21/01/2022
“အတိတ်ကိုခေါ်ဆောင်ပေးသွားမည့် ရန်ကုန်ဘူတာကြီး”
ရန်ကုန်မြို့နှင့် ဆင်ခြေဖုံးဒေသများရှိ ပြည်သူများသွားလာရာတွင် လွယ်ကူစေရန်ရန်ကုန်မြို့ပတ်ရထားလမ်းအား အိမ်စောင့်အစိုးရလက်ထက် ၁၉၅၉ ခုနှစ်တွင် ဖောက်လုပ်ခဲ့သည်။
လွန်ခဲ့သောနှစ် ၁၄၀ မှ စတင်၍ ရထားများပြေးဆွဲခဲ့သည့် ရန်ကုန်ဘူတာကြီးကို ယခင်က မီးရထားရုံတော်ဟုလည်းကောင်း၊ ဖယ်ရာလမ်း(ယခုပန်းဆိုးလမ်း)ထိပ်တွင်ရှိ သဖြင့် ဖယ်ရာစခန်းဟုလည်းကောင်း ခေါ်ဆိုခဲ့သည်။ ဘူတာအနီးတွင်ကွမ်းခြံများရှိခဲ့သဖြင့် ကွမ်းခြံဘူတာဟုလည်း ခေါ်ဝေါ် ကြသည်။
မူလက ရန်ကုန်ဘူတာကြီး အဆောက်အအုံသည် မီးရထားသံလမ်းများ၏ မြောက်ဘက်ခြမ်း၊ ယခုရှိနေသည့် နေရာမဟုတ်ဘဲ သံလမ်းများ၏ တောင်ဘက်ခြမ်း(ယခု ဗိုလ်ချုပ် အောင်ဆန်းလမ်းဘက်) တွင် သွပ်မိုး သစ်သား အဆောက်အအုံတစ်ခုအဖြစ် တည်ရှိခဲ့သည်။
ကိုလိုနီခေတ်က မီးရထားဘူတာရုံများကို အေ၊ ဘီ၊ စီ အဆင့် များခွဲထားရာ မြို့ ကြီးများနှင့် လမ်းဆုံလမ်းခွဲရှိ ဘူတာများကို အေအဆင့်သတ်မှတ်သည်။ မြို့ငယ်များရှိ ဘူတာများကိုမူဘီ အဆင့်သတ်မှတ်၍ မြို့ ကြီးများအကြား ရထားလမ်းတစ်လျှောက်ရှိ ကျေးရွာများရှိ ဘူတာများကို စီအဆင့်သတ်မှတ်သည်။
အေအဆင့် မီးရထားဘူတာများတွင် အင်္ဂလိပ်နှင့်အင်္ဂလိပ် ကပြားများကို ရုံပိုင်များ အဖြစ်ခန့်ထားပြီး အိန္ဒိယ လူမျိုးများကို ဘီအဆင့် ရုံပိုင်နေရာများ၊ မြန်မာလူမျိုးများကိုစီအဆင့် ဘူတာများတွင် ရုံပိုင်များအဖြစ်ခန့်ထားခဲ့သည်။
တိုင်းတစ်ပါး၏ အုပ်ချုပ်မှုအောက်တွင်နေခဲ့ရချိန်ဝယ် တိုင်းရင်းသား မြန်မာလူမျိုးများ ၏နေထိုင်ခဲ့ရပုံ သရုပ်တစ်ခုဟု ဆိုနိုင်ပေသည်။
📬Source: Myanmar Times
Photo Credit : Irrawaddy , Frontier , MM Time
ရန်ကုန်မြို့ရဲ့ အငွေ့အသက်များကို အတူတူမျှဝေခွင့်ပြုပါ 🙏
