01/06/2026
🎊 31 მაისს ბოლნისში დაცული ადგილწარმოშობის დასახელების ღვინის ფესტივალი გაიმართა
✨️ ბოლნისში, ისტორიულ გერმანულ უბანში დაცული ადგილწარმოშობის დასახელების ღვინის ფესტივალი გაიმართა და საქართველოს სხვადასხვა რეგიონიდან 60-მდე მეღვინეობა გააერთიანა. ღონისძიებამ კიდევ ერთხელ გაუსვა ხაზი ბოლნისის განსაკუთრებულ ადგილს ქართული მეღვინეობის რუკაზე და მის ამბიციას — დამკვიდრდეს, როგორც ოქროსფერი ღვინის ქალაქი.
ფესტივალის მიმდინარეობისას სტუმრებს შესაძლებლობა ჰქონდათ გაცნობოდნენ ადგილწარმოშობის უნიკალურ ღვინოებს, დასწრებოდნენ ღვინის კონკურსის გამარჯვებულთა დაჯილდოებას, მონაწილეობა მიეღოთ შემეცნებით აქტივობებში და დამტკბარიყვნენ ძველი გერმანული უბნის განსაკუთრებული გარემოთი.
🏆 ღონისძიების ფარგლებში, ასევე, გაიმართა კონკურსი. ფესტივალის დასკვნით ნაწილში საზეიმოდ გამოვლინდა დიდი ოქროს, ოქროს, ვერცხლისა და ბრინჯაოს მედლის მფლობელი ღვინოები. აღსანიშნავია, რომ გამარჯვებულებიდან ოქროს მფლობელ 11 ღვინოს დაცული ადგილწარმოშობის დასახელების ღვინის ფესტივალი იტალიაში მერანოს 2026 წლის საერთაშორისო ფესტივალზე წარადგენს.
🪄 აღსანიშნავია რომ ფესტივალი ბოლნისში მეოთხედ გაიმართა და მისი მიზანი მეღვინეთა შორის ადგილწარმოშობის ოფიციალური ნიშნის შესახებ პოპულარიზაცია და ცნობადობის გაზრდაა.
ფესტივალს მუსიკალურად აფორმებდა კვარტეტი „ჩვენი ბიჭები“ და ქართული ცეკვის ანსამბლი „არტ ლაბორატორია“. ღონისძიება ჯგუფ „მგზავრების“ კონცერტით დასრულდა.
ფესტივალის წარმდგენი იყო კომპანია „არემჯი“, ხოლო მხარდამჭერები – საქართველოს გარემოს დაცვისა და სოფლის მეურნეობის სამინისტრო, ღვინის ეროვნული სააგენტო, საქპატენტი, ბოლნისის მუნიციპალიტეტის მერია, ბოლნისის აგროცენტრი და ბოლნისის ღვინის გაერთიანება. ნაკლების ჩვენება
