QuerBar 2.0 CoMa

14/03/2022

Zu lest no in Muttenz und in Liestal unterwegs gsi. Bye bye Fasnacht 2022

03/03/2022

Rynacher Fasnacht, wie schön isch s gsi

07/02/2022

2022 mir schriebe s'Johr "Eins" mit dr QuerBar 2.0 CoMa

10/02/2018

Rynacher Fasnacht mit dr Querbar. momentan am stärke und z'Obe wider unterwägs

08/02/2018

Schmudo isch guet gstartet. Nach ere Stärkig wirds witter goh

04/02/2018

S schmeggt nach Fasnacht. Nümme lang und denn gohts ändlich wider los!!!

Starte dien mir am Schmudo (8. Februar) mitem Kinderumzug. Ab 14:30 Uhr sin au mir unterwegs.

E kleins Highlight vor dr Rynacher Fasnacht isch s'Vorspiil (9. Februar) wo mir ab 19:00 Uhr ufem Dorfplatz für euch do sind.

Und denn am Samschtig 10. Februar simmer denn nit nur am Strosserand azträffe sondern mir mache au am grosse Rynacher Fasnachtsumzug mit, wo am 14:00 Uhr afoht.

Mir freue uns uf alli Gäscht und wünsche euch jetzt scho e hammermässigi gigageili Fasnacht 2018!!!!
Euri 5 Joor jubilierendi Querbar

18/01/2018

**5 Joor QuerBar**

S'chunnt mr vor, als obs Gescht gsi wär,
und doch isches scho ganzi 5 Joor här.
Dr Start vo dr QuerBar, me würds nit meine,
het agfange nit gross, sondern ganz im Kleine.
Denn mit ere kleine Schnapsidee,
verkauft sich au dr Schnaps chli meh.

Es Kommödli muess ane, und Alk soll dri,
umefahre, verkaufe und chli Spass drbi.
S goht nit ums Gäld oder s grosse Los,
mir bringe die Fasnacht wider ufd Stroos.
D Baize-Fasnacht wämmer nit,
mir sin dusse und mache mit.
D Lüt solle d Fasnacht wider kenne lehre,
und nit allbot in de Käller verkehre.
Denn z Rynach, und das liggt uf dr Hand,
simmer nit z Basel, sondern ufem Land.
Also kehret i und mir dien ergänze,
bi uns chönnet er Shots und Bier kredänze.
Grad uf dr Stroos und bi de Lüt,
döt wos Gugge zum loose git.
Und wenn e Hüngerli bechunnsch drzue,
gohsch ane Stand und gisch joo Rueh.

Mir häns mit dr Uswahl chli übertriibe,
drum isch als villes übrig bliibe.
Bi über 60 verschidene Sorte,
chönne sälbscht mir dr Ursprung nüm orte.
Bi all däm Mix us Alkohol,
dien mir uns in däm Joor wohl,
und schmälere unser Sortimänt,
so chunnt au alles wäg am Änd.

Klopfer, Feigling, Fröschli, Met
Jägermeister - sehr diskret.
Flying Hirsch, natürlich Bier und Citro,
wird me dasjoor bi uns überko.

Die Fasnacht wärde mir sehr zelebriere,
und uns chli me uf uns sälber konzentriere.
Natürlich gits au dasjoor wider gueti Sache,
me cha bi heissem Met astosse und mit uns Lache.
Dr Spass soll jetzt im Vordergrund stoh,
denn eine het me immerno gno!
Wos uns no überall anezieht, das wird me gseh,
Steiler isch geiler, mehr denn je.

Usserordentlich und ganz speziell,
e jede vo uns isch e glatte Gsell.
Drum hebet s Glas und stosset ah,
d QuerBar muess me eifach gärn ha.

Merci allne, wo uns in denne 5 Joor beehrt händ.
Es isch e tolli Zit gsi und mir freue uns,
mit euch das dörfe z fiire!

18/01/2018

Au dasjoor simmer notürlich am Vospiil drbi. Chömmet verbi. Wie immer ufem Dorfplatz

Mehr unter https://www.fasnachtrynach.ch/s-vorspiel/informationen/

01/04/2017

Am ufbaue fürs Ussuffete

31/03/2017

Langsam alles parat für morn :D