I bin da Andy und so grill i dahoam

Startseite
Deutschland
Ismaning
I bin da Andy und so grill i dahoam

Grilleidenschaften ausgelebt :-)

12/02/2023

Oafach, schnoi und guad – Garneln-Fruchtspieß mid am karibischn Dip :-)

Ma nimmd se as Obst (in unsam Foi Ananas, Melone und Orangn) und schneid des in kloane Stückerl.

Danoch spießt ma as Obst und de Garneln obwechslnd auf de Spieß auf und steckds auf Spießhoida vom Grill. Temperaturmassig soid ma uns zwischn 100 – 120 Grod indirekta Hitzn bewegn.

Solang de Spieß aufm Grill han, misch ma unsan karibischn Dip o. Dazua verrührn ma Creme Fraiche, a bissal Sahne, in Öl kurz und scharf obrodnan Knoblauch, a bissal a Ketchup (wega da Farb), karibischn Rum, sowia Soiz und frisch gmoina, schwarzn Pfeffa.

Noch guad 20 Minutn han de Spieß dann fertig und kennan vom Grill gnumma wean.

As Obst und de Garneln ziag ma oba vom Spieß und richtns mid unsam Dip o – und scho hoasds AN GUADN :-)

12/01/2023

Heid mechd I Eich de Chorizo-Champignonpfanna vorstoin :-)

Am Anfang leg ma de Chorizos in Radl gschniddn a boor Stund in Portwein ei. De Champignons, an Knoblauch, an Basialikum und an Korianda schneid ma gloa.

Daoch brod ma de Chorizos und an Knoblauch (im ausglassnen Fett vo de Chorizos) scharf in da Pfanna o und legns dann erst amoi beiseidn.

De Champignons wean sanft im Wok obrodn. Danoch kemman de Chorizos, da Knoblauch und de Kräuta dazua und ois zam brod a bissal vor sich hi.

Zum Schluss kimmd da Portwein vom eilegn vo de Chorizos (den ma wega da Keimbildung vorher oamoi kurz aufkochd hom) dazu. Soiboid da Portwein eireduzierd is, kenn ma as Gericht a scho serviern - guad dazua bassd zum Beispui a Quark mid frischm Pfeffa und Kräuta, sowia a Weißbrot - An Guad :-)

18/12/2022

A Gericht des ganz schnoi gehd - Flanknsteak in Öl mid Korianda.

As Flanknsteak in Streifn schneidn, zam midm kloagschnittna Korianda in pisanischem Olivnöl vom Monte Pisano eilegn, aufn koreanischn Grilleinsatz ogrilld, serviern und scho hoasds - An Guadn ;-)

18/12/2022

In dem Beitrag stell i Eich mein Hawaii-Burger vor – bei dem in de Patties Ananas und a schwarz Soiz vom Molokai vawendt wean.

Fia de Sauce wead a eigene BBQ-Sauce mid am Kona-Bier aus Hawaii kochd und da Burger mid am Kokosnusskaas übabacha – An Guadn :-)

28/05/2021

Asiapfanna mid Gmias und Pinienkern - a guads und schnois Rezept :-)

Zersd brod ma as in Nussöl eiglegde Fleisch scharf o und lassns dann ruhn. Derweil kemman de Paprika, da Knoblauch und de Sojasprossn ind Pfanna und wean hoibduich brodn. Dann kimmd as Fleisch wieda dazu, ois zam wead mid Sojasauce, soiz und Pfeffa obgeschmeckd und de Pinienkern untagmeng.

Noch am kurzn duachziang wead dann uns Grichd portioniert, mid Sesam garnierd undanschließnd servierd - An Guadn :-)

04/05/2021

Nochspeisn lassn se aufm Grill a guad macha. Beispuisweis a Obsdsolod mid Eis.

Zersd wead de Woinuss mid de Madlstiftal scharf ogrilld. Dann kemman as Obsd und da Honig dazua. Noch guad zehn Minutn is dann ois duach und fertig zum serviern. Vanilleis dazua und scho hoasds - An Guadn :-)

28/04/2021

...so schaugd as Finish vo de Spieß aufm Grill aus...

28/04/2021

In da spanischn Küch wead oft mid Chorizos und Portwein garbad. So a bei de Chorizo-Siaßkadoffespieß mid in Portwein eiglegde Aprikosn und am Knoblauchdip.

De Aprikosn legd ma mindestens acht Stund in Portwein ei, damid der schee eiziagd. Danoch wean de zam mid de Choriszos und de Kadoffen aufgspießd und keman aufm Spießhoida bei indirekta Hitzn vo rund 120 Grod aufn Grill. Zum Schluss wean de Spieß dann no direkt grilld, damid ma a scheene Röstaromen hom.

An Dip dazua mach ma uns aus Mayonnaise, Olivenöl, Soiz, ogröstm und Pfeffa. Wers a bisserl weniger Fett mog, konn a an Teil vo da Mayonnaise durch Joghurd oda Quark ersetzn.

Wenn de Spieß dann fertig san, servier mas zam mid dem Dip und scho hoasds - An Guadn :-)

20/04/2021

Champignons han wos guads, deshoib hob i a glei amoi a Spießgerichd draus gmachd.

Champignon entstieln und innen sauba macha. An fein gschniddna Schaafskaas einefülln, dann in Bacon eiwickln und aufspießn. De Spieß dann bei na indirektn Hitzn von rund 110 Grod aufm Grill lassn, bis da Kaas flüssig wead. Scho hans fertig und kennan servierd wean.

19/04/2021

As heitige Gericht is a Sauenfilet mit BBQ-Glasur und am karibischn Dip dazua.

Des Filet wead gviertelt, danoch grubbd und dann kimmds bei na indirektn Hitzn vo 110 Grod aufn Grill. Während des so vor sich higrilld, koch ma de BBQ Sauce, mid dera ma des Fleisch dann nachad glassiern. Bis as Fleisch dann zu na Kerntemparatur vo guad 65 Grod heroreifd, mach ma an karibischn Dip mid Knoblauch und Rum fias Fleisch. Wenn de Kerntemparatur bassd, kimmds oba vom Grill, wead aufgschniddn und mid Beilagn servierd.

18/04/2021

Heid zoag i Eich amoi de vietnamesischn Hackfleischspieß in Basilikumbladdl.

As Hackfleisch wead mid am gschniddnen und leichd odrodnan Knoblauch, Fischsauce, Austernsauce, gehackte Erdnüss, Soiz und Pfeffa vamengd. Dann mach ma kloane Kugeln draus, wickeln de in Basilikumbladdl ei und spießens auf. Danoch kemmans bei na indirektn Hitzn vo rund 120 Grod aufn Grill, bis duach han. Servierd weans dann mid gehackte Erdnüss und ggf. na Sate Sauce (Erdnuss Sauce).

17/04/2021

Beim ledzdn Burger aus dera Serie geh ma nach Australien. As Fleisch stammt vom Wagyu Rind und ois Kaas fias übabacha hob i an australischn Trüfflkaas ausgsuachd. De Buns fia den Burger han noch am eigenen Rezept vo am Bekanntn soiba gmachd woan. Dazua hods a australische BBQ-Sauce gem.

Adresse

Ismaning
85737

Telefon

+491794989695

Webseite

http://webauctionen.de/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von I bin da Andy und so grill i dahoam erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.