LEYNI Akureyri

25/04/2026

Í kvöld!

Leyni, Akureyri • 25. apríl

23/04/2026

Hlynur Hallsson opnar sýninguna „Sumardagurinn fyrsti / Der erste Sommertag / The first day of summer" í Leyni, Hafnarstræti 95 á Akureyri þann 23. apríl 2026 klukkan 20:00 sem er einmitt á sumardaginn fyrsta. Hlynur sýnir ný og nýleg verk.
Þetta er 77 einkasýning Hlyns sem hefur verið starfandi myndlistarmaður í rúmlega 30 ár. Sýning hans „Enn og aftur" í sal 4 í Listasafni Árnesinga í Hveragerði stendur nú yfir, alveg fram á haust. Síðustu einkasýningar Hlyns eru „Elska þig" í Mjólkurbúðinni 2025, „Herbergi með útsýni” í Gallery Port í Reykjavík 2024, „Rendur og stjörnur” í Gallerí Listamenn í Reykjavík 2023 og „abandoned stories” í Kasseler Kunstverein, í Fridericianum í Kassel ásamt Jenny Michel, 2021.
Hlynur hefur tekið þátt í yfir 120 samsýningum á ferlinum. Nánari upplýsingar um verk hans má finna hér: www.hlynur.is
Verk eftir Hlyn er í safneignum Listasafns Reykjavíkur, Listasafns Íslands, Listasafnsins á Akureyri og Nýlistasafnsins auk einkasafna í Evrópu.
Hlynur var safnstjóri Listasafnsins á Akureyri 2014-2024 og hefur einnig kennt við Myndlistarskólann á Akureyri, Listaháskóla Íslands og Háskólann á Akureyri og unnið sem sjálfstætt starfandi sýningarstjóri og sett upp sýningar hjá Nýlistasafninu, Kuckei+Kuckei í Berlín, Kunstraum Wohnraum og Villa Minimo í Hannover, Kunstverein Hannover og hjá Chinati Foundation í Marfa, Texas. Hann var einn þeirra listamanna sem stofnuðu Verksmiðjuna á Hjalteyri 2008. Hlynur gaf út tímaritið Blatt Blað 1994-2016.
Sýningin í Leyni stendur yfir til 7. maí 2026 og er opin alla daga kl. 13-23.
HLYNUR HALLSSON
Sumardagurinn fyrsti / Der erste Sommertag / The first day of summer
23. apríl - 7. maí 2026
Leyni, Hafnarstræti 95, 600 Akureyri

22/04/2026

19/04/2026

KUSK & Óviti, eða Hrannar og Kolbrún, eru popp tónlistartvíeyki og hafa unnið saman síðan 2021. Með blöndu af popp, raf og dans tónlist vinna Kolbrún og Hrannar saman í textasmíð, pródúseringu, lagasmíðum og koma fram saman bæði innanlands sem utan. Haustið 2025 gáfu þau út sína fyrstu sameiginlegu breiðskífu “RÍFAST” í samstarfi við plötuúfgáfuna Sticky Records. Í kjölfar þess komu þau fram á stórhátíðinni Iceland Airwaves, slógu botninn í Vikunni með Gísla Marteini og héldu útgáfutónleika í tónleikahúsinu iðnó.

Leyni, Akureyri • 25. apríl

17/04/2026

Í KVÖLD

13/04/2026

Drottningar koma fram á Leyni föstudaginn 17.apríl næstkomandi og verður stemningin þétt og rokkuð. Þar ætla þær að flytja kraftmikla tónlist sem flottustu söngkonur síðustu ára hafa gefið út.
Þar má nefna Alanis Morissette, Pink, Lady Gaga ásamt fleirum. Búast má við mikilli orku, stelpurokki og sturlaðri stemmningu!

Drottningar skipa Maja Eir, Guðrún Arngríms og Jónína Björt.
Hljómsveitina skipa Stefán Gunnarsson bassleikari, Hallgrímur Jónas Ómarssson gítarleikari, Þórður Sigurðarson hljómborð og Valgarður Óli Ómarsson trommur.
miðasala https://tix.is/event/21168/drottningar-a-leyni