21/06/2019
მეგობრებო,
გუშინ თბილისში, რუსთაველზე, განვითარებული მოვლენები არის უმძიმესი გამოცდილება ჩვენი საზოგადოებისთვის. ჩვენ დიდი გულისტკივილით ვუყურებდით, როგორ შეეჯახა, სამართლიანად გაბრაზებული ახალგაზრდა ადამიანების ჯგუფი, სისტემის მორიგ სისასტიკეს. ბევრი ჩვენგანი, სწორედ, ამ ახალგაზრდების ჯგუფში იყო გუშინ.
ჩვენ ყოველთვის მხარს ვუჭედით და დავუჭერთ ღირსეულ, ჯანსაღ, ძლიერ სამოქალაქო საზოგადოებას. სისასტიკე, რომლიც გუშინ ვიხილეთ პოლიციის მხრიდან მიუღებელია და არ აქვს გამართლება.
ყველა რუსეთის მოქალაქეს, ვინც დღეს ამოვა კუს ტბაზე და დააპირებს ბილეთის ყიდვას, ჩვენ კარზე ვთხოვთ აღიაროს საქართველოს ტერიტორიული მთლიანობა და ხელისმოწერით დაადასტუროს აღიარება სიმოლურ დაფაზე. თუ ვინმე უარზე იქნება, ჩვენც უარეს ვეტყვით მას შემოსვლაზე.
ყველა რუსეთის მოქალაქეს, ვისაც შეძენილი აქვს ონლაინ ბილეთი, მაინც იგივეს გაკეთება მოუწევს კარზე. უარის შემთხვევაში, დავუბრუნებთ ფულს და მასაც დავემშვიდობებით.
რუსეთი არის ოკუპანტი!
ძალადობა არის გაუმართლებელი!
დღეს ჩვენს ფართიზე ამ ლოზუნგებს გამოვაკრავთ და, როგორც ყოველთვის, საცეკვაო მოედნიდან, ერთიანად ვიტყვით ჩვენს სათქმელს. მიგვაჩნია რომ ღონისძიების ჩატარებით და ზემოთ ხსენებული ლოზუნგების გაჟღერებით ვიტყვით იმაზე მეტს, ვიდრე - ჩაშლით. როგორც ჩვენთვის ცნობილია მსგავს ფორმებს მიმართავენ ინდუსტრიის მონაწილე სხვა ფესტივალები და კლუბები.
ბევრი ვიფიქრეთ იმაზე, გაგვეუქმებინა თუ არა დღევანდელი ივენთი და საბოლოოდ, გადავწყვიტეთ, რომ ეს არაა გამოსავალი. უამრავი ადამიანი ესტუმრა თბილისს დღევანდელი ღონისძიებისთვის და ასევე უკვე ქალაქშია არტისტიც. ფართის გაუქმება არ იქნება სწორი გამოსავალი, მათთან მიმართებაში.
თუმცა, ჩვენ მაინც მყარად დავდგებით ჩვენს პოზიციაზე და დავაფიქსირებთ მხარდაჭერას აქციის მონაწილების მიმართ.
#არაძალადობას! #არაძალადობრივსისტემას #არამორჩილებას! #არაოკუპაციას!
Dearest Friends and Community,
What happened yesterday was a true disaster for Georgian society. Most of us were there, with people, angry as it was supposed to be. We fully support morally and constitutionally legal demands of protestants and condemn police violence.
After thorough discussions inside the crew and consideration of safety norms of our guests, we have decided to make this party happen.
