Norræna félagið í Vogum

16/02/2026

Hlýðum á Boga Ágústsson í bókasafninu í Hljómahöll á miðvikudaginn - og spyrjum hann svo spjörunum úr!.
Sjá nánar á síðunni: Norræna félagið á Suðurnesjum.

09/12/2025

Flekke er í sveitarfélaginu Fjaler í Noregi. Fjaler er vinarbær Sveitarféagsins Voga. Vorið 2023 fóru 10 ungmenni og fjórir fullorðnir Vogabúar þangað og tóku m.a. þátt í 10 km árlegu hlaupi, sem byrjar einmitt á þeim stað þar sem talið er að Ingólfur Arnarson hafi lagt frá landi fyrir margt löngu síðan í frægðaför sína til Íslands. Ferðin til Fjaler var í boði félags sem stendur fyrir þessu hlaupi og forsprakki þess, Leonora Laukeland Kleiven, er ein af stjórnendum umrædds skóla í Flekke. Þannig er þetta mál okkar í Vogum - og á Suðurnesjum öllum, nú þegar norrænu félagsdeildirnar þar hafa verið sameinaðar.

Fyrir þrjátíu árum opnaði alþjóðlegi menntaskólinn United World College Red Cross Nordic (UWC RCN) í Flekke í Noregi dyr sínar með þann draum að verða leiðandi menntastofnun á heimsvísu.

19/10/2025

Þrátt fyrir sameiningu norrænu félaganna á Suðurnesjum í eitt félag þá heldur hvert sveitarfélag sínum vinarbæ.
Hér segir frá því að Suðurnesjabær hefur endurnýjað vinarbæjarsamning við Vogs kommune á Suðurey í Færeyjum.
Fjaler kommune í Noregi verður áfram eini formlegi vinarbær Sveitarfélagsins Voga.

Bæjarstjórn Suðurnesjabæjar samþykkti á fundi sínum 7. október að endurnýja vinabæjarsamband við Vágs Kommunu í Færeyjum. Tillagan hafði áður verið samþykkt samhljóða í bæjarráði þann 10. september. Vinabæjarsambandið á sér langa sögu og hefur styrkt tengsl milli svei...

22/09/2025

Við félagsmenn í Norræna félaginu í Vogum verðum sjálfkrafa félagsmenn í þessu nýja félagi. Vonandi öllum til heilla.

09/09/2025

Boðað er til framhaldsaðalfundar í Norrænu félögunum í Vogum, Reykjanesbæ og Suðurnesjabæ,
laugardaginn 20. september kl. 11:00
í sal Rauða krossins að Smiðjuvöllum 8 í Reykjanesbæ.

Dagskrá:
1. Kjör fundarstjóra og fundarritara.
2. Tillaga um sameiningu Norræna félagsins í Vogum, Reykjanesbæ og Suðurnesjabæ.
3. Tillaga um lög og nafn hins sameinaða félags.
4. Kjör formanns.
5. Kjör stjórnar, varamanna og félagslegs skoðunarmanns.
6. Áskoranir og tækifæri Norrænu félaganna á Íslandi. Hrannar B. Arnarsson formaður Norræna félagsins á Íslandi.
7. Almennar umræður.
8. Önnur mál.
Boðið er upp á norræna súpu og kaffi.

Þessi fundir félaganna verða stuttir, enda búið að samþykkja sameiningu sl. vetur, en formleg sameining fer fram á þennan hátt, samkvæmt samþykktum Norræna félagsins.

Mikilvægt að sem flestir félagsmenn í Vogum mæti!