Rezidenca Sh&Sh Bar / Restorant / Hotel

11/04/2026

Gëzuar Pashkët Ortodokse nga Piskopiano, Cretë Hersonissos!🕊️✨
Le të sjellë kjo ditë e shenjtë paqe, shëndet dhe gëzim në zemrat tuaja.
Duke festuar sot mes bukurisë së Kretës, me dritë, dashuri dhe shpresë për ditë më të mira.
Krishti u Ngjall 🙏

04/04/2026

26/03/2026

Petulla të ngrohta, të sapo bëra me dashuri këtu tek SH & SH 🤍
Me mjaltë të pastër mali dhe shijen e traditës që të kujton shtëpinë… 🍯🥞
Një copëz ëmbëlsie në mes të natyrës së bukur të Pukës 🌿

08/03/2026

Ndonjëherë njerëzit vijnë nga larg, por zemrat gjejnë rrugën për t’u afruar. Këto vajza kanë sjellë me vete thjeshtësi, përkushtim dhe shumë mirësi, dhe sot ndihem vërtet mirënjohëse që janë pjesë e përditshmërisë sonë.

Gëzuar 8 Marsin për çdo grua dhe çdo nënë!
Qoftë kjo ditë një kujtesë për forcën, dashurinë dhe bukurinë që gratë sjellin në jetën tonë çdo ditë. 💐

18/02/2026

Në vreshtat tona, edhe dimri ka jetë… ❄️🍇
Sot dita nisi herët, me ngricën mbi tokë dhe qiellin e kthjellët të malit. Është koha e krasitjes së rrush*t, puna më e rëndësishme që i jep forcë hardhisë për verën që vjen.

Të parët na kanë mësuar: hardhia nuk pritet kot — pritet kur hëna është në rënie, që bima të mos “qajë” dhe të mbajë gjithë fuqinë në rrënjë. Atëherë sythat hapen më të shëndetshëm dhe rrushi bëhet më i ëmbël e më i fortë.

Çdo degë që hiqet sot, është një tufë më shumë nesër.
Është lodhje, është traditë, por mbi të gjitha është dashuri për tokën dhe punën tonë.

Kështu rritet vera e mirë… fillon në të ftohtin e shkurtit, me gërshërët në dorë dhe besimin te natyra. 🌿🍷

14/02/2026

Ditët e para nuk janë gjithmonë të lehta. Ka raste që dhia nuk i afron sa duhet, prandaj kujdesi bie mbi ne. Me biberon, me qumësht të vakët dhe me shumë durim i ushqejmë çdo disa orë, si foshnja të vogla, derisa të marrin forcë.

Ngrohtësia, pastërtia dhe përkushtimi janë më të rëndësishmet në fillim. I mbajmë pranë, i ndihmojmë të pijnë dhe pak nga pak fillojnë të ngrihen në këmbë, të bëjnë hapat e parë e të lozin në stallë.

Te Sh & Sh rriten me kujdes e dashuri, sepse kafsha e vogël ka nevojë për dorën e njeriut po aq sa për qumështin 🐐❤️

12/02/2026

Pasterma tashmë është tharë dhe po bëhet gati për klientët.
E punuar sipas zakonit të vjetër: mish derri i kriposur me kujdes, i tharë natyrshëm dhe i tymosur ngadalë në zjarr druri, që të marrë aromën e veçantë të malit. Çdo copë përgatitet me dorë dhe me durim, pa nxitim — ashtu siç na e kanë lënë të parët.
Nga oxhaku drejt sofrës suaj… shije e vërtetë tradicionale që nuk gjendet në fabrikë.

Mirë se vini ta provoni! 🔥🥩

05/02/2026

Lakra të zeza me pasterma, të ziera ngadalë në vorbë mbi oxhak 🔥
Shije që s’harrohet, erë tymi që të kthen pas ne kohe .
Tradita e Pukes e percjell brez pas brezi