21/05/2024
မဂ်လာပါ ခင်ဗျား။ ။
- ယခုတစ်ပတ်တော့ ငှက်ပျောပင် 3 လတစ်ခိုင် အသီးရအောင် စိုက်ပျိုးနည်း၊ ပြုစုထိန်းသိမ်းနည်း၊ အစာကျွေးနည်း၊ အပင်မွေးနည်း စသည်တို့ကို တင်ပြပေးပါမည်။
စိုက်ပျိုးနည်း
ငှက်ပျောပင်ကို သားတက်ကိုသော်လည်းကောင်း၊ ငှက်ပျောပင်အမြစ်၏ ခေါင်းကို ခွဲစိတ်ပြီး အိတ်ဖြင့် ပျိုး၍သော်လည်းကောင်း၊ တစ်လျှူး နည်းဖြင့် အနုစိတ် မွေးမြူ၍ သော်လည်းကောင်း အမျိုးမျိုးစိုက်ပျိုးကြပါတယ်။
- သားတက်ကိုစိုက်ပျိုးလျှင် အပင်ဖြစ်မြန်ပါတယ်။ သားတက်ယူသော မိခင်ပင်သည် အမြစ်ပိုးမဝင်နေစေဖို့၊ သက်တမ်း အရမ်းကြီးမနေဖို့ ဂရုပြုရပါမည်။
- ငှက်ပျောခေါင်းကို ခွဲစိတ် ပျိုး၍ စိုက်လျင် အပင်ဖြစ် အနည်းငယ် နှေးပါမည်။ အရွယ်ညီသော ငှက်ပျောပင်များ ရနိုင်ပါသည်။
- တစ်လျူးနည်းဖြင့် ရရှိသောငှက်ပျောပင်များသည် အခိုင်ကျချိန် တူညီ၍ စိုက်ခင်းတွင် တစ်ပြိုင်တည်း ရိတ်သိမ်းနိုင်သော အကျိုးကျေးဇူးရှိပါသည်။ စီးပွားရေးအရ တွက်ခြေအကိုက်ဆုံး ဖြစ်ပါသည်။
- မည်သည့်နည်းလမ်း ဖြင့်စိုက်သည်ဖြစ်စေ အပင်အရွယ်အစားညှိပေးခြင်း၊ မြေဩဇာ ပုံမှန်ပေးခြင်း၊ ပိုးဆေး၊ မှိုဆေး အချိန်မှန် ဖြန်းခြင်း စသည်တို့ကို စနစ်တကျ ပြုလုပ်ပေးရပါမည်။
- စိုက်ပျိုးပြီး ပထမလ တွင်အစာမကျွေးရပါ။ အမြစ်စွဲပြီး ဒုတိယလ ရောက်မှ Nitrogen အသားပေး၊ ပုလဲ ကဲ့သို့သော မြေဩဇာကို တစ်ပင်လျှင် ထမင်းစားဇွန်း 3 ဇွန်းခန့် စကျွေးရပါမည်။ အစာကျွေးတိုင်း သဘာဝမြေဩဇာ၊ မြေဆွေး ရလျှင် 4ပြည် ခန့် ထည့်နိုင်လျှင် ပိုကောင်းပါသည်။
- ဒုတိယလ အစာကျွေးချိန်တွင် သားတက်စိုက်ပျိုးသူဆိုပါက အပင်အားလုံး တစ်ညီတည်း ဖြစ်အောင် မြေပြင်အထက် 2ပေခန့် တွင် ဓါးဖြင့် ခပ်စောင်းစောင်း တိပေးနိုင်ပါသည်။
- စိုက်ပျိုးပြီး 3လ၊ 4လ များတွင် 15 ပတ်လည် ဓါတ် မြေဩဇာကို တစ်ပင်လျှင် နို့ဆီ တစ်ဘူးခန့် ကျွေးပေးနိုင်ပါသည်။ အရွယ်ငယ်သော အပင်များကို မြေဩဇာ အနည်းငယ်ပိုကျွေး၍၊ အရွယ်ကြီးသောအပင်များကို မြေဩဇာ လုံးဝထပ်မထည့်ခြင်း (သို့) အနည်းငယ်သာပေးခြင်း စသည်ဖြင့် သင့်သလို စီမံပေးရပါမည်။
- ငှက်ပျောပင် သက်တမ်း 5လ၊ 6လ တွင် N: P: K အချိုးသုံးမျိုးတွင် P များသော မြေဩဇာ ( ဥပမာ ၊ တီစူပါ လိုဓါတ်မြေဩဇာ) ကို အဓိက ကျွေးပေးရပါမည်။ ကွန်ပေါင်းမြေဩဇာ ရွေးချယ်လျှင်လည်း P အချိုးကြီးသော မြေဩဇာကို ရွေးချယ်ရပါမည်။
- စနစ်တကျပြုစုပေးသော ငှက်ပျောပင်များသည် သက်တမ်း 6လ၊ အချို့ 7လ နှင့် အဖူးစထွက်နိုင်ကြပါသည်။ သဘာဝအတိုင်း မပြုစုပဲ ပစ်ထားလျှင်တော့ 10 လ သို့ တစ်နှစ်ခန့်ကြာမှ အဖူးကျနိုင်ပါသည်။
# # # အရေးအကြီးဆုံးအချက်အနေနဲ့ စိုက်ပျိုးပြီး 5လ အထိ ထွက်သမျှသော သားတက်များကို တူးထုတ်ခြင်း၊ ခုတ်ပစ်ခြင်းပြုလုပ်ပေးရပါမည်။ သို့မှသာ ကျွေးသမျှ အစာ၊အဟာရများ မိခင် အပင်ကြီးမှ အကျိုးရှိစွာ စားသုံးရပါမည်။ 5 လကျော်မှ ထွက်လာသောသားတက်များကို တစ်ရုံလျှင် တစ်ပင်စီသာ အရွယ်ညီညီ ရွေးချယ် ထားရပါမည်။ မိခင် ငှက်ပျောခိုင်ခုတ်မည့် တစ်လ အလိုကျမှ ဒုတိယ သားတက်ဆက်လက်ထားရပါမည်။
- ထို့ကြောင့် ငှက်ပျောတစ်ရုံလျှင် မိခင်၊ သား၊ မြေး စုစုပေါင်း 3 ပင် ပုံမှန် ရှိနေပါလိမ့်မည်။ တစ်ပင်လဲ တစ်ပင်ထူ စနစ်ဖြစ်၍ 3/4လ ကြာတိုင်း တစ်ခိုင် ပုံမှန် ကျနိုင်ပါသည်။ လိုအပ်သော အစာ၊အဟာရ စနစ်တကျ ကျွေးပေးဖို့တော့ လိုအပ်ပါမည်။
Credit to owner
