27/12/2025
لو إنت مهندس مدني 👷♂️
لازم تكون عارف إن مفيش **Interview** بيعدّي من غير الأسئلة دي 💗💪
---
# # # 1️⃣ إيه الفرق بين الجسات الاسترشادية والجسات التأكيدية؟
**الإجابة:**
* الجسات الاسترشادية: بيعملها المهندس المصمم قبل التصميم لمعرفة قدرة تحمل التربة، نوعها، وجود مياه جوفية أو تربة مشاكل (انتفاشية – انهيارية)، وبتُستخدم في التصميم المبدئي وتقديم العطاء.
* الجسات التأكيدية: بيعملها المقاول أو الشركة المنفذة للتأكد من مطابقة طبيعة التربة على الطبيعة لتقرير التربة، والتأكد إن مفيش تغيّر حصل أثناء التنفيذ.
---
# # # 2️⃣ ليه بنكسر رؤوس الخوازيق؟
**الإجابة:**
لأن أثناء الحفر والصب بتطلع شوائب وتربة مختلطة بالمياه وتتركز في الجزء العلوي من الخازوق، وده يسبب ضعف في القطاع، فبيتم تكسير الرأس وإعادة الصب بخرسانة سليمة لضمان قوة وجساءة الخازوق، وكمان لضمان دخول حديد الرباط داخل القاعدة.
---
# # # 3️⃣ يعني إيه مصطلحات الموقع (ضفدعة – عصفورة – حمار – حصان)؟
**الإجابة:**
* الضفدعة: قطعة خشب تُستخدم عند وصل عروق الشدة لمنع الانزلاق أثناء الصب.
* العصفورة: أسطوانة خشب أو معدنية بميزان الخيط لوزن الأعمدة والحدود.
* الحمار: عرق خشب أفقي على رجلين (شكل X أو V) يُستخدم لتنظيف الخشب من المسامير أو للوقوف عليه.
* الحصان: قدة ألومنيوم يستخدمها صنايعي الجبس لضبط وزن الكرانيش.
---
# # # 4️⃣ الفرق بين السمل والميدة والشداد؟
**الإجابة:**
* السمل: بيشيل حائط الدور الأرضي.
* الميدة: بتكون في منسوب القواعد لربط القواعد المنفصلة.
* الشداد: يُستخدم غالبًا في قواعد الجار.
---
# # # 5️⃣ الفرق بين حطة الأشاير وحطة النجارة؟
**الإجابة:**
* حطة الأشاير = مقاس العمود – الكفر الخرساني.
* حطة النجارة = مقاس العمود + الكفر الخرساني.
---
# # # 6️⃣ أكسات المبنى بتكون فين؟
**الإجابة:**
الأكسات المعمارية بتكون في منتصف الحوائط.
---
# # # 7️⃣ إزاي بنظبط محارة الأعمدة الدائرية؟
**الإجابة:**
باستخدام فورمة بنفس شكل العمود للحصول على قطاع مظبوط.
---
# # # 8️⃣ الفرق بين الشدة المصرية والشدة السورية؟
**الإجابة:**
* المصرية: تخشيب ثابت ويتحط عليه الحطات ثم الوزن.
* السورية: يتم تخشيب العمود كامل ثم وزنه وتثبيته بالهايز.
(الكثير يفضل الشدة المصرية).
---
# # # 9️⃣ ليه بنعزل مباني قصية الردم؟
**الإجابة:**
لمنع وصول الرطوبة لحديد التسليح، ومنع صعود المياه لمباني الدور الأرضي وحدوث تطبيل للمحارة.
---
# # # 🔟 إمتى يكون تسليح الكمرة الرئيسي فوق؟
**الإجابة:**
لما يكون العزم السالب أكبر، أو تكون الكمرة بحرها صغير ومجاورة لكمرات بحور كبيرة، أو في حالة الكوابيل.
---
# # # 1️⃣1️⃣ رجل أشاير العمود لجوه ولا لبره؟
**الإجابة:**
يفضل تكون لبره لتقليل احتمالية التعشيش.
---
# # # 1️⃣2️⃣ ينفع نوصل أشاير العمود في منتصف الارتفاع؟
**الإجابة:**
ينفع لو العمود معرض لأحمال رأسية فقط، وهو أفضل في مقاومة الزلازل.
---
# # # 1️⃣3️⃣ الفرش فين؟
**الإجابة:**
* القواعد المنفصلة: في اتجاه الرفرفة الأكبر.
* اللبشة: في الاتجاه الأكبر.
* السوليد سلاب: في الاتجاه القصير.
* الفلات سلاب: غالبًا في الاتجاه الطويل.
---
# # # 1️⃣4️⃣ طول السيخ لكانة كمرة 70×25؟
**الإجابة:**
≈ **186 – 190 سم** حسب طريقة الحساب.
---
# # # 1️⃣5️⃣ أماكن وصلات حديد اللبشة؟
**الإجابة:**
* الشبكة العلوية عند الأعمدة.
* الشبكة السفلية عند منتصف البحر.
---
# # # 1️⃣6️⃣ الفرق بين التسويس والتعشيش؟
**الإجابة:**
* التسويس: فراغات صغيرة بين الحديد والخرسانة وتعالج باللياسة.
* التعشيش: عدم وصول الخرسانة لمناطق معينة ويُعالج بالإيبوكسي.
---
# # # 1️⃣7️⃣ سبب الشروخ بعد الصب؟
**الإجابة:**
انكماش الخرسانة أو صدمة حرارية بسبب عدم الاهتمام بالمعالجة.
---
# # # 1️⃣8️⃣ هل نعزل السمل؟
**الإجابة:**
السمل الحامل لحائط الأرضي يُعزل من أسفل فقط.
---
# # # 1️⃣9️⃣ فاصل الصب؟
**الإجابة:**
يفضل عند **Zero Moment** (مدارس مختلفة).
---
# # # 2️⃣0️⃣ الفرق بين الفواصل؟
**الإجابة:**
* فاصل الهبوط: بين منشأين مختلفي الأحمال من القواعد حتى السقف.
* فاصل التمدد والانكماش: بعد مسافات معينة وغالبًا لا يصل للقواعد.
---
# # # 2️⃣1️⃣ أنواع الخرسانة؟
**الإجابة:**
* Pre-Tension: شد سابق قبل الصب (كباري).
* Post-Tension: شد بعد الصب.
* Precast: عناصر خرسانية مسبقة الصب.
---
# # # 2️⃣2️⃣ الطوب الطفلي ولا الأسمنتي؟
**الإجابة:**
* الطفلي: لتقسيم الفراغات بعيدًا عن الرطوبة.
* الأسمنتي: أول مدماك، الحمامات، وحول الفتحات.
---
👇
**احفظ البوست ده كويس…
ده كنز لأي مهندس مدني في الإنترفيو 💪🔥**
#هندسة
