بیر تعداد دییر مئیخانا تبریزدهایمیش. خاقانی خیابانیندا. بعضیلر دییر خاقانی یوخ، شهنازدا میارمیار کۉچهلریندهایمیش یا دا داش ماغازالاردا. بعضیلر بولارین هئش بیرینین سؤزۉن قبول ائلهمیر. دییرلر مئیخانا، میانادایمیش. یادا خئیر! اورمیه ده. بلکه ده اصلن قرهداغ بؤلگهسینده.
«ماتی» کیمیدی؟ دییرلر ماتی، مئیخانانین صاحابیدی. بیری دییر ماتی ارمنی ایدی، آدی دا «مارتی» ایدی. بیر آیریسی دییر «ماتی» یوخ
«فاطی». ماتی کیشی دئییلدی، بیر خانیمیدی. اؤزۉده رقاصیدی. مئیخانادا اویناردی. بیر نفر دئدی ماتی حله دیریدی. اؤزۉده اورمیه ده مرکز طرفینده اولار. قوجالیب، کیفیرلهشیب، آما حله دیریدی.
بیلمیرم ماتی مئیخاناسی یا مارتی مئیخاناسی یا فاطی مئیخاناسی هاردئیدی؟ ماتی کیمیدی؟ آما بونو بیلیرم کی قدیمدن هاردا بیرآزجا جیزیغمیزدان چیخدوخ ائشیه، ماتی مئیخاناسین ویردیلار کللهمیزدن! مدرسه ده، ائوده، ائشیهده دئدیلر: «گئده بورا ماتی مئیخاناسی دهییر ها!» ...
ایندی هرکیم سیزدن سوروشدی «ماتی میخاناسی» هارادی، بورانین آدرسین وئرین! بورا ماتی مئیخاناسیدی! ماتی حله دیریدی!
