23/09/2024
ဘိန်းမုန့် နဲ့ မုန့်ပျားသလက် ခွဲနည်း
=====================
ကျွန်တော် အရင်ထဲက ဘိန်းမုန့်အဖြူ နဲ့ မုန့်ပျားသလက် က ပုံစံတူပြီး ပါဝင်ပစ္စည်းတွေကလည်း တူနေတော့ ခဏခဏ မှားပေမယ့် ဒီနေ့တော့ ကောင်းကောင်းရှင်းသွားပြီဗျာ။
မုန့်ပျားသလက်
==========
မုန့်ပျားသလက် ဆိုတာကတော့ သူ့နံမည် အတိုင်းပေါ့နော် သူ့ရဲ့အတွင်းသား က ပျားသလက်လိုမျိုး မာမာတောင့်တောင့်လေးကိုမှ အထဲမာ လည်း ပျားကွက်လိုမျိုးလေး အပေါက်ပေါက်လေးတွေဖြစ်နေပါတယ်။ သူ့ကိုကတော့ များသောအားဖြင့် ဆီမပါသလောက်နဲနဲလေး နဲ့ မြေအိုး မြေခွက်ထဲမှာ ထည့်ဖုတ်တာပေါ့နော်။ အဲဒါကြောင့်မို့ သူက မာမာတောင့်တောင့်ဖြစ်နေတာပေါ့နော်။ ပြီးတော့သူ့ကို မုန့်နှစ်ထဲမာ ဆားအပြင် ဘာအရသာမှုန့်မှ မထည့်ဘဲ ဒီတိုင်းပေါ့ပေါ့လေးလုပ်ကြပြီး တချို့နေရာမှာတော့ ပဲပြုတ် ကြက်သွန်မိတ်လေးပါကြတယ်။အညာမှာတော့ ဘိန်းမုန့်ကို စားခါနီးမှ ဆီပန်းကန်ထဲ နှစ်ပြီး ဆီရွှဲရွှဲလေးနှစ်ပြီး နှမ်းထောင်းလေးနဲ့ စားကြတာရှိသလို ဘူးသီးကြော် ကြက်သွန်ကြော် ဘယာကြော် အကြော်စုံရယ် ခရမ်းချဉ်သီးထောင်းရယ် အဲဒါတွေနဲ့ တွဲပြီးစားကြတယ်။ ထန်းလျက်ရည် နဲ့ တို့ပြီး အချိုအနေနဲ့လည်း စားကြတယ်။ အနှစ်ချုပ်ရရင်တော့ သူက အရသာတွေ ဆီတွေ မပါဘဲနဲ့ စားခါနီးမှ အရသာရှိတာတွေနဲ့ တွဲစား ထည့်စား ရတာမျိုးပေါ့နော်။
ဘိန်းမုန့်(အဖြူ)
==========
ဘိန်းမုန့်အဖြူ ကတော့ မုန့်ပျားသလက်နဲ့ အမြင်သာတူပြီး အရသာ နဲ့ မုန့်သား ကတော့ လုံးဝ ဆန့်ကျင်ဘက်ဘဲ။ သူ့မုန့်သားက pan cake လိုမျိုး နူးနူးညံ့ညံ့ ပွပွပျော့ပျော့လေး။ သံဒယ်အိုရထဲမာ ဆီတွေ ရွှဲရွှဲထည့် ဖုတ်တာပေါ့နော်။ ပြီးတော့သူက မုန့်နှစ်ထဲမာ ပဲပြုတ်ကြက်သွန်မိတ် အပြင် ဆီ နဲ့ အရသာ အချိုမှုန့် အကုန်ထည့်ပြီးသား ၊ ဘာမှ ထပ်ထည့်စားစရာ ၊တွဲစားစရာတွေ မလိုတော့ဘူးပေါ့နော်။ သူ့ကိုက အချိုစားချင်ရင်တော့ ထန်းလျက်ရည် ကို မုန့်နှစ်ထဲထည့်ပြီး ဆီတွေထောပတ်တွေနဲ့ ကြော်ပြီးအပေါ်က ဘိန်းစေ့တွေဖြူးလိုက်တော့ ဘိန်းမုန့်အညို အချိုဖြစ်သွားတာပေါ့နော်။
ကဲ အဲဒါဆိုရင် အားလုံးလည်း ကျွန်တော်လိုမျိုး ကွဲကွဲပြားပြားသိသွားဘီပေါ့နော်😁 အောက်က ပုံလေးကတော့ အညာ မုန့်ပျားသလက်ပါ။ ဘာအရသာမှ မပါလို့ သူ့ကို ဆီ နဲ့ နှမ်းထောင်းလေးနဲ့ တွဲစားဖို့ ပြင်ထားတာဖြစ်ပါတယ်ခင်ဗျာ 🙏🏻🙏🏻🙏🏻
