18/09/2026
ناس تدوارت
متكونوش تبعيين واستحمرو فيكم بسياستهم الباهتة
عندنا 2 أحزاب ف تدوارت
* الحزب الأول : لي فيه شي ناس فقدنا فيهم تقتنا هادي سنين ولا يمكن البثة نعاودو نتيقو فيهم ، ناس واش هما السبب فالحالة لي كنعيشوها فهاد البلاد السعيدة لي حنا دبا محسوبين فيها لاجئيين؟
* الحزب الثاني : فيها شخص واحد كيمتل تدوارت ولكن تا هو انعدمت فيه التقة لي خانها ما مرة ما جوج وخوا بناس لي كانت مسانداه. ومنساوش المجهودات والاعمال لي قام بها لللصالح العام
ولكن السياسي كيبقى سياسي
ارا المفيد دبا حنا ك ساكنة و ك متضررين هاد الساعة ماخدامينش لينا هاد الأحزاب ب 2 حيت ديجا واقع بيناتهم مشكل والعربون راه باين فالجمعية
2 ديال الأشخاص لا يمكن اتحكمو ف المصير ديال تدوارت
2 ديال الأشخاص لا يمكن اديرو داكشي لي بغاو وحنا ناكلو العصا ديالهم
2 ديال الأشخاص كون كانت كتهمهم المصلحة العامة قبل المصلحة ديالهم كانو غيحشمو وغايتنازلو ب جوج
هاد الأشخاص طبقو علينا ديك المقولة ديال " مصائب قوم عند قوم فوائد"
حنا دبا ف حرب سياسية و تدوارت ديجا تقسمات وغادي تزيد تقسم دبا
هاد الصراع راه واخدينو شي ناس بجدية وهادشي ماخدامش لينا
انا بعدا كندوي على راسي ماشي بيدق و عمري غنكون تابع لشي شخص كيف كان
و الصوت ديالي و يال عائلتي مايستاهلو تا واحد
ومن هنا للانتخابات الجماعة خاص اكونو طاقات شابة واعية بالوقع و واعية ب طريقة التيسير لا يمكن نبقاو مسيرين بعقول السبعينات و الستينات و يالتها كانت عقول مدبرة وعندها حسن التسيير.
،✌️
