13/10/2024
Liebi Frönde und Beobachter vo Handgefrästes und Handgefertigtes by Angi &Sascha
Wie Ehr secherlich bemerkt hend, send Mer das Johr nüm debi. Das esch realtiv eifach zerkläre: vor Johre hets mal gheisse, dass a de Usstellig keini doppleti Sache erwönscht send zwösche de Ussteller. Schlössäntlich hets sechs uf das Johr breicht, dass en neui Usstellerin cho esch wo Plottereie abietet. Uf dfrog en Groppechat ob mer etz au met dopplete Sache dörf cho, esch das ganze zur Eskalation cho, inklusiv ascholdigunge vowäge "Neid und konkurrenzdenke" es sig au unprofessionell soöpis zfroge. Mer fende das en Bodelosi frächheit. Schlossäntlech het mer üs no welle vorschriebe met was mer a dUsstellig döfe go und hätte üs vollkomme uf Holz selle fokusiere.
Em Ändeffekt hets den gheisse: Sie heige entschiede üs nüm welle debizha, do sech agäblech anderi Ussteller agriffe gfühlt hend noch dere Frog em Chat.
Mer nähme sowas sehr sportlech, well loh vorschriebe muss mer sech em Hobby sowiso nüd vo usserstehende und bliebe üsem Motto: "Handgefrästes und Handgefertigtes by Angi & Sascha" treu. Mer send zum Glöck no wiit vonere Verzwieflig entfärn bi TEMU müesse Sache zposchte und zunere 200% Marche tüürer zverchaufe anere Wiehnachtusstellig. Be Eus esches und Bliebts HANDMADE!
