04/05/2026
Þessar litlu gellurnar fóru í frammhaldsskóla í Skagafjörð 12. Apríl síðastliðinn til Bjarna Jónasar.
Fyrsta hryssan sem ég sendi honum var Minning frá Sauðanesi en hún var í eigu karls föður míns. Það var 2004 og fór hún í sæmilegan dóm en hún fór ekki í 1. Verðlaun fyrr en 9 vetra og búin að eiga tvö folöld þá.
Næst var það Prýði frá Ketilsstöðum og var hún sú fyrsta sem ég lét sýna sem var mín persónulega einkaeign.
Ég hafði sjálfur farið með hana á aprílsýningu á Krókinn sem mér fannst snilldarhugmynd til að geta lokið öllu hestastússi fyrir sauðburð. Það er skemmst frá því að segja að aldrei hefur verið reynt að halda kynbótasýningu svo snemma aftur. Yfirlit fór fram í stórhríð og sýnendur riðu fram og aftur í gegnum reiðhöllina en dómarar dæmdu þar inni.
Prýði fór í um 7.70 og ég ekki sáttur fékk Bjarna til að hoppa á bak hryssunni og úr varð að ég skildi hana eftir hjá honum og fór heim.
Mánuði síðar sýndi BJ hryssuna aftur og hlaut hún þá 8.25 í aðaleinnkunn. Efsta 5 vetra hryssan á sýningunni og ég fékk bikar og alles. Meirað segja hækkaði hún um hálfann fyrir háls frá aprílsýningunni.
Prýði er nú 25 vetra í vor og því 20 ár liðin frá atburðum þessum.
Síðan þá hefur Bjarni tekið af mér efnilegustu hryssurnar á vorin, oftast um páska, og sýnt þær. Einhver ár hafa dottið úr en flest vor hefur hann tekið við einni til þrem hryssum og allavega fimm sinnum komið hryssu inná LM.
Þetta er snilldar fyrirkomulag og við erum enþá ungir svo ég reikna með að samtarf okkar gæti átt 30 ár eftir hið minnsta.
Það gerir trúlega gæfumuninn hve langt er á milli okkar svo ég get lítið verið að heimsækja hann og angra.
Hryssurnar heita Dýrfinna 5v, Hátign 5v og Rauðspretta 6v. Vonandi verða þær ekki til skammar
