30/06/2020
Mañá mércores día 1 ás 00:00 horas (hoxe pola noite) volveremos abrir as portas do noso local para todos vós.
Estamos encantados de poder volvervos ver despois de case 4 meses nos que por motivos de sobra coñecidos non foi posible estar a vosa disposición.
Esperamos volver a contar convosco nesta nova normalidade que esperamos sexa estupenda a vez que duradeira.
Para iso apelamos á responsabilidade de cada un para cumprir as normas de seguridade exisidas polo Goberno.
Á vosa disposición atoparanse no local os hidroxeles en porta, barra, baños e mesas para desinfectar as mans cando precisedes.
Así mesmo o uso da mascarilla será OBRIGATORIO no interior do local.
Se necesitades ampliar información dalgún tipo preguntade ós responsables do establecemento.
Tamén pregamos nos facilitedes o voso nome e número de teléfono para que as autoridades sanitarias vos poidan localizar en caso de necesidade.
Sen nada máis esperamos volvervos ver axiña, divertíndonos con moita responsabilidade.
Unha forte aperta a todos e todas.
