26/06/2021
📢 საკლუბო სცენა ყოველთვის იდგა ღირსეული და თანასწორი სივრცის იდეაზე, შესაბამისად, ის ყოველთვის წარმოადგენდა განსხვავებული ადამიანების უსაფრთხო თავშესაფარს. ქვიარ ადამიანების ცხოვრება ჩვენს ქვეყანაში გამორჩეულად მძიმეა და სოლიდარობის მაღალი კულტურაც ჩვენ დასაბამიდან მოგვდევს.
👉 მუდმივი დევნისა და ჩაგვრის სამიზნედ ქცეული ქვიარების სოლიდარობისთვის, 2021 წლის 5 ივლისს, დაგეგმილია ღირსების მარში, რომელიც მთელი ჩვენი საზოგადოების ღირსების საკითხია და არა მხოლოდ მისი ქვიარ წევრების. მშვიდობიანი თანაცხოვრებისა და განვითარების შესაძლებლობის ის სტანდარტი, რომლის მოპოვებაც ჩვენს რეალობაში ხანგრძლივი ბრძოლის საგანია, იოტისოდენა თანაგრძნობის უნარის მქონე საზოგადოებისთვის საომარი კი არა, სასაუბროც არ უნდა ყოფილიყო.
✊ ქართული მუსიკალური სცენა, ტრადიციულად, დგას იქ, სადაც უნდა იდგეს. და ვისურვებდით, რომ აღნიშნული საკითხისადმი მთელ საზოგადოებაშიც ისეთი მაღალი ხარისხის კონსოლიდაცია გვენახა, როგორიც ჩვენს რიგებშია. ამიტომ, თავს უფლებას მივცემთ და მოგიწოდებთ ყველას, ვისთვისაც მნიშვნელოვანია ტოლერანტული გარემო, შემოუერთდეთ ღირსების მარშს - სოლიდარობისთვის.
❗ ვფიქრობთ, რომ ეს დღე თავმოყვარე საზოგადოებისთვის სოლიდარობისადმი სოლიდარობის, ბოროტებასთან შეუგუებლობის და უკეთესი მომავლისკენ სწრაფვის საზომია. გავაკეთოთ ჩვენი განაცხადი.
🖤 შევხვდეთ ერთმანეთს 5 ივლისს, ღირსების მარშზე.
ხელმომწერი კლუბები და ფესტივალები:
KHIDI
BASSIANI
CAFE-GALLERY
მტკვარზე • MTKVARZE
TIVI • ტივი
TES
Drama Bar Radio
DRAMA Bar
Tbilisi Open Air / AlterVision
Mzesumzira
4GB Festival
Summer Set
ROKVA Festival
Eventer.ge
კოლიბრი
Lisi Lake-Lisi Rest
მოზაიკა/Mozaika
Success Bar
PRINZ BAR