29/10/2023
Ég þakka fyrir undirtektir fyrri viku um Tannlæknirinn.
Ég ætla að ræða núna um uppáhalds fluguna mína. Ég er reyndar að átta mig á vafasama bakgrunni flugunar þegar ég les um hana. Björgvin Guðmundsson er höfundur flugunar. Þetta er líka ein af þeim flugum sem ég byrjaði að hnýta sjálfur. Þetta er einföld fluga að hnýta og klárlega byrjenda fluga. Þetta gékk svona upp og niður með fyrstu flugurnar. En þessi veiddi mjög vel og eiginlega betur en þær sem ég hafði keypt áður. Þetta er það sem Árni í Árvík segir um fluguna:
Ég hef oft velt fyrir mé af hverju þessi fluga veiðir. Því hún gerir það sérstaklega í ám fyrir bleikju og ekki síður fyrir urriða. Sjóbirting og lax, þó það hafi ekki verið hjá mér, sennilega vegna þesss að ég hef ekki reynt það. Þetta er líka góð vatnafluga og alltof lítið notuð þar sérstaklega í urriðavötnum.
Já af hverju veiðir þessi fluga, er þetta eitthvað “match the hatch”? Ég get ekki séð að í fljótu bragði. Þetta er silfur búkur sem glampar á, vængurinn er þessi klassíska stokkandar fjöður sem veiðir. Bleika efnið er auðvitað gott í beikju og sjóbirting. En kraginn er öðrvísi. Er þetta kraginn sem gerir gæfu munin. Mínar flugur voru gerðar með stærri kraga.
Þegar ég var að skoða efni í í fluguveiði búð í útlöndum rakst ég á eftirlíking á laxa eggjum, eggja flugu. Þetta virðist vera vinsælt að veiða með. Steelhead er sólgin í egg laxa sem eru að klekjast. Þetta var bara nokkuð líkt “ Bleik og Blárri”.
Mín útgáfa af flugunni var hnýtt á styttri öngul og var með stærri bleikum kraga en sú upprunalega. Mín hugmynd er að þetta sé í raun eins og seiði að klekjast úr eggi. Það er skrýtið að við notum næstum engar “eggja flugur”, ég hef amk ekki heyrt ef þeim. Ég veiði þessa flugu mjög oft í sjóbirting og þá upp straums og með tökuvara. Hún er alveg afbragð í í sjóbleikju. Það er líka til afbrigði sem er púpa og klippir þá vænginn af, meira notað í vötnum.
Mín fluga er nokkuð öðrvísi ei upprunalega. Stærri kragi og nokkur óreiða á væng og skeggi. Veiðir og klárlega, uppáhald.
