lechon ako. Tapos excited kang pumasok pero tinapay lang na korteng baboy yung nadatnan mo hahaha. Saka yung mga kuwentuhan natin about sa mga TV series. Game of Thrones at Alias madalas yung topic natin.

Nasa akin pa yung binigay mong DVD ng Bionic Woman, na sabi mo pinagsisihan mong panoorin dahil walang kuwenta, hahaha.

Maaga man ang iyong pagpanaw, sana ay naging masaya ka sa mga huling taon mo. Lalo at natupad yung goal mo na makapunta ng ibang bansa.

Hanggang sa muli.

24/11/2023

eksena sa bayan

20/11/2023

as a mahihiluhing nilalang, mas pabor ako sa tradisyunal na jeepney.

Labanan ang palpak, pahirap, & hindi makataong PUV modernization! ✊🏼

16/11/2023

Taho ang pambansang agahan namin ng mga kaibigan ko nung nagko-call center pa kami. Pagpatak ng alas singko, diretso agad kami sa labas ng gate sa may Jupiter St. at nakaabang na dun si kuyang magtataho. Minsan nakaka dalawang malaking baso ako ng taho, awa naman ni Lord di naman sumasakit ang tiyan ko.

Hindi ko talaga gusto ang taho. Naalala ko nung highschool kahit anong pilit ng tropa kong pakainin ng taho ay sinus**a to talaga siya. Kahit tokwa ayaw na ayaw ko. Pero noong lumuwas ako para magtrabaho kinailangan ko siyang kainin. Dahil may mga panahong wala akong pera. At taho, at tokwa ang mura.

Ngayon, gustong-gusto ko na sila. Paborito na.

Madalang na lang akong makakain ng taho. Dahil dito sa aming lugar sa probinsiya hindi araw-araw ay may maririnig kang "tahoooooo!" sa kalsada. Kaya naman kaninang may dumaang magtataho, dali-dali akong lumabas para bumili. Kahit bente pesos ang isang baso niya ay ayos na rin. Choosy pa ba ako.

12/11/2023

Nagba-browse ako sa Facebook kanina nung dumaan ito sa timeline ko. Interesting. Maganda ang offer, lalo na't kilalang kilala ang puneraryang ito sa amin.

Tumatanda na tayo. Siyempre kailangan nating maghanda. Kapag may get together, pinaghahandaan natin, yun pa kayang get together natin kay Lord, di ba?

Oo na, alam ko may magsasabi jan "Beh, sure kang si Lord ang makakaget together mo?"

Sa langit man ako mapunta o sa ilalim ng lupa, ang hangad ko naman ay wala nang gagastusin ang pamilya ko sa aking pagpapalibing. Ginastusan na nga nila ako mula pagkapanganak at pagpapakalaki, pati ba naman pagkamatay ko.

Anyway, tingin-tingin muna ako sa ibang punerarya. O kaya sa St. Peter.

11/11/2023

Gusto kong ibahagi ang napanaginipan ko kagabi. Tungkol ito sa isang istasyon ng tren. Ito ung istasyon na pinupuntahan ko through a shortcut na isang pintuan sa isang kiosk, at di ko alam kung anong kiosk iyon. Yung kiosk ay nagkalat sa kung saan-saan na parang 711.

Dun sa panaginip ko, hindi naman siya sikretong istasyon at pwede kang pumunta dito as long as alam mo ung lulusutan mong kiosk. Diko alam kung bakit ako bumababa sa istasyon na yun, parang dun yata ako nagtatrabaho sa lugar na iyon.

Ang mangyayari ay sasabihin ko lang sa nagbabantay ng kiosk kung saan ako pupunta, papasok sa pintuan tapos after ilang seconds nandun na ako. Parang Platform 9 3/4 lang. Wala namang unusual sa lugar.

Dun sa panaginip ko, iang araw ay na-late ako ng pagpunta sa lugar dahil di ako makahanap ng kiosk na papas**an. Tumakbo-takbo ako at nakahanap din ng kiosk after ko umakyat sa mahaba at mataas na hagdan, sing taas ng sa Batu Caves sa Gombak. Tapos pagdating ko sa kiosk, tinanong ako nung bantay, pero nakalimutan ko yung pangalan ng istasyon.

Tapos nagising na ako.

(larawan mula wikipedia)

10/11/2023

Tungkol sa Kangkong

Ang kangkong, kahit magtagal siya sa pridyider, fresh na fresh pa rin. Pero marami siyang sikreto. Sa unang tingin, sasabihin mo, "Ah, kangkong lang 'yan." Pero teka, hindi lang 'yan simpleng gulay. May lalim ito, parang mga hugot ng friend mong mahilig mag-"hmm" sa gitna ng mga kwento mo.

Sa totoo lang, ang buhay natin ay parang kangkong. Minsan sa nakalubog sa tubig, minsan pumapaitaas, pero laging andiyan, palaging present. Parang yung mga decisions natin sa life, 'di ba? Pa-usbong, gaya ng kangkong sa tubig. Ibang level, kumbaga.

At yung mga dahon niya, parang mga life lessons, ang dami mong makukuha. Kumbaga sa librong self-help boring pero may sustansya. May gulay vibes.

Ang kangkong, mabilis lumago pero hindi nawawala ang koneksyon sa lupa. Parang ikaw, kahit anong taas ng narating mo, hindi mo kinakalimutan kung saan ka galing. Ang kangkong, humble lang, kahit ilubog mo pa siya sa sabaw ng sinigang, keri lang, walang ere. Hindi nagbabago ang lasa.

At yung paglutang niya sa tubig? Parang buhay na puno ng surprises. Bigla ka na lang magigising, "Uy, andito na pala ako!" Parang bawat pag-usbong mo, may kuwento, may twist, minsan may halong gulat.

Ang kangkong, simbolo ng pagiging cool at pagtanggap sa kung ano meron ka. Walang arte, kahit saan pwede. Parang reminder na pwede kang maging kahit sino, kahit saan, basta nagpapakatotoo ka.

Kaya tara na't maging kangkong sa buhay! Magpalutang-lutang, lumago nang walang takot, at huwag kalimutang maging grounded. Dahil sa kabila ng anyo at lasang taglay mo, baka naman ikaw pala ang sikreto ng masarap na sinigang ng iba.