13/07/2026
KALI JUGA е stoner/doom metal бенд од Белград, основан во мај 2025 година, со објавувањето на својот прв албум со осум песни, насловен „Smrt Svetu“.
На албумот свиреа членови на бендовите Kobold (српски speed metal бенд со значајни настапи, меѓу кои најновите се на Малта, во Лондон (Обединето Кралство) и на фестивалот Tolminator 2025 во Словенија), Terrorhammer (еден од најпознатите српски black/speed metal бендови), Goatmare & The Hellspades (најпознатиот psychobilly бенд во регионот), Čuvari Stvari (познат белградски indie бенд) и Dividing The Core (metalcore бенд од Пожаревац), со што овој нов состав практично претставува супергрупа составена од искусни алтернативни музичари од регионалната сцена.Бендот го заврши првиот дел од турнејата „Smrt Svetu“ низ Србија со седум настапи (подоцна проширени на вкупно 13 настапи во земјата и еден во странство), при што ја делеше сцената со некои од најпознатите имиња на домашната сцена, како и со легендите на светската stoner/doom сцена, Dopelord. Албумот „Smrt Svetu“ беше избран меѓу топ 30 регионални изданија на Balkanrock за 2025 година и е достапен на сите стриминг платформи, како и на најпознатите stoner/doom канали на интернет.
TMUR е четиричлен doom/drone metal бенд од Скопје, составен од Анис Османовиќ (МРША), Кристијан Новковски (The Local Blue, Строг Пост, Палиндром), Кристијан Јордановски (Ruda Vega) и Дамјан Поповски (Авелина).Нивниот звук претставува спој на doom/drone metal со традиционални музички инструменти и амбиентална електроника, која создава длабоко хипнотички звучни пејсажи. Идејата зад проектот е силно да ги распука звучните школки и да воспостави думерска сонична доминација.Преку својата музика, TMUR има за цел слушателите да ги вовлече во состојба на занес и целосно препуштање на звукот, отворајќи простор за едно трансцендентно искуство.
Crockett е Hard ‘n’ Heavy / Glam Rock бенд од Нови Сад. Бендот е основан во 2023 година и оттогаш има многу настапи на кои пренесува врвна енергија и впечатлив сценски настап. Бендот самостојно издаде два сингла со видеоспотови под наслов „Bad Cat“ и „Wild Sons“ и се подготвува за издавање на албум до крајот на годината.