17/05/2024
ძლიან ბევრმა ჩემმა მეგობარმა იცით, რომ რამდენიმე წელია მე და ჩემს მეგობრებს გვაქვს პატარა ბარი, რომელიც საყვარელ სივრცედ იქცა ბევრი თქვენგანისთვის. სამწუხაროდ რამოდენიმე დღის წინ, არასრულწლოვნების ხელით გაგვქურდეს და ბარიდან წაიღეს ყველაფერი, რაც კი მის ფუნქციონირებისთვის არის აუცილებელი. ჩვენ აქტიურად ვუჭერთ მხარს ქვეყანაში არსებულ საპროტესტო მუხტს და ბარის კარი ღიაა ყველასთვის ვისაც რაიმე სახის დახმარება ან უბრალოდ დასვენება სჭირდება. ვინც არ იცით გეტყვით, რომ ბარი მდებარეობს პრეზიდენტის სასახლის გვერდით, ორბელიანის მოედანზე, პერიმეტრი აღჭურვილია უამრავი სათვალთვალო კამერებით. პოლიციის მხრიდან (ვგულისხმობ გამომძიებელს და ექსპერტებს) გამოჩენილი იქნა სრული გულგრილობა (მათ მარტივად შეუძლიათ იპოვონ ყველა პირი). ასევე უნდა აღვნიშნო ისიც, რომ პოლიციის მხრიდან განზრახ ხდება დაზარალებულის შეცდომაში შეყვანა. არასრულწლოვანთა მართლმსაჯულების კოდექსის მე-3 მუხლის 1 ნაწილის თანახმად სისხლისსამართლებრივი პასუხისმგებლობა ეკისრება პირს, რომელსაც დანაშაულის ჩადენის მომენტისათვის შეუსრულდა 14 წელი. მათ კი არაერთხელ გაგვიმეორეს, რომ პირის დასჯა 18 წლამდე კანონიდან გამომდინარე არ შეუძლიათ, მაშინ როცა იცოდნენ პირთა ვინაობა.
