Hotels society

10/09/2024

10/09/2024

10/09/2024

21/03/2024

06/02/2023

19/12/2022

وداعًا Sunrise Romance

📍مش هيكون اسمه صن رايز رومانس بداية من شهر يناير
هيخرج من إدارة صن رايز وهيكون اسمه

⭕️KaiSol Romance Sahl Hasheesh⭕️

وتم التأكيد على انه لم يختلف اى شىء فى الفندق عن سابق عهده

بمناسبة الإفتتاح الجديد عاملين اسعار جديده حلوه جدا

هيتم تعديل وتحسين فى قسم الأغذيه والمشروبات

وإضافة اشياء اخرى مجانا فى ال Honeymoon Package

سنوافيكم قريبا بأخر التحديثات 💙🙏

19/11/2022

راجل ومراتو داخلين يطلبوا غرفة 207

= موظف الريسبشن

13/05/2022

سندباد كلوب اكوا بارك هل يستحق التجربة ⁉️

سندباد كلوب اكوا بارك

فكرت كويس قبل ما اكتب الريفيو وعارف ان فى ناس كتير مستنياه عشان كده اتأخرت فيه عشان ادى كل ذى حق حقه

الزيارة كانت فى مايو 2022 ومهم انى اذكر التاريخ عشان انا بتكلم عن الفتره الى رحت فيها

الفندق حاليا اغلبو اشغال اجنبى يمكن وانا هناك قابلت 5 اسر مصريه فقط

سندباد كلوب اتغير عن اخر زيارة ليا وخصوصا بعد موضوع تجديد الغرف الى حصل هناك .



الفطار نظيف وكده كده الفطار مش ال big deal لأى فندق اهم حاجه يكون المخبوزات كويسه وانواع جبن نظيف وده فعلا كان موجود ولكن اللانشون مكنش النوع الى بحبو للأسف ولكن الى عجبنى ان فى واحده واقفه بتخبز عيش طازه وديه لمسه جميله فى البوفيه برضو وعيشها حلو مش دلع ولا حادق لا مظبوط بالاضافه للفول والطعميه والبيض وباقى منيو الفطار المعتاد فى اى فندق

الغداء

يمكن مش التنوع الضخم لكن نظيف وكان فراخ وكفته وكبده وخضار ورز وسيكشن مكرونه ثابت بالأضافه للحلويات والفاكهه بأغلب انوعها

الأكل نظيف وطعمه كويس الى معجبنيش فيه الكبده كانت نشفه شويه لكن الباقى طعمه نظيف وكويس

عندهم خمس بارات وثلالثه مطاعم متخصصه للعشاء ومطعمين بوفيه مفتوح للفطار والغدا والعشاء

جربت المطعم اللبنانى عجبنى واكله نظيف وكويس

جربت المطعم الأسيوى كان نظيف برضو لكن الباربكيو سلاط اللحمه الى فيه معجبتنيش وكانت ناشفه ونزل حلو فى الأخر كرسبى بانانا عبارة عن موز مقلى بالأيس كريم عجبنى وكان طعمه حلو

اكوا بارك مناسبه جدا لحجم الفندق وفيها اكوا للأطفال كويسه جدا والناس الى وقفه على الأكوا الكبيره خدومه جدا وبترد بأدب واحترام وفى حمام سباحة امواج صناعيه حلو اوى وممتح للأطفال

انيميشن تيم كويس بيعملو حفلات على مسرح كبير بليل بعد العشاء كويسه جدا

عندهم spa نظيف وكويس وجيم وكيدز اريا
شاطىء رملى نظيف جدا وده كان تقريبا 80 فى الميه ميزه كبيره للفندق انظف من شواطىء تانيه موجوده فى الممشى بكتير

الشاطىء يبعد عن الفندق بأربع دقايق بس بنعدى الممشى مش شارع يعتبر حاجه بسيطه وبنمشى فى ممر نوصل الشاطىء
عليه بارين للاسناكس والناس هناك زوق وتعاملها حلو

مجمل الأقامه كويسه ارشح سندباد كفندق من الفنادق القيمة السعريه المردوده بمعنى انه قيمه كويسه جدا للى محتاج يحجز فندق بباكدج مش عاليه جدا وفى نفس الوقت ياخد خدمة بالفلوس الى دافعها فى فئته السعرية

فى اخر الكلام بشكر كل إدارة الفندق الى بتسعى انها تطور وتتقبل النقض البناء

سندباد مع التطوير والتجديد وتطوير العماله فيه ان شاء الله هيكون فندق ليه مستقبل كويس

واتمنى ان الى شوفتو من ترحاب ومعاملة حسنه يكون مع كل الناس عشان ينبسطوا ويوصلهم نفس الأحساس الى وصلى من تعامل بإحترام وحب الخدمة ونظافة مكان

فى فديوهات صورتها هناك هنزلها الأيام الجايه ان شاء الله لكل الفندق بالخدمات بتاعته

بس ده كان ريفيو سريع للناس الى بتكلمنى عايزه الريفيو 💙

شريف الصادق

طريقة الحجز

https://m.facebook.com/groups/574870806468285/permalink/817743012181062/?sfnsn=scwspmo&ref=share