Lothar Stall Bar, Zweisimmen

16/11/2020

Somit freue wier ös uf d'Eröffnig vor nüije Saison i nes nüijs Kapitel!

www.lothar-bar.ch

Tschüss zemä🤝😢😢😢🤩🤩🤩😀😀

16/11/2020

Mier wünsche Simon u Cédric & Team z'Allerbeschte zu ihrem Start. Im Wüsse, dass dä Start net grad der ifachscht isch - wüsse mier och, dass mit öijer/öser Mithilf jedi künftigi Saison e flotti u dankbari Saison cha sii!

Esoo danke wier Allne wo gäre i ösi Bar si choo vo ganzem Härze für d'Understützig!🤝. Wier hii würklich sehr dankbari 10 Jahr dörfe erläbe, es isch sicher mengisch streng u nahrhaft gsi, aber wier hi sehr luschtigi u flotti Stunde dörfe gniesse. - Danke für d'Bsueche u Understützig vo allne Familie, Junge u jungblibne, Vereine u o Gescht wo'me all Jahr ummi het dörfe gseh u begrüesse.

Danke o mine liebe Lütt wo mich all die Jahr unterstützt hi hinder der Bar, speziell Bernadette (9 Saison) u o Nadja u Daniela die letschte paar Jahr! Dank euch het ösi Bar osoo gläbt u dr Service chöne biete!

Danke mir Frou Heidi, wo mich vor erschte Stund mit umbue u Allem andere understütz het u all die letschte Jahr o Dahim mit ösne Chind zum Rächte gugget het!

16/11/2020

Sälüü zemä!
Irgendwie isch mier jetz di Zyt so richtig derfoo gsecklet. I hetti öich doch wele verzele wie di Bar entstande isch... u jetz giits scho ihnes nüs Kapitel.
Leider hi wier letschti Saison, nach'ere Piste-Arme Saison ir undere Sektion, wägem bekannte Grippe-Ding ohno müesse Tür u Tor zuetue u net emal meh öse Saison-Abschluss u Total-Abschluss chöne mit euch fiire! Das tuet ihm scho chli weh, grad esoo uf'z'höre mit ösem Barli😢.
- Aber viiiiel schöner isch, dass d'Ära Lothar Bar wittergiit u jetz die flotte junge, motivierte, guetusehende, dynamische, ufgstellte, interessierte u innovative Pursche Simon Haldi u Cédric Rufener scho fasch ummi bereit für die negschti Saison si!😀🤩.

14/03/2020

Hallo zemä
Ufgrund aktueller Situation isch hütt Samschtig, 14. März nume bis 2200 Uhr offe. Sunntig 1600 bis 2000 Uhr.
Danke für öijes Verstendnis...

01/03/2020

Liebi Lütt.
Mit em 1. März starte wier zu ösem Endspurt im letschte Monet! Der letscht Monet i diser Saison bzw. äbe sogar die letschte Tage wo z'jetzige Team für öich hinder der Bar stiit. Z'Füür im Öfi brennt nemme mengisch u mier passe öser Öffnigszyte chli der momentane Pistesituation a. Aber Z'Füür i ösne Härz brennt no starch u wier freue ös, öich im letschte Monet no zahlriich dörfe z'bediene u mit öich z'prichte! Chömets cho gniesse mit ös....
…… u we de ummi mal ihna/ihni uf der Bar tanzet, freut ös das och!! ;-))😉

21/01/2020

Jetz chunnt de mengisch chli Gschicht uber ösi Lothar "Stall" Bar ds Zwösime...
Im September 2010 ha ich d'Lothar Bar dankbar vom Hedy Ziörjen dörfe chuufe. Mit sehr grosser Mithilf vo viel'ne flotte Kollege u Familie, hi'wier menga Aabe, Samschtig u mengisch o Sunntig mit umbue, studiere u berate verbracht... Bis wier du im Dezember z'erschte mal d'Türe als "Lothar Stall Bar" hi dörfe uftue u zum Eröffnigs-Apèro iilade.

Jetz, i ösem genau 10te Jahr, si wier grad ziemlich ir Mitti vor Saison! Das hiist natürlich o, dass langsam aber sicher am Endi entgäge giit, wo d'Lothar Stall Bar under öser Füehrig isch. Wier beabsichtige ösi Bar z'verchuufe u i flotti, jungi u innovativi Hend witter z'geh.

Bis Endi Saison fröije wier ös no sehr uber öijer Bsüech! Chömet's cho gniesse, prichte, öppis trinke u ässe u Guetschine cho iilöse...

Bis bald!

28/12/2019

Werbevideo der Lothar Stall Bar in Zweisimmen.

26/12/2019

16/12/2019

Samstag, 21. Dezember 2019
"DJ Jonaz" bringt ös so richtig i Schwung u Stimmig für die kommende Feschttage!!

Lothar Stall Bar - Wier gugge dass ier Abwäxlig u Unterhaltig hiit u si die ganzi Saison für öich da!!

Chömet u gniesset!