06/01/2025
Opið fyrir skráningu / Otwarte dla rejestracji / Open for registration
Upptakturinn á Austurlandi er ókeypis tónsmiðja fyrir ungmenni í Studio Silo á Stöðvarfirði sem fer fram dagana 8 – 9 febrúar 2025.
Skráning til 21 janúar með hugmynd af lagi eða tónverki.
Eina skilyrði til þátttöku er að ungmenni séu í 5 – 10 bekk og búsett á Austurlandi einnig þarf að senda hugmynd að lagi/tónverki á [email protected] fyrir 21 janúar. Skila má tónsmíð inn sem MP3/Wav/Myndbandi eða lagatextum á word skjali eða mynd af handskrifuðum tillögum. Með þátttöku eiga ungmennin kost á því að vera valin til þess að taka þátt í Upptakturinn í Reykjavík sem mun fara fram 11 apríl. Þátttakendur eiga því möguleika á því að vinna sér ferð og gistingu til að taka þátt í honum í Reykjavík ásamt forráðamanni. Í fyrra var það hann Hinrik Nói Guðmundsson sem var valinn áfram af dómnefnd Upptaktsins í Reykjavík. Tillagan hans var útsett af tónskáldi og flutt á tónleikum upptaktsins í Hörpu af landsþekktu tónlistarfólki. Nói var þá 13 ára og var að læra á saxafón í Tónlistarskólinn á Egilsstöðum.
Í þetta sinn munu Jón Hilmar & Salóme Katrín leiða Upptaktinn á Austurlandi í Studíó Silo 8 - 9 febrúar, þar sem unnið verður markvisst úr hugmyndum með öðru tónlistarfólki frá fagvettvangi á Íslandi sem staðfest verður síðar.
