Menningarstofa Fjarðabyggðar, starfar í Fjarðabyggð og undir henni Tónlistarmiðstöð Austurlands en hún er miðstöð tónlistar á Austurlandi og er leiðandi í fræðslu og framþróun listgreinarinnar í landshlutanum. Tónlistarmiðstöð Austurlands er samstarfsaðili annarra menningarmiðstöðva á Austurlandi varðandi stefnumótun í málefnum tónlistar fyrir landshlutann og samstarfsverkefna á breiðum grunni. Tónleikasalur Tónlistarmiðstöðvar Austurlands á Eskifirði er vinsæll til tónleikahalds af flestum toga. Tónlistarmiðstöðin er vel tækjum búin og hljómburður í húsinu er mjög góður. Húsið er einnig afar hentugt til ýmiskonar sýningahalds, hvers kyns ráðstefna og funda. Tónlistarmiðstöð Austurlands er miðstöð tónlistar á Austurlandi og var með samning við SSA um þróun tónlistarstarfs til ársloka 2019 en þá tók Menningarstofa Fjarðabyggðar við samningnum og heldur utan um starfsemina sem er ekki bundin við húsið á Eskifirði eitt og sér. Mikil þekking á íslensku tónlistarlífi er til staðar innan veggja Tónlistarmiðstöðvarinnar og starfsfólk sinnir ríkulega þeirri skyldu sinni að vinna að nýjum verkefnum á tónlistarsviðinu og miðla upplýsingum til samfélagsins. Menningarstofa Fjarðabyggðar leggur mikið upp úr góðu samstarfi við þá sem koma að menningarstarfi á Austurlandi og styður vel við skipulag og framkvæmd viðburða, ekki síst á sviði fræðslu. MEÐAL HELSTU VERKEFNA
•Tónleika- og viðburðahald
•Fræðsla og þróunarstarf með börnum og fullorðnum
•Stuðningur við grasrótina
•Þekkingaruppbygging og ráðgjöf
