12/01/2022
توضيح (مهم) للناس اللي متعرفش ببجي ستيم :
١ / اللعبه ملهاش علاقه تماما ب ببجي موبايل اللي بتلعبها علي المحاكي دي حاجه ودي حاجة.
٢ / اسلوب اللعب بطئ وواقعي وأصعب كتير من ببجي موبايل
٣ / لو انت ال K.D بتاعك فببجي موبايل ٥ أو ٦ فالاسكوادات
اعرف انك مش هتجيب كي دي ٢ هنا.. دا لو عرفت تجيبه اصلا
٤ / لو نزلت فمكان فيه ناس كتير اوعى تبوش لوحدك هتتفنش فلحظه خصوصا لو كان فيه محترفين فالجيم معاك مش هتعرف حتى انت اتفنشت ازاي
٥ / ( عندنا هنا فمصر) مفيش مايك مش عارف ليه ولا حتي تكتبوا رسايل أثناء الجيم.. معرفش الكلام دا بردو عند اخواتنا من بقيت الدول العربية ولا لا - - المحادثات فاللوبي فقط وحتي العربي لازم تكتبه عكس عشان يبان صح.. يعني لو بتقول لواحد كيف حالك؟ تكتبهاله حالك كيف هتبان مظبوطه - وبكدا عشان تتكلم مع اصحابك لازم ديسكورد
٦ / مفيش ضرب بيظهر عالخريطه أو خطوات رجل وكدا بتعتمد عالسمع فقط ولا بيبان الضرب جاي من انهي اتجاه
- لو مش معاك سماعه محيطيه هتتفنش ومش هتعرف انت اتفنشت ازاي الا من
Death cam 😂
يا اما تستخدم برامج تحسين الصوت زي dolbay atmos
٧ / التحكم فارتداد السلاح صعب يعني موضوع الرش دا مش هينفع وانك تقتل اسكواد لوحدك بخزنه والكلام دا انساه وحاول تتعود عالسنجل شوت
One shot is deadly shot
٨ / فيه سكوب ١٥ عادي فاللعبه عشان متستغربش 😂 والخزنه ال extend فيها ٤٢ طلقة مش ٤٠
٩ / المستودع بيبقي ٨ ضد ٨ ومنظور شخص اول فقط
١٠ / اي خبطه بالعربيه لزميلك هيقع نوك واي طلقات منك هتيجي فيه هيقع نوك بردو
١١ / فيه بعض الناس اللي جايه من ببجي موبايل (محاكي) هيلاقوا اللعبه صعبه جدا واللعب بطئ وهيقولك اللعبه رخمه بس هي مش رخمه هو اللى بينزل يتفنش علطول ومش عارف يلعب
١٢ / الرانك بيبقي بعد فترة ولازم توصل ليفل معين
وبعد كدا اما توصل هتلاقي الرانك مقفول ولازم تدفع ١٢ دولار - يا اما تكمل بقي تلعب وخلاص بدون رانك
منقول عن Games mix
