EKO Restaurant

01/12/2022

Miss you all 😢

10/11/2021

03/08/2021

😇😇😇

30/07/2021

Ballantine’s Finest

အသစ်ထွက်တဲ့ Sir Edward’s Beer Reserve က စျေးသက်သာတဲ့အပြင် ပေးရတဲ့စျေးနဲ့ အရမ်းတန်တဲ့အကြောင်းကို ရေးခဲ့ပြီးပါပြီ။ ဒါပေမယ့် Sir Edward’s က အရမ်း brand အမြင့်မဟုတ်တဲ့အတွက် တချို့တွေကမကြိုက်ပါဘူး။ အဲ့အခါ စျေးလည်းတန်ပြီး brand ကောင်းကောင်းထဲက လိုချင်တဲ့သူတွေအတွက် ကျွန်တော် recommend ပေးလေ့ရှိတာ နှစ်ခုရှိပါတယ်။ Ballentine’s Finest ရယ်၊ Dewar’s White Label ရယ်ပါ။

အခုတော့ Ballentine’s Finest လေးအကြောင်း review ချင်ပါတယ်ခင်ဗျာ။

About - ထုံးစံအတိုင်း blended scotch whisky အမျိုးအစားဖြစ်ပါတယ်ခင်ဗျာ။ 40% ABV ရှိပါတယ်။ Ballantine’s ဆိုတာ တစ်ချိန်က Europe ရဲ့ ရောင်းအားအကောင်းဆုံး brand တစ်ခုပါ။ အခုထိလည်း Europe နှင့် Asia ဘက်မှာ လူကြိုက်များ အောင်မြင်နေတဲ့ brand ပါခင်ဗျာ။

Aroma - ရနံ့လေးက sweet ဖြစ်ပါတယ်။ Sweet & soft aroma လေးကိုမှ အစေ့အဆန်တွေရဲ့ ရနံ့ကလည်း သိသာစွာပါဝင်နေပါတယ်။ တစ်ချက်တစ်ချက် တောပန်းရိုင်းများရဲ့ ရနံ့ကိုလည်း ခံစားမိနိုင်ပါတယ်။ အဲ့အပြင် သစ်သီးတွေရဲ့ fruity aroma လေးကိုလည်း ပါးပါးလေး လိုက်ပါခံစားရပါသေးတယ်။ Sweet & nutty ဖြစ်နေတာလေး အီတဲ့အထိရောက်မသွားဖို့အတွက် spice & smoke ကလည်း ပါတယ်ဆိုရုံလေးနဲ့ တစ်ချက်တစ်ချက် ဝင်ထိန်းပေးထားပါသေးတယ်။ Aroma လေးက ရိုးရိုးလေးနဲ့ကို ကောင်းနေတာပါခင်ဗျာ။

Taste - အစမှာ အရသာက weak ဖြစ်နေသလို ထင်မိပေမယ့် တကယ်တမ်းကြတော့ မ weak ပါဘူးခင်ဗျာ။ အစမှာ သူ့ရဲ့ ညက်ညောမှုက creamy ဖြစ်တာနဲ့တွဲပြီး ယမကာတစ်ခုရဲ့အရသာကို အပျော့ဆုံးဖက်ဆွဲချထားပါတယ်။ ပြီးရင်တော့ spicy ဖြစ်တာလေး ပေါ်လာတာနဲ့အတူ ပါးစပ်ထဲမှာ စူးသလိုလို/ခါးသလိုလို/ကလိနေသလိုမျိုးလေး နဲ့ ယမကာအရသာကို sexy ဆန်ဆန် ပြန်ဆွဲတင်လိုက်ပါတယ်။ အတက်အကျနှစ်ခုလုံးရဲ့နောက်မှာ အချိုပေါ့ပေါ့လေးနဲ့ vanilla အရသာလေးက အစွန်းနှစ်ဖက်ရောက်မသွားအောင် ကူထိန်းပေးထားပါတယ်။

Aftertaste - Peated smoke လေး နူးနူးညံ့ညံ့ ညှင်ညှင်သာသာနှင့် aftertaste မှာ သိသာစွာ ပေါ်လာပါတယ်။ Smoke က အရမ်းမပျော့သလို အရမ်းလည်းမပြင်းပါဘူး။ Gentle smoke လေးကိုမှ warm & sweet ဖြစ်တဲ့ finish လေးနဲ့ တွဲထားပါတယ်။ ပြီးရင်တော့ ခါးသက်သက်အရသာလေးက ခံတွင်းရှင်းသွားအောင် အဆုံးသတ်ပေးမှာပါ။

ဒီကောင့်မှာ ကျွန်တော်အကြိုက်ဆုံးက နူးနူးညံ့ညံ့ peated smoke လေး aftertaste မှာ ညှင်ညှင်သာသာ ပေါ်လာတာပါ။ သူ့ရဲ့ smoky က နူးညံ့တဲ့အတွက် smoky ကြိုက်တဲ့သူတွေကော မကြိုက်တဲ့သူတွေပါ အဆင်ပြေမှာပါ။
ပြီးတော့ ဒီကောင်က smooth တယ်ဆိုပေမယ့် sexy ဆန်ဆန် smooth တာပါ။ Ballantine’s Finest ဆိုတဲ့အတိုင်း smooth တာထက်စာရင် fine & creamy ဆို ပိုမှန်မှာပါ။

အဲ့တော့ ညက်ညောမှုနဲ့မှ အဆင်ပြေမည့် beginner ကနေစပြီး သုံးဆောင်နေကြလူတွေအပြင် smoky သမားတွေအတွက်ပါ ဒီကောင်က အဆင်ပြေနိုင်မှာပါ။ ပိုက်ဆံလည်း နည်းနည်းပိုသုံးချင်ပြီး branded ထဲကရွေးချင်တဲ့သူတွေအတွက် Ballantine’s Finest ကို ထည့်စဉ်းစားဖို့ recommend ပေးလိုက်ပါတယ်။
Thank You 😊
Credit
(Photos from Internet)

30/07/2021

ရေသောက်ဖို့ အကောင်းဆုံး အချိန်များ
===========================

27/07/2021

Cognac - ဘုန်းကြီး Brandy

အဲ့တော့ Cognac ဆိုတာဘာလဲမစခင် Brandy အကြောင်းစပြောပါမယ်။

Brandy ဆိုတာ Distilled Wine ပါ။ Brandy ဆိုတဲ့နာမည်က Dutch စာလုံး Brandewijn ကဆင်းသက်လာတာပါ။ Brandewijn ဆိုတာ Burnt Wine လို့အဓိပ္ပာယ်ရပါတယ်။ အဲ့ကနေမှ Brandywine၊ ပြီးမှ Brandy လို့ဖြစ်လာတာပါ။

Brandy လုပ်တဲ့နေရာမှာ Fruit juice တွေကို Fermentation နည်းလမ်းနဲ့ Wine ချက်သလိုမျိုးအရင်လုပ်ရပါတယ်။ Fruit ဆိုတဲ့နေရာမှာ အများဆုံးသုံးတာက စပျစ် (Grapes) ပါ။ တခြား apple, pears, etc. စတာတွေလည်းသုံးကြပါတယ်။ အဲ့လို Fruit Juice ကနေ Wine (white wine) ရအောင်လုပ်ပြီးပြီဆိုရင် Distillation နည်းလမ်းနဲ့ New Born Brandy ရအောင်ထပ်လုပ်ရပါတယ်။ အဲ့တာကြောင့် Distilled Wine / Burnt Wine လို့ပြောတာပါ။ ပြီးမှ လိုချင်တဲ့ Aging အလိုက် Brandy ကို ဆက်ထားရပါတယ်။

ဒီနေရာမှာ Brandy နဲ့ Whisky အဓိကကွာတာလေးပြောချင်ပါတယ်။ ကွာတာက Brandy ကို အပေါ်မှာပြောခဲ့သလို Fermented Fruit တွေကလုပ်ပြီး Whisky ကိုက Fermented Grain တွေကလုပ်တာပါ။ ( Grain ဆိုတာ corn, barley, rye, wheat, etc. ကိုပြောတာပါ။ Whisky အကြောင်း post သပ်သပ်တင်မှ သေချာရှင်းပြပါမယ်) ပြီးတော့ Whisky ကိုရေခဲနဲ့သောက်ကြတာများပေမယ့် Brandy ကိုတော့ ရေခဲမပါ/မအေးပဲ သောက်ကြပါတယ်။ (တချို့ဆို ထည့်မည့် glass ခွက်ကို နွေးအောင်အပူပေးပြီးမှ brandy လောင်းထည့်ပြီးတောင် သောက်ကြပါတယ်။ Brandy ရဲ့ aroma ပိုပေါ်လွင်အောင်ပါ)

Whisky လိုပဲ Brandy မှာလည်းအမျိုးအစားတွေရှိပါတယ်။

Cognac
Armagnac
Armenian Brandy
Spanish Brandy
Brandy de Jerez
Pisco Brandy
South African Brandy
Cypriot Brandy
Pomace Brandy
Eaux de vie
Apple Brandy
Others ပါ။

အဲ့တော့ Cognac ဆိုတာ Brandy အမျိုးအစားတစ်ခုပါ။ ထပ်ပြောရရင် Brandy ထဲမှာမှ ရောင်းအားအကောင်းဆုံး လူကြိုက်အများဆုံး Brandy ပါ။ Brandy လိုင်းအောက်ကနေ Cognac ဆိုပြီး လိုင်းတစ်လိုင်းကွဲထွက်လာရလောက်အောင်ကို အောင်မြင်တာပါ။ ပြီးတော့ Brandy နဲ့ မတူတာလေးတွေလဲရှိပါတယ်။

အဓိကမတူတာက Brandy ကို Fruits (grapes, apple, pears, etc.) တွေကနေလုပ်ပေမယ့် Cognac ကိုတော့ White Grape Varieties ကနေပဲ လုပ်လို့ရပါတယ်။ ပြီးတော့ Brandy ကို တစ်ကမ္ဘာလုံးမှာထုတ်လို့ရပေမယ့် Cognac ကိုတော့ ပြင်သစ် (Cognac area of France) မှာပဲထုတ်ပါတယ်။ Cognac ကစည်းကမ်းပိုများပါတယ်။ Cognac ရဲ့ Distillation Process မှာလည်း Specific One Type နဲ့ပဲလုပ်ရပါတယ်။ ပုံမှာပြထားပါတယ်။ Double distillation, Pot still, Oak cask ပါ။ Copper pot နဲ့ပဲလုပ်ပါတယ်။

အဲ့တော့ Cognac က Brandy လားဆိုတဲ့မေးခွန်းက ရှင်းသွားပါပြီ။
အရမ်းအောင်မြင်ပြီး Cognac လိုင်းတစ်လိုင်းပေါ်နေပေမယ့် Cognac က Brandy ပါပဲ။
မြန်မာတွေပြောနေကြတဲ့
ဘုန်းကြီးတိုင်း ကတုံးပေမယ့်၊ ကတုံးတိုင်းဘုန်းကြီးမဟုတ်ဘူး ဆိုသလို၊
Cognac တိုင်း Brandy ပေမယ့်၊ Brandy တိုင်းကတော့ Cognac မဟုတ်ပါဘူး။
Cognac က Brandy ထဲမှာ ထူးခြားပြီး အအောင်မြင်ဆုံး ဘုန်းအကြီးဆုံးမို့ ဘုန်းကြီး Brandy လို့တင်စားပေးလိုက်တာပါ။

(Cognac အကြောင်းကမစုံသေးပါဘူး။ နောက်မှထပ်တင်ပေးပါအုန်းမယ်)

ကျွန်တော့်အကြိုက် Cognac တွေထဲက တစ်ခုဖြစ်တဲ့ Hennessy VS အကြောင်းကို အောက်က link မှာ ဝင်ကြည့်လို့ရပါတယ်။

https://www.facebook.com/109456667355900/posts/111034117198155/

တခြား Liquor / Spirits / Wine / Whisky တွေရဲ့အကြောင်းတွေ၊ Review တွေကို အချိန်ရရင်ရသလို တင်ပေးသွားမှာမို့ Page ကို Like & Share လုပ်ထားကြပါနော်။
Thank You 😊

Crd
(Photos from Internet)

26/07/2021

ကြက်မဖင်ကို အားနာလို့
အရက်ဈေးတန်းဘက် အာရုံလွှဲပေးဦးမှ😁

ယခုအချိန်မှာ
သောက်သုံးသင့်သော
အရက်အမျိုးအစားကတော့

(ဂျက်ဂါမိုက်စတာ) သို့မဟုတ် ချောင်းဆိုးပျောက်ဆေးအနံ့နဲ့ အရက်ချို

Jägermeister အရက်ကို လွန်ခဲ့သော ၈၆နှစ်လောက်ကတည်းက ယနေ့အထိပြောင်းလဲခြင်းမရှိဘဲ အစိမ်းရောင်ဖန်ပုလင်းနှင့်သာ ထုတ်လုပ်ဆဲဖြစ်ပြီး ယနေ့ခေတ်အထိ ဂျာမန်တွေကဆေးဖက်ဝင်အဖြစ် အသုံးပြုနေဆဲဖြစ်ပါတယ်။ Jägermeister ကို Jager ဟုအတိုကောက်ခေါ်ဝေါ်ကြပါတယ်။ ဆေးဖက်ဝင်သစ်သီး၊ သစ်ဖု၊ အမြစ်၊ အခေါက်၊ အရွက် ၅၆ မျိုးကို Alcohol 35% ဖြင့်ပြုလုပ်ထားပါတယ်။

ပါဝင်ပစ္စည်းကို အကြမ်းဖျင်းအနေနဲ့ ပြောရမယ်ဆိုရင်

#သစ်ကြံပိုးခေါက် ဝမ်းပျက်ဝမ်းလျှောခြင်းကိုကာကွယ်ရန်နှင့် အစာစားချင်စိတ်ကိုလှုံ့ဆော်ရန်
#လေးညှင်းပွင့် အဖျားအနာများကိုလျှော့ချရန်၊ရောင်ရမ်းခြင်းကိုကာကွယ်ရန်နှင့် အူလမ်းကြောင်းကင်ဆာကိုကာကွယ်ရန်
#ဂျင်းမြစ် ပျို့အန်ခြင်း၊ ရောင်ယမ်းခြင်းကိုလျော့နည်းစေရန်
#နံနံပင် အူနံရံဆေးကြောခြင်း၊ အစာအိမ်ကြွက်သားသန်မာခြင်း (အစာအိမ်ကြွက်သားကျန်းမာရေးကိုပိုမိုကောင်းမွန်စေသည့်ဆေးပင်)
#ဘိန်းစေ့ အစာချေခြင်းကိုပိုမိုကောင်းမွန်စေခြင်းနှင့်
ချောင်းဆိုးခြင်းကိုသက်သာစေရန်
#ဂျင်ဆင်း ကိုယ်ခံအားစနစ်ကိုအားကောင်းစေပြီး
အအေးမိခြင်းကိုလျော့နည်းစေသည့်အပြင် ကင်ဆာရောဂါကိုကာကွယ်ပေးရန်
#အနီရောင်စန္ဒကူးပင် စိုးရိမ်စိတ်ကိုလျှော့ချရန်နှင့်နိုးနိုးကြားကြား ရှိစေရန်
#ဘလူးဘယ်ရီ အမျှင်ဓာတ်မြင့်မားပြီး အစာချေစနစ်အား အထောက်အကူပြုရန်နှင့် ဓာတ်တိုးဆန့်ကျင်မှုမြင့်မားသောကြောင့် ဆဲလ်များအချိန်မတိုင်ခင် ယိုယွင်းပျက်စီးခြင်းမှ ကာကွယ်ရန်
အစရှိတဲ့ ကောင်းကျိုးများရရှိနိုင်ပါတယ်။

Jägermeister သောက်နည်းအညွှန်း
Cold Brew အမျိုးအစားဖြစ်တဲ့အတွက် အရက်ပုလင်းနှင့် သောက်မည့်ဖန်ခွက်အား ရေခဲသေတ္တာအခဲကန့်တွင် အခဲခံပြီးမှ သောက်သုံးပါရန်...။

😍😍😍

Crd- ယမကာသုတေသီ တင်အောင်လွ

26/07/2021

Whisky ဆိုတာဘာလဲ?

ဒီမေးခွန်းက သိသလိုလိုနဲ့ ဖြေရခက်ပါတယ်။
အရက်ပေါ့လို့ လွယ်လွယ်ဖြေလို့လည်း မရပါဘူး။ Vodka လည်းအရက်ပါပဲ။ ဝိုင်လည်း အရက်ပါပဲ။ နောက်ဆုံး ထန်းရည်လည်း အရက်ပါပဲ။
အဲ့တော့ Whisky ဆိုတာဘာလဲကိုတော့ သိထားစေချင်ပါတယ်။

Whisky ဆိုတာ Aged Grain Alcohol ပါ။
အဲ့စကားလုံးတစ်ခုစီကို ရှင်းပြပါမယ်။

Aged ဆိုတာမှာ 2 ချက်ရှိပါတယ်။
(1)ဘယ်လောက်သက်တမ်းရောက်အောင်
(2)ဘယ်လိုထားထားရမယ် ဆိုတာပါ။
Distillery တစ်ခုနဲ့တစ်ခုတော့ တူမှာမဟုတ်ပါဘူး။ ဒါပေမယ့် whisky လို့ခေါ်ချင်ရင် Aged မှာ အနည်းဆုံးပြည့်စုံရမည့် အချက်တွေရှိပါတယ်။ နိုင်ငံတစ်ခုနဲ့တစ်ခု law for age လည်းမတူပါဘူး။

ဘယ်လောက်သက်တမ်းဆိုတဲ့နေရာမှာ US ဆို အနည်းဆုံး 4 years ပါ။ ဒီနေ့ aging လုပ်၊ မနက်ဖန် whisky လို့တန်းခေါ်လို့မရပါဘူး။ (Rye Whiskey အမျိုးအစားဆိုရင်တော့ 2 years ဆိုရပါတယ်။ နောက်မှ whisky အမျိုးအစားတွေအကြောင်း ထပ်တင်ပေးပါမယ်။)
Scotch ဆိုရင် အနည်းဆုံး 3 years ပါ။ တခြားနိုင်ငံအလိုက် မတူကြပေမယ့် အများစုကတော့ 3 years ပါ။
ဘယ်လိုထားထားရမယ်ဆိုတဲ့နေရာမှာလဲ နိုင်ငံအလိုက်မတူပါဘူး။
ဥပမာတစ်ခုအနေနဲ့ Scotland မှာဆိုရင် aging လုပ်ရင် used barrel နဲ့ပဲလုပ်လို့ရပါတယ်။ New barrel ကိုမသုံးရပါဘူး။ (Barrel ဆိုတာက စည်ကိုပြောချင်တာပါ။ Aging လုပ်ဖို့ ထည့်ပြီးသိမ်းထားရတဲ့ စည်တွေပါ။ Comment က ပုံမှာကြည့်ရင်သိပါတယ်။)

Aged Grain Alcohol မှာ Aged အကြောင်းပြီးပြီဆိုတော့ Grain အကြောင်းပြောပါမယ်။
Grain ဆိုတာကတော့ Whisky ချက်လုပ်ရာမှာ Grain ကိုပဲ သုံးရမယ်လို့ ပြောချင်တာပါ။ ဥပမာ စပျစ်ဝိုင်ဆို စပျစ်သီးနဲ့ လုပ်ရပါမယ်။ အဲ့လိုပဲ whisky ဆိုရင် Grain နဲ့ပဲလုပ်ရပါမယ်။
(Grain ဆိုတာ မြန်မာလိုဆို အစေ့အဆန်လို့ပဲ ပြောရမယ်ထင်ပါတယ်။)

Grain မှာလည်း 2 ချက်ရှိပါတယ်။
ဘာ Grain အမျိုးအစားလဲ?
ဘယ်ဒေသက Grain လဲ? ဆိုတာပါ။

Traditionally အရဆိုရင် Whisky အားလုံးနီးပါးကို Grain အမျိုးအစား 4 ခုကနေပဲ လုပ်ရပါမယ်။
(1) Corn
(2) Barley
(3) Rye
(4) Wheat ပါ။
သုံးလိုက်တဲ့ Grain အမျိုးအစားပေါ်မူတည်ပြီးလည်း whisky ရဲ့ name ကကွာသွားမှာဖြစ်သလို နေရာဒေသကြောင့်လည်း ကွာသွားမှာပါ။ ဥပမာ Scotch Whisky ဆို Scotland ပဲဖြစ်ရပါမယ်။

အဲ့တော့ ပြန်ချုပ်ရရင် Whisky ဆိုတာ Aged Grain Alcohol ပါ။
နိုင်ငံအလိုက် law တွေမတူပေမယ့်လည်း အကြမ်းဖျင်းအရဆိုရင်တော့....

“Whisky ဆိုတာ Grain အမျိုးအစား 4 မျိုး (Corn, Barley, Rye, Wheat) ကနေ လုပ်ထားတဲ့၊ အနည်းဆုံး 3 နှစ် / 4 နှစ် သက်တမ်းရှိတဲ့ ယမကာ” ပါ။

Grain အမျိုးအစားအပေါ်မူတည်ပြီး Whisky အမျိုးအစားတွေကွဲသွားတဲ့အကြောင်းကိုတော့ နောက်နေ့ထပ်တင်ပေးပါမယ်။
တခြား Liquor / Spirits / Wine / Whisky တွေရဲ့အကြောင်းတွေ၊ Review တွေကိုလည်း အချိန်ရရင်ရသလို တင်ပေးသွားမှာမို့ Page ကို Like & Share လေးလုပ်သွားပေးပါ ခင်ဗျာ 😍
Thank You 😊

(Photo from Internet, Crd)

24/07/2021