31/12/2017
Für diä, wo d Wort nid zum Abschiidsgschenk ghört hend...
Liäbi Gäst,
Im Name vom Esco Lounge Team, möcht i eui allne so herzlich für eui Treui bedankä.
Es sind wundervolli Begägnige gsi und mir hend so tolli Menschä dörfe kennelärnä.
Jedä vo eui het Biitreit, dass d esco da isch wo sie isch.
Vielä, vielä Dank a jedä einzelnä vo eui!!!!
Liäbä Schnuus, Papi, Chef, Beizer, Fründ...
Mir alli do ine möchtet üs so herzlich für all diä schöne Stunde bedanke, wo mir dank dir do i dä esco hend dörfe verbringä.
Es isch meh als nur e Lounge gsi. Es isch en Tröffpunkt gsi wo sich alli wohlgfühlt händ.
Mengs Gschichtä sind dö inä entstandä und vieläs isch do inä gscheh.
Vieli Freud hesch du mängem Gast gmacht mit dinärä natürlichä, unkompliziärte, eifachä Art. Me muäss dich eifach gern ha.
Mit därä Türä, wönd mir dir sägä und zeigä, dass mir fest a dich glaubäd und überzügt sind, dass du viellicht scho bald oder au wenns chli länger got, wieder e Gastronomie füährä wirsch.
Es got immer e neui Türä uf.
Ich bin unheimlich stolz uf dich, wa immer du tuesch. Liäb dich so sehr.
Stephanie
