04/02/2026
აფხაზეთის ავტონომიური რესპუბლიკის მთავრობის აპარატის უფროსად გიორგი სუთიძე დაინიშნა.
ახლად დანიშნული აპარატის უფროსი აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ დღეს აპარატის თანამშრომლებს პირადად წარუდგინა.
მთავრობის თავმჯდომარემ საჯარო სამსახურში მის მრავალწლიან გამოცდილებას გაუსვა ხაზი და ახალ თანამდებობაზე წარმატებები უსურვა.
გიორგი სუთიძეს განათლება ევროპის უნივერსიტეტში აქვს მიღებული იურიდიული მიმართულებით. მას კერძო და საჯარო სექტორში მუშაობის მრავალწლიანი გამოცდილება აქვს. სხვადასხვა დროს მუშაობდა იუსტიციის სამინისტროსა და საქართველოს თავდაცვის სამინისტროში სხვადასხვა პოზიციებზე.
#აფხაზეთისმთავრობა