21/09/2024
❗️❗️❗️ ANNUNCIO IMPORTANTE ❗️❗️❗️
Vi comunichiamo che da domenica 29 Settembre il Bar Caffè Senza Nome chiuderà le sue porte.
Qui sotto le nostre parole per ringraziarvi:
A tuta ea bea gente che xe venua e vien in sto bar do righe spiritose ghe voio regalar:
Gavemo verto nel domiedisdotto,
e zo che gavemo comincia' col botto.
El vintinove Otobre ea prima acqua alta,
che ga supera' el metro e sinquanta.
Tra el domiedisnove e el domievinti,
semo stai messi aea prova noialtri e anca i clienti.
Tra "l'acqua granda" e l'influensa maledeta,
gavemo tenio botta e semo andai avanti vendendo polpette, ombre e panini co ea pansetta.
Gera difissie a trovarghe a sto bar un nome,
cussì gavemo deciso per BAR CAFFÈ SENZANOME.
Però se dovemo esser più coretti,
questo xe el bar del Ciccio, dove ti cavi qualche capriccio.
Tra prosecchi e cichetti, ze passa' sie ani,
e questo xe deventà el ritrovo dei venessiani.
Gavemo sercà sempre da esser soridenti
per poter contentar tuti i clienti.
Ne gavaria piasso andar avanti,
ma el bar deve serar i battenti.
No xe nostra volontà,
noialtri voevimo star ancora qua.
Comunque sia de star ben ve auguremo,
e co tuto el cuor ve ringrassiemo.
Un grazie di cuore a tutti voi che ci siete venuti a trovare
Ciccio, Irene, Lorella, Marco, Martina, Simone, Andrea, Sofia
