11/08/2026
🎷 O jazz volve soar en Noia!
Este venres 14 e sábado 15 de agosto, a Praza da Constitución convértese nun pequeno club de jazz ao aire libre coa chegada de JazzNoia 2026. Dúas noites para g***r de grandes músicos, propostas moi diferentes e, sobre todo, moita música en directo.
E nós, dende Taberna O Lelé, témolo claro: estes días toca deixar que o jazz poña a banda sonora ás noites de agosto. 🍻🎶
VENRES 14 · dende as 21:30 h
🎸 Rubén Reinaldo Quartet
O guitarrista vigués Rubén Reinaldo chega cunha proposta de jazz fusión instrumental, melódica e aberta a diferentes influencias. O seu último traballo, Fusión Olívica, bebe do jazz moderno e das súas propias raíces galegas, cunha formación na que guitarra, órgano, contrabaixo e batería dialogan constantemente.
🎹 Xan Campos – “Amorodios” · 23:00 h
Un dos nomes máis persoais do jazz galego actual. O pianista de Cangas presenta Amorodios, un proxecto no que o jazz contemporáneo se atopa coa música tradicional galega, a electrónica, o rock e a improvisación. Unha proposta diferente, arriscada e cunha forte identidade propia.
SÁBADO 15 · dende as 21:30 h
🌉 Atlantic Bridge Trio & Steve Brown
Unha auténtica ponte musical entre Galicia e Estados Unidos. Atlantic Bridge naceu precisamente da relación musical entre o pianista galego Alberto Conde e o guitarrista estadounidense Steve Brown, combinando a tradición do jazz norteamericano con influencias ibéricas. Unha oportunidade estupenda para escoitar jazz de enorme nivel en pleno corazón de Noia.
🎤 RPE Trío & Puri Penín · 23:00 h
RPE —Revista do Pop Español— está formado por Jacobo de Miguel ao piano e voz, Billy Villegas ao baixo eléctrico e Luis Seín Fernández á batería. Nesta ocasión estarán acompañados pola voz de Puri Penín, cantante cunha longa traxectoria que tamén se move por territorios como o folk, o country, o blues e a música de raíz.
Así que xa sabedes: 14 e 15 de agosto, paseo por Noia, parada no Lelé para coller forzas 🍻 e despois… que soe o jazz! 🎷
📍 Praza da Constitución · Noia
🗓️ 14 e 15 de agosto
🎷 JazzNoia 2026
Grazas e por facer posible outro ano máis este certame 🫶
