24/02/2026
ENG in comments ⬇️
✨შაბათს, 28 თებერვალს 20:00 საათზე “ანტენა” მასპინძლობს სახელოვნებო დიალოგს აუდიოვიზუალური პროექტის “მიმდინარეს” წევრებთან გვანცა ენუქიძესთან (gabiskiriamalia) და მარიამ სონღულაშვილთან (esaa.mariamis).
21:00-დან კი მუსიკალურ სელექციას Synthetic Soundscapes.
დასწრება თავისუფალია.
პროექტის შესახებ:
“მიმდინარე” gabiskiriamalia - სა და მარიამ სონღულაშვილის ექსპერიმენტული აუდიოვიზუალური პროექტია. gabiskiriamalia ციფრული ავატარია, რომელიც ურბანულ სივრცეს ორგანზომილებიან სათამაშო სივრცედ გარდაქმნის სადაც ქუჩის ხმები სინთეტიკურ ხმებად იქცევა. „მიმდინარეს“ ვიზუალური თხრობა „ნაპოვნ მასალას“ ეფუძნება, მათი კომბინაცია კი რეალობას არანორმატიულს ხდის.
არტისტების შესახებ:
მარიამ სონღულაშვილის პრაქტიკა მოიცავს გენერაციულ, ინტერაქტიულ და დროზე დამოკიდებულ ვიზუალურ ხელოვნებას. მისი ნამუშევრები იკვლევს ისეთ თემებს, როგორიცაა მეხსიერება, ურბანული და ლიმინალური სივრცეები, რეალობის გემიფიკაცია. კოლაბორაცია მარიამის პრაქტიკის ცენტრალური ნაწილია და უმეტესად მუსიკოსებთან, მწერლებსა, თუ მოქანდაკეებთან თანამშრომლობას გულისხმობს.
გვანცა ენუქიძე მსახიობი და მუსიკალური პროდიუსერია. როგორც დამოუკიდებელი არტისტი თანამშრომლობს სხვადასხვა ჯგუფთან და ხელოვანთან დოკუმენტურ, ექსპერიმენტულ და მულტიმედიურ პროექტებზე. გვანცას მუსიკალური სასცენო სახელი Gabiskiriamalia - წარმოსახვითი ავატარი მომღერალია. მისი შემოქმედება აერთიანებს ემბიენტ და ASMR ჟღერადობებს დოკუმენტურ მასალებთან, სემპლებთან და ნაცნობ ჰარმონიებთან, რითიც იმერსიულ და არატრადიციულ ხმოვან გამოცდილებას ქმნის .
