Sihanouk Ville News

14/05/2026

សម្តេចតេជោ ហ៊ុន សែន អញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា ជុំវិញខេត្តស្វាយរៀង

AKP ស្វាយរៀង ថ្ងៃទី១៤ ខែឧសភា ឆ្នាំ២០២៦--

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយសមាជិក សមាជិកាក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំ មន្ទីរ អង្គភាពនានា ជុំវិញខេត្តស្វាយរៀងចំនួន ១ ៣០២នាក់ នាព្រឹកថ្ងៃទី១៤ ខែឧសភា ឆ្នាំ២០២៦។

រូបថត៖ ហ៊ុន យុទ្ធគុណ និង កុក គី
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube

14/05/2026

កម្ពុជានៅតែប្តេជ្ញាចិត្តយ៉ាងមុតមាំចំពោះការដោះស្រាយដោយសន្តិវិធីនូវរាល់បញ្ហាដែលនៅសេសសល់ ដោយគោរពពេញលេញតាមច្បាប់អន្តរជាតិ និងយន្តការទ្វេភាគីដែលមានស្រាប់។

Cambodia remains firmly committed to the peaceful settlement of all outstanding issues in full accordance with international law and existing bilateral mechanisms.

ក្រសួងវប្បធម៌ និងវិចិត្រសិល្បៈ
The Ministry of Culture and Fine Arts

សេចក្ដីថ្លែងការណ៍ | ថ្ងៃទី១៣ ខែឧសភា ឆ្នាំ២០២៦

14/05/2026

បញ្ហាអធិបតេយ្យភាព និងការកំណត់ព្រំដែនរវាងកម្ពុជានិងថៃ ត្រូវដោះស្រាយដោយគោរពយ៉ាងម៉ឺងម៉ាត់តាមច្បាប់អន្តរជាតិ រួមទាំងសន្ធិសញ្ញាបារាំង-សៀម ឆ្នាំ១៩០៧ និងលិខិតូបករណ៍ពាក់ព័ន្ធផ្សេងៗ ព្រមទាំងតាមរយៈយន្តការទ្វេភាគីដែលបានបង្កើតឡើង ជាពិសេសMoU-2000, TOR 2003 និងសមត្ថកិច្ចរបស់គណៈកម្មការJBC។

Issues relating to sovereignty and border delimitation between Cambodia and Thailand must be resolved in strict accordance with international law, including the 1907 Franco-Siamese Treaty and other relevant legal instruments, as well as through the established bilateral mechanisms, in particular the MOU-2000, the 2003 Terms of Reference (TOR), and the mandate of the Joint Boundary Commission (JBC).

ក្រសួងវប្បធម៌ និងវិចិត្រសិល្បៈ
The Ministry of Culture and Fine Arts

សេចក្ដីថ្លែងការណ៍ | ថ្ងៃទី១៣ ខែឧសភា ឆ្នាំ២០២៦

14/05/2026

ក្នុងព្រះរាជវរោកាសជយាភិរម្យ នៃព្រះរាជពិធីចម្រើនព្រះជន្មព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សូមក្រាបបង្គំថ្វាយព្រះរាជសព្ទសាធុការពរជ័យ សិរីបវរមហាប្រសើរ ថ្វាយព្រះករុណាជាអម្ចាស់ជីវិតលើត្បូង សូមព្រះបារមីព្រះមហាស្វេតច្ឆ័ត្រ និងវត្ថុស័ក្តិសទិ្ធក្នុងលោក ប្រោសប្រទានពរជ័យ សិរីមង្គលថ្វាយ ព្រះករុណាជាអម្ចាស់ សូមមានព្រះជន្មាយុយឺនយូរជាងរយព្រះវស្សា ព្រះកាយពលមាំមួន និងព្រះរាជសុខភាពល្អបរិបូរណ៍ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជានុរាស្រ្តខ្មែរគ្រប់ៗរូប៕

13/05/2026

«ការចងចាំ មិនមែនដើម្បីគំនុំ តែដើម្បីភាពរឹងមាំ»

13/05/2026

«អបអរសាទរប្អូនប្រុស ឌឿន ដេត សិស្សអនុវិទ្យាល័យសាមគ្គី ដែលទទួលបានចំណាត់ថ្នាក់លេខ៥ ទូទាំងប្រទេស ផ្នែកអក្សរសិល្ប៍ខ្មែរ»

នៅព្រឹកថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ លោក អុី ធារិន អភិបាល នៃគណៈអភិបាលស្រុកព្រៃនប់ បានដឹកនាំសហការី អញ្ជើញចូលរួមពិធីអបអរសាទរ និងសំណេះសំណាលជាមួយប្អូនប្រុស ឌឿន ដេត សិស្សនៃអនុវិទ្យាល័យសាមគ្គី ដែលបានប្រឡងជាប់ជាសិស្សពូកែទូទាំងប្រទេស ទទួលបានចំណាត់ថ្នាក់លេខ៥ ផ្នែក អក្សរសិល្ប៍ខ្មែរ។

ក្នុងឱកាសនោះ លោកអភិបាលស្រុក បានសម្ដែងនូវការកោតសរសើរ និងវាយតម្លៃខ្ពស់ចំពោះភាពខិតខំប្រឹងប្រែងក្នុងការសិក្សារបស់ប្អូនប្រុស ឌឿន ដេត ដែលបាននាំមកនូវកិត្តិយសជូនក្រុមគ្រួសារ សាលារៀន និងស្រុកព្រៃនប់ទាំងមូល។ លោកក៏បានលើកទឹកចិត្តឱ្យបន្តខិតខំរៀនសូត្រ ពង្រឹងសមត្ថភាព និងរក្សាបាននូវលទ្ធផលល្អនេះ ដើម្បីក្លាយជាធនធានមនុស្សដ៏មានសក្តានុពលសម្រាប់សង្គមជាតិ។

ជាមួយគ្នានេះ លោកអភិបាលស្រុក ក៏បានផ្តល់អនុសាសន៍ណែនាំដល់សិស្សានុសិស្សទាំងអស់ ដោយលើកឡើងពីវិធីសាស្ត្រសិក្សាសំខាន់ៗ ដើម្បីក្លាយជាសិស្សពូកែ និងទទួលបានជោគជ័យក្នុងការសិក្សា ដូចជា៖
• ទី១. ហ៊ានសួរសំណួរ និងចូលរួមពិភាក្សាជាមួយលោកគ្រូ អ្នកគ្រូ ដើម្បីពង្រឹងការយល់ដឹង និងបង្កើតគំនិតច្នៃប្រឌិតថ្មីៗ។
• ទី២. បំពេញកិច្ចការសាលាឱ្យបានខ្ជាប់ខ្ជួន មានទំនួលខុសត្រូវ និងវិន័យក្នុងការសិក្សា។
• ទី៣. កំណត់គោលដៅសិក្សាផ្ទាល់ខ្លួនឱ្យបានច្បាស់លាស់ ដើម្បីជំរុញទឹកចិត្តក្នុងការខិតខំរៀនសូត្រ។
• ទី៤. ផ្តោតអារម្មណ៍លើការសិក្សា និងចេះប្រើប្រាស់បច្ចេកវិទ្យា ឬបណ្តាញសង្គមឱ្យមានប្រយោជន៍។
• ទី៥. ខិតខំប្រឹងប្រែងរៀនសូត្រ ដោយមានឆន្ទៈ និងការតស៊ូ ដើម្បីសម្រេចគោលដៅដែលបានកំណត់។
• ទី៦. បង្កើតទម្លាប់ស្រាវជ្រាវ និងស្វែងយល់ចំណេះដឹងថ្មីៗ តាមរយៈឯកសារ និងប្រព័ន្ធអ៊ីនធឺណិត។
• ទី៧. បង្កើនទម្លាប់អានសៀវភៅឱ្យបានច្រើន ដើម្បីពង្រីកចំណេះដឹង បង្កើនការគិតវិភាគ និងអភិវឌ្ឍសមត្ថភាពផ្ទាល់ខ្លួន។

បន្ថែមពីនេះ លោកអភិបាលស្រុក ក៏បានផ្តល់អនុសាសន៍ណែនាំបន្ថែម ដើម្បីឱ្យសិស្សានុសិស្សផ្សេងៗអាចយកតម្រាប់តាម និងដើម្បីឱ្យជ័យលាភីនៅថ្ងៃនេះបន្តជោគជ័យទៅមុខទៀត ដោយបានចែករំលែកនូវគន្លឹះសំខាន់ៗ ៤ ចំណុច សម្រាប់ការរៀនសូត្រ រួមមាន៖
• ទី១. ការកំណត់គោលដៅឱ្យច្បាស់លាស់ (Goal Setting)៖ មនុស្សដែលគ្មានគោលដៅ ប្រៀបដូចជាទូកដែលគ្មានចង្កូត។ សិស្សានុសិស្សត្រូវដឹងថា ខ្លួនចង់ក្លាយជាអ្វីនៅថ្ងៃអនាគត ដូចជា គ្រូពេទ្យ វិស្វករ ឬអ្នកដឹកនាំ។ កាលណាមានគោលដៅច្បាស់លាស់ នឹងមានកម្លាំងចិត្តក្នុងការខិតខំរៀនសូត្រដោយមិនចេះហត់នឿយ។
• ទី២. វិន័យ និងការគ្រប់គ្រងពេលវេលា (Discipline & Time Management)៖ សិស្សពូកែមិនមែនរៀន ២៤ម៉ោងលើ ២៤ម៉ោងនោះទេ ប៉ុន្តែជាសិស្សដែលចេះរៀបចំពេលវេលា និងមានវិន័យ។ ត្រូវបែងចែកពេលវេលាឱ្យបានត្រឹមត្រូវ រវាងការរៀន ការសម្រាក និងការជួយការងារផ្ទាល់ខ្លួន ព្រោះ “ពេលវេលាគឺជាមាសប្រាក់”។
• ទី៣. ការរៀនតាមរយៈការចែករំលែក (Learning by Teaching)៖ ការចែករំលែកចំណេះដឹងទៅកាន់មិត្តភក្តិ មិនត្រឹមតែជួយអ្នកដទៃប៉ុណ្ណោះទេ ប៉ុន្តែថែមទាំងជួយឱ្យខ្លួនឯងកាន់តែយល់ច្បាស់ និងចងចាំបានយូរផងដែរ។ នេះជាស្មារតី “សាមគ្គី” ដែលសាលាបានប្រកាន់ខ្ជាប់ជានិច្ច។
• ទី៤. ការអានឱ្យបានច្រើន និងការចេះសួរ (Active Learning)៖ សិស្សានុសិស្សមិនគួររង់ចាំតែចំណេះដឹងពីក្នុងថ្នាក់នោះទេ ត្រូវចេះស្វះស្វែងអានសៀវភៅបន្ថែម តាមបណ្ណាល័យ ឬប្រព័ន្ធអ៊ីនធឺណិត។ ប្រសិនបើមិនយល់ត្រង់ចំណុចណា ត្រូវហ៊ានសួរលោកគ្រូ អ្នកគ្រូ ដើម្បីបំបាត់ចម្ងល់ និងបង្កើនការយល់ដឹងឱ្យកាន់តែច្បាស់។

លោកអភិបាលស្រុក ក៏បានណែនាំឱ្យយុវសិស្សរក្សាសីលធម៌ល្អ ជៀសវាងអំពើអបាយមុខ និងគ្រឿងញៀន ព្រមទាំងខិតខំអភិវឌ្ឍខ្លួន ដើម្បីក្លាយជាពលរដ្ឋល្អ និងធនធានមនុស្សប្រកបដោយសមត្ថភាពសម្រាប់ប្រទេសជាតិ។

ទន្ទឹមនឹងនេះ លោកក៏បានថ្លែងអំណរគុណដល់លោកគ្រូ អ្នកគ្រូ មាតាបិតា និងអាណាព្យាបាល ដែលបានយកចិត្តទុកដាក់អប់រំ ណែនាំ និងគាំទ្រប្អូនប្រុសរហូតទទួលបានជោគជ័យគួរឱ្យមោទនភាពនេះ។ ពិធីនេះបានប្រព្រឹត្តទៅក្នុងបរិយាកាសស្និទ្ធស្នាល កក់ក្តៅ និងពោរពេញដោយមោទនភាព។

ប្រភព ៖ រដ្ឋបាលស្រុកព្រៃនប់

13/05/2026

អាជ្ញាធរស្រុកសំឡូត ខេត្តបាត់ដំបង បង្ហាញភាពវិជ្ជមានជាច្រើនពីការយល់ដឹងរបស់ពលរដ្ឋ និងអាជ្ញាធរមូលដ្ឋាន ទាក់ទងនឹងយុទ្ធនាការប្រឆាំងព័ត៌មានក្លែងក្លាយ និងបន្សាបព័ត៌មានក្លែងក្លាយបានទាន់ពេលវេលា។

ផលិតដោយ: មន្ទីរព័ត៌មានខេត្តបាត់ដំបង

#សន្តិសុខជាតិ #ក្រមសីលធម៌ #ធម្មនុញ្ញវិជ្ជាជីវៈសារព័ត៌មាន #និយាយថាទេចំពោះព័ត៌មានក្លែងក្លាយ #នេត្រភក្ត្រា #ក្រសួងព័ត៌មាន #កម្ពុជា

13/05/2026

13/05/2026

ឯកឧត្តមរដ្ឋមន្ត្រី ហេង សួរ លើកទឹកចិត្តដល់ពលរដ្ឋចូលរៀនជំនាញវិជ្ជាជីវៈ ដើម្បីទទួលបានជំនាញពិតប្រាកដ និងងាយស្រួលរកប្រាក់ចំណូល

13/05/2026

សម្រាប់កម្ពុជាដែលជាប្រទេសតូចនិងធនធាននៅមានកម្រិត ទៅតាមសេចក្តីត្រូវការជាក់ស្តែង ក្នុងការពង្រឹងនិងបង្កើតកងទ័ពអាជីព និងកងទ័ពបម្រុង ដើម្បីធានាឱ្យរាជរដ្ឋាភិបាលអាចប្រមូលផ្តុំកម្លាំងទ័ពបានលឿនគ្រប់គ្រាន់សម្រាប់បំពេញសេចក្តីត្រូវការនិងបន្ទាន់។

សម្តេចមហាបវរធិបតី ហ៊ុន ម៉ាណែត

សេចក្តីព្រាងច្បាប់ស្តីពី កាតព្វកិច្ចយោធា | ថ្ងៃទី១២ ខែឧសភា ឆ្នាំ២០២៦

13/05/2026

ក្រសួងវប្បធម៌ និងវិចិត្រសិល្បៈ ធ្វើការតវ៉ាយ៉ាងខ្លាំងក្លា និងបដិសេធយ៉ាងដាច់ខាត ចំពោះក្នុងការចុះបញ្ជីបណ្ដុំប្រាសាទតាមាន់ ប្រាសាទតាក្របី ប្រាសាទខ្នារ និងទីតាំងបុរាណស្ថានទាំងឡាយតាមបណ្ដោយព្រំដែនស្ថិតក្នុងដែនអធិបតេយ្យភាពកម្ពុជា ក្នុងបញ្ជីជាតិបុរាណស្ថានរបស់ប្រទេសថៃ
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube