Alden Kystlag

05/03/2026

Sidan 2020 har fire av partnarane i Fjordkysten regional- og geopark kvart år redda eit trua kystkulturminne på dugnad, og no er vi klare for eit nytt oppdrag!

19/10/2025

Hei alle vener av kystlaget og Bakkejekta: Det nærmar seg vår tradisjonsrike Skoltefest - fredag 21. november brakar det laust på Jensbua Kystkultursenter! Skoltane - kokt av dugnadsgjengen på Bakkebø - blir servert kl 20 00. Seinare på kvelden blir det åresal med flotte og rare gevinstar. Alt uavkorta til stell og drift av jekta vår.
Vil du vere med oss? Påmelding: Melding eller epost til Ove Losnegård, 97079139 eller [email protected] innan 10. november

12/10/2025

Vi takkar så mykje alle som kom i det vakre haustveret idag og var med oss og drog Bakkejekta i naust - det var nok såvidt vi var mange nok, men vi klarte det💪ekstra takk til Anne Britt for kjempegod eplekake og til Theo, Lin, George, Aino og Ernst frå UWC som rodde jekta til vinterhiet sitt🛶

30/05/2025

Framme!🤩

30/05/2025

28/05/2025

VELKOMEN TIL SKIPPERTAKET 2025, 13.-15. juni!
https://fjordkystparken.no/bli-med-pa-skippertaket-2025-13-15-juni/?fbclid=IwY2xjawJhq1xleHRuA2FlbQIxMQABHqDx8pQ2SpctQptd6WG8362D9OFfrEpUv3nrQXNRQgmoXU-40tFz2603gDpf_aem_mS70MZYpOGPSI6oRclM8Ug
Skippertaket er ein årleg aksjon der frivillige samlast for å redde eit kyst-kulturminne. Bak initiativet står ein gjeng med engasjerte tradisjonshandverkarar og bygningsvernarar i Sunnfjord og Ytre Sogn, som alle er partnarar i Fjordkystparken:
• Jensbua Kystkultursenter
• Nedre Jølster Bilelag
• Norsk Kystkulturakademi
• Ove Losnegård Snikkar & båtbyggjar
• Alden Kystlag

I år fekk vi inn rekordmange søknader, med ulike bygningar som har trong for fyrstehjelp
Valet falt på eit naust i Kolgrov (Solund), som står i eit særeige og gamalt sjøhusmiljø.

Det er svært lærerikt, sosialt, inkluderande og kjempekjekt å delta på denne dugnaden! Eigaren ordnar med kost og losji, og alt du treng er handverktøy og arbeidsklede. Til opplysning har vi allereie fått påmelding frå fire kvinner i år.Utruleg kjekt! -Og det er plass til fleire!

Meld deg på til Trude på e-post : [email protected] 😄

27/04/2025

Årsmøtet i Alden Kystlag medan jekta trutnar😅

27/04/2025

Idag kom Bakkejekta i salt Dalsfjord igjen, med god hjelp frå omlag 30 dalsfjordingar. Jekta takkar pent alle som var med, små og store, for at de er trufaste og med kvar gong ho skal ut og inn i naustet. No ser jekta fram til fine turar i vakre Dalsfjorden og endå lenger⛵️tusen takk, alle❤️

12/02/2025

Alden Kystlag har fått invitasjon frå Nordfjordbåten Kystlag til å vere med på å feire at Holvikejekta skal opne sin nye heim 6. juni💥
Bakkejekta satsar på å sigle til Sandane helga før, truleg med avreise Kr. Himmelfartsdag, og med retur i pinsehelga.
Kan du tenkje deg å sigle med oss frå Dalsfjorden til Sandane på vakraste tida av året? Eller på deler av turen?
Ta kontakt med Ove Losnegård eller Josef Thingnes!