23/12/2016
خلاص يا جماعة نحب نطمنكوا أن مشاكل مصر كلها اتحلت و اسكندرية هاترجع تاني اجمل من مدن أوروبا بعد ما الحي بعت أكتر من 30 واحد عشان يشيلوا اليفط اللي كانت مبوظة حياتنا..مش مهم العمارات ال16 دور و المشروع الهلامي بتاع سيدي جابر...ولا مهم أن ده إجراء مش قانوني...ولا مهم أن المكان اللي اتقفل ده معاه وصل أحمر ساري و ماشي في اجراءات الترخيص...المهم أن اليفط اتشالت و دلوقتي نقدر كلنا ننام و احنا مطمنين أن في ناس سهرانة علي راحتنا...
و الاهم من كده أن موظفين الحي و رئيس الحي اللي جه بنفسه يشرف علي نهاية الكابوس ده اكتشفوا الجريمة الكبري اللي كنا عاملينها في المكان...و خدوا موتور المياه من المنور نظرا لخطورته الشديدة علي الأمن العام و المواطنين.
ربنا يخليلنا رجال الحي "الشرفاء" غصب عننا و عن الدنيا كلها...و ياخدنا كلنا عشان البهوات يعرفوا يعيشوا براحتهم.
حسبي الله و نعم الوكيل!
