Løo på Seim

25/06/2025

Me får ofte spørsmål om me framleis driv Løo på Seim. Dette er ikkje alltid like lett å svare på, me driv ikkje slik som tidlegare med "full pakke" der ein kan få både mat og drikke. Eg(Ingebjørg) og Esben har fulle jobbar utenom, og tre born som skal fyljast opp, så me har funne ut at dette er beste løysinga for oss.

Likevel kan dei som ynskjer leige lokalet, og ordne alt av mat, drikke, pynting med meir sjølve.

Sidan 2019 (utenom litt pandemi pause) har me vore heldige kvar sommar å hatt Backroads på Løo. Dei har guida sykkeltur mellom Voss og Ulvik, og dei har lunsjmåltid på Løo. Guidane lagar til maten sjølve, og gjestene får ein god pause før dei tek turen vidare over Ulvikahøgda.

Her kan de lese om turen gjestene våre har:

https://www.backroads.com/trips/MNWQ/norway-multi-adventure-tour

God sommar! 🌞

31/01/2024

I morgon føl me Greta til sin siste kvilestad. Greta var den, som sammen med Joffen, dreiv garden her på Seim i mange år.Ho har uendeleg mange timar i Løo, med fjøsstell og lembing. Kvil i fred ♥️

22/07/2023

Dagens innhopp på Seim 🙂

01/02/2023

Me takkar for gode minner, Wenche ♥️

Wenche Lekven Født 14-09-1954 Død 24-01-2023

19/08/2022

Hei,
det har vore lite oppdateringar frå Løo i det siste! For dei som lurar er no Løo kun til utleige, der dei som leiger lyt ordne alt sjølve, både mat, servering og vask. Me hjelper sjølvsagt til med tips og triks om det er behov!

Me har likevel hatt liv i tunet, det synest me er veldig kjekt! 🙂 I sommar har www.backroads.com hatt guida tur frå Voss til Ulvik(og vidare med båt til Lofthus), dette er tur som dei ikkje har hatt på nokre år pga korona-pandemien. Så kjekt at dei er tilbake!

Lunsjen deira på turen har vore på Løo, der flinke turguidar har laga enkel og god mat til gjestene dine. Hunden Bessie har vorte populær blant gjestene, og har fått mykje kos i sommar! 😍

I tillegg hadde me konfirmasjonar i vår, og dåp no i sommar. Veldig kjekt å ha folk i tunet, sjølv om det ikkje er like ofte som før!

Dersom de vurderer å leige Løo er det berre til å ta kontakt!

Worldwide award-winning bike tours, family vacations, walking and hiking tours. Order a free catalog or call 800-462-2848 to book a tour now.

07/10/2020

Eit nytt innlegg frå Løo. Det blir litt endringar framover i drifta, og det må me berre beklaga til våre faste gjester.

Dersom de ynskjer å leige Løo privat er det berre å ta kontakt. I tillegg har me ei leiligheit med sju sengeplassar (to soverom og ein sovesofa) til utleige om nokon er i området og treng overnatting.

http://www.seimstunet.no/

23/06/2020

Utsikt frå Seim, der bøndene har jobba på med slåtten! 🙂 For oss har det vore rolege månader, og me går no mot ein roleg sommar. Løo vil framover kun halde ope for førehandsbestilte lag. Vurdere du å ta med deg familien eller vennegjengen, ta kontakt 🙂

11/05/2020

Me held dessverre ikkje ope 17.mai.
Håpar alle får ei fin annleisfeiring :)

Helsing alle oss på Løo

Det er ei spesiell tid for alle, og me har bestemt at me held stengt på Løo 17.mai i år. Beklagar til gamle og nye gjester på Løo. Det er ingenplanar å halde ope før sommaren, men me tek i mot bestilling til lukka lag. Håpar de får ein fin vår og sommar. Beste helsing

11/05/2020

http://www.seimstunet.no/ingen-17-mai-pa-loo/

07/04/2020

Våronna er i gang i Øvre-Granvin, det kjenner me på lukta 😁 Det er eit sikkert vårteikn🙂
Ynskjer alle ei god påske,
helsing frå oss på Løo 🐤🐣🌞

03/04/2020

Hei, her kjem ein oppdatering frå Løo:) Her er det ikkje mange gjestar for tida, som for så mange andre. Me håpar me etter kvart kan ta i mot bestillingar att. Me er no inne i Wenche og Erling sitt siste år som leverandør av mat på Løo, og me håpar etter kvart at me kan ta i mot gjester igjen og servere Erling sin mat.
Håpar alle har det bra og er friske, lytt på myndigheitene sine råd og ta vare på kvarandre :)

09/03/2020

OPPDATERING: per. dags dato ser det ut til at me må avlyse konserten. Me held dykk oppdatert etter kvart som me veit meir.
_____

Då kan me meddela at Karoline Vik spalar til konsert igjen på Løo. Kva er vel betre enn å starta påsken med litt god musikk?

Onsdag 8.april kjem Karoline Vik tilbake på Løo og held minikonsert for oss. Etterpå held me ope ut over kvelden og natta. Inngang på Løo er 100 kr.Konsertstart kl. 22.00 – dørene opnar kl. 21.00 Velkomne!