21/09/2026
Општина Струмица ги информира граѓаните дека постапува согласно предвидените мерки со ДУП во врска со новоизградениот тротоар на улица Атанас Јанев каде предвидената широчината е два (2) метри.
По извршените консултации со стручни лица донесена е одлука тротоарот да се покрие со бехатон плочки во широчина од 1,5 метри. Преостанатиот дел од 0,5 метри да биде искористен најпрвин за поставување електрично осветлување, а потоа и со засадување на садници.
После изведувањето на горенаведените дополнителни инсталации и уредување, празнините ќе бидат уредени.
Истото е направено за да не се руши претходно направениот тротоар. Особено е важно да потенцираме дека површината на изведениот бехатон е во согласност со предметот – пресметката за реализација на овој проект.
Инаку, со овој градежен потфат се решава пристапот кон ЈОУДГ Виножито која работи од 2022 година.
После четири години овој тротоар се гради заради полесен и безбеден пристап на родителите и децата кон градинката.
