Lira Gjika

Lira Gjika Contact information, map and directions, contact form, opening hours, services, ratings, photos, videos and announcements from Lira Gjika, Tirane, tirane.

06/09/2026

Duhet të ndalohet me ligj shprehja “mbylle gojën” në institucionet shkollore e parashkollore. Kur i thuhet një fëmije “mbylle gojën”, ai jo vetëm ndihet keq, por ndihet i kërcënuar dhe i turpëruar njëkohësisht. Për fat të keq, kjo shprehje, është ulur këmbëkryq, në familje, në shkollë në rrugë, e kudo. Nuk na bën përshtypje kur e përdorim. Duhet ta bëjmë këtë veprim ashtu siç është bërë me fjalën “pusho” që nuk lejohet të përdoret në institucionet shkollore e parashkollore. (Për fat të keq edhe fjala “pusho” nuk është shkulur ende nga fjalori i përditshëm). Ka ardhur koha, madje jemi vonë, për të përmirësuar fjalorin, sepse janë fjalët ato, që krijojnë e zhillojnë mendimin. Njeriu mendon në bazë të fjalëve që përdor. Kur përdorim fjalor të tillë, apo më saktë fjalor bazik, është e pamundur të realizojmë të menduarin dhe të jemi të vetëdijshëm, për atë që themi dhe pasojat që shkakton apo le pas. Përpiquni prindër, mësues, edukatorë dhe të rritur në përgjithësi, t’i shmangni këto shprehje. Lira Gjika

05/09/2026

Edhe pak ditë dhe fillon shkolla. Do të doja. që mësuesit të dëgjonin lutjen time, por edhe unë ashtu si Migjeni i madh nuk kam fuqi prej Perëndie, që ti bëj mësuesit tanë, të mos i trëmbin e paragjykojnë nxënësit e tyre. E megjithatë unë, po ja u drejtoj lutjen, mbase dikush do të më lexojë. Mësues, kur të jeni në klasë me fëmijët përpiquni tu vini në dukje gjërat, që mbajnë mënd nga mësimet e shkuara apo gjërat e reja, që kanë mësuar gjatë pushimeve. Kështu do të ulin shkallën e ankthit e të frikës dhe fëmijët, do të demostrojnë gjithnjë e më lirshëm dijet e tyre. Ankthi (frika iracionale) dhe frika janë të lidhura me mosbesimin e mosvlerësimin e vetes, të cilat janë të lidhura direct me harresën, pasi krijohen në të njëjtën zone trunore. Mësues, nxitini fëmijët, nxiteni mëndjen e tyre të jetë një process aktiv, ku nëpërmjet energjisë, që i jep procesi i rritjes dhe sëbashku me informacionin, që do të marrë nga ju të fuqizojnë mendjen e tyre, që të fuqizojë mendimin drejtë shkencës, sporteve dhe arteve. Mësues, frika nga shkolla nuk është një frikë dosido. Frika nga shkolla ka të bëjë me aftësinë, për të patur e thënë fjalën e vet secili dhe për të patur kurajon e aftësinë për tu përballur me të panjohurën. Përpiquni mësues të bëni më të mirën edhe pse është vërtet shumë e vështirë. Lira Gjika

04/09/2026

Kur fëmija bëhet 10 vjeç edhe pse nuk është më i vogël, ka ende shumë rrugë për tu bërë “i madh”. Datëlindja e tij apo saj, mësëfundi bëhet me dy shifra si e të rriturit. Fillojnë e çfaqen përgjigjet e para “prepotente”, sa shpesh të rriturit gjënden të befasuar. Është kjo moshë, kur fëmijët fillojnë të bëjnë pyetje të vështira, për jetën, politikën, filozofinë, ekonominë apo sociologjinë. I pëlqejnë mendimet e shokëve dhe përpiqet të sillet si ata, por kërkon ende mbështetjen dhe përkëdheljet e prindërve, madje edhe fytyrën e ka ende prej fëmije. Zëri fillon të pësojë transformimet e para. Si djemtë edhe vajzat kanë vështirësi në menaxhimin e zërit të tyre. Dhjetëvjeçari është ende në botën e ëndrave edhe pse ka filluar të përftojë ndjesinë e të qenit vetëm. Gjithashtu edhe prindërit e fëmijëve 10 vjeç sillen siç i dikton kjo moshë, pra në mënyrë konfuze, njëherë i thonë djalit apo vajzës së tyre:- ti je i rritur, tashmë je 10 vjeç dhe më pas i thonë:- jo ti nuk e bën dot këtë se je i vogël. Vetë prindërit janë të pa pregatitur se si të jenë prindërit e një fëmije 10 vjeç. Lira Gjika.

03/09/2026

Jo të gjithë i mësojnë gjërat e reja, në të njëjtën kohë
Cdo njeri ka një kohë të tij, kur është gati për të realizuar mësimin apo "gjënë" e re, që ka mësuar
Prindër kur konstatoni një vështirësi te fëmija juaj, sidomos në periudhën e shkollës, mos filloni ta krahasoni me te tjeret apo ta shihni me dyshim fëmijën tuaj. Gjëja më e mire, që duhet të bëni është të ndërhyni duke i treguar se edhe ju keni patur të njëjtën vështirësi. I thoni: “me ke ngjare mua edhe une kam patur veshtirëesi”. edhe pse mund te jete e kunderta dhe ti kesh mesuar gjërat kur i kërkonte zysha, nuk do te thotë që nuk ke patur vështirësi. Thuaji: Dëgjo mamin apo babin, te gjitha gjërat mesohen. Ashtu sic mësove te marrësh frymë, të ushqehesh, të ecësh e të flasësh, të përdorësh dorën, do të mësosh edhe të lexosh apo të shkruash apo të luash e veprosh me numrat dhe germat. Une besoj se ti do te behesh shkrimtar i madh apo shkencëtare e madhe, mos i degjo te tjeret, por mamin apo babin. Ti je shumë speciale apo special, sepse gjerat i ben kur je gati dhe jo kur te japin urdher apo ti kërkojnë të tjerët, prandaj kurajo sepse do ta mësosh edhe këtë gjë. Lira Gjika

02/09/2026

Qe femija te doje veten duhet qe prinderit ti mesojne e demostrojne se vetja eshte e para. Prinderit duhet ta duan e ta mbrojne nepermjet respektit si nje person me vehte. Nepermjet pergjegjsisë, pra të zgjedhin fjalët, kohën dhe vendin e duhur, kur duan ti bëjnë njē verejtje apo terheqin vemendjen.
-Ka shume rendesi per formimin e karakterit te femijes se si sillen prinderit me të ne publik.
-Ti njohin te drejten te jete i lire te bej disa gjera vete, si te veshi ate qe i pelqen, pavaresisht shijes se prinderve.
-Te mos imponohen ne ushqim, vetem kur produktet qe kerkon te konsumoje jane te demshme per shendetin e femijes Natyrisht qe duhet sqaruar me durim dhe duke i dhene te drejte qe merzitet.
-Te respektohen disa vendime te tij.
-Kur femija thote “nuk te kam xhan” prindit nuk duhet ti ngeli hatri, te vazhdoje te sillet njelloj.
-Mos e prekni ne trup apo zone genitale .
-Prekeni me leje edhe kur doni ta puthni apo perkedhelni.
-Mos e shihni te vogel, por nje njeri tjeter qe u eshte besuar nga Zoti apo jeta, sipas bezimit tuaj. Te gjitha keto veprime tuaja i mesojne dhe edukojne femijes vleren e vetes dhe sa e cmuar eshte ajo. Lira Gjika

01/09/2026

Koncepti i së mirës.
Ajo që i mungon edukimit tonë, është koncepti i të mirës dhe të keqjes. Ne i përdorim si fjalë apo e kerkojmë nga fëmija të “sillet mirë” të mos “bëhet i keq”, të mos gënjejë por se si ndodhin e fitohen këto veti, askush nuk ja mëson fëmijës. Të rriturit pranë fëmijës, vetë sillen pa menduar, nuk i përzgjedhin fjalët dhe veprimet kur janë të nxehur. I dominon nervozizmi dhe padurimi. Flasin për dikë që nuk u pëlqen, me fjalën e parë që u vjen në mëndje. E gënjejnë fëmijën pa u menduar. Betohen për kokën e fëmijëve vetm që ti besojë tjetri apo të dalim nga situate. Lëshojnë mallkime e të bërtitura pa u menduar se ku jenë dhe me kë janë, vetëm se u prishet terezia. Këto mënyra të sjelluri e pengojnë fëmijën të ndertojë një sistem vlerash që ta orjentojë drejt së mirës, duke filluar nga sjellja e deri te menyra e të pranuarit të vetes, tjetrit dhe jetës. Lira Gjika.

31/08/2026

Prindër, edukatorë, ndihmojeni fëmijën të provojë e shijojë ushqime të ndryshme, por pa bërë dallimin e mirë e keqe. Përpiquni ti tregoni, se është thjesht një shije tjetër.
Kjo mënyrë të eksploruari me ushqimin, e nxit psihën dhe fantazinë e fëmijës drejt “kënaqësisë së të gjeturit” siç thoshte në kohë të tij profesor Aleksandër Xhuvani. E ngrëna, duke qenë e lidhur me ekzistencën ka ndikim të fuqishëm në psihën njerëzore, prandaj kërkon kujdes të veçantë, në trajtimin dhe përdorimin e saj. Lira Gjika

30/08/2026

Prindërve iu duket “diçka” pa rëndësi kur u thonë fëmijëve “s’të kam xhan”. Nuk u shkon ndër mend se është kërcënim, dhe i rëndë madje. Po nëse burri i thotë gruas apo gruaja i thotë burrit “nuk të dua” çfarë do të ndodhë? Lira Gjika

29/08/2026

Gënjeshtra është e dënueshme me ligj, por ne nuk e përfillim ligjin dhe i gënjejmë fëmijët pa as më të voglën pendesë dhe keqardhje. Kur dikush na gënjen, ne të rriturit ndihemi keq, fyhemi e deri bëhemi armiq me personin që na ka gënjyer. Kur vjen puna te fëmijët, ne të rriturit i gënjejmë pa gjë të keq. I gënjejmë sepse përtojmë apo nuk dimë ti përgjigjemi dhe i biem shkurt, i gënjejmë. Kjo mënyrë të sjelluri me fëmijët, tregon që nuk i konsiderojmë si njerëz apo individë e persona më vete. Është përgjegjsi e jona tua respektojmë jetën dhe veten, prandaj kjo mënyrë të sjelluri duhet të marrë fund nëse vërtet i duam fëmijët. Të gënjyerit e fëmijëve, bindja se nuk kuptojnë pasi janë të vegjël, duhen ndaluar me ligj. Prindër gjyshër e të rritur të tjerë, nuk është nevoja të gënjeni. Më mirë të qajë fëmija se sa ta gënjeni. E qara është reagim natyral i njeriut, po ta asistoni dhe ti jepni të drejtë, nuk ndodh asgjë e keqe. E keqia ndodh kur i gënjejmë fëmijët edhe ata do të bëhen mosbesues dhe do të rrënjosin zakonin e gënjeshtrës. Lira Gjika

28/08/2026

“uh sa u lodha”, “u lodha”, “a u lodhe” këto shprehje janë kthyer gati si pershëndetje ndërmjet të rriturve,të cilë i përdorin kohë e pa kohë, nga mëngjesi deri në darkë..
Prinder! Kujdes me përdorimin e këtyre shprehjeve, sidomos në prezencë të fëmijëve. Mos e pyesni fëmijën “a u lodhe”? Fëmija lodhet vetëm, kur bën diçka dhe I rrituri është indiferent, ose thotë ca fjalë, sa për të thënë, ose me një entuziazëm jo prej vërteti. Lodhja e të rriturit dhe përsëritja e këtyre shprehjeve, vënd e pa vënd, kultivojnë te fëmija mërzinë, përtesën dhe përçmimin për punën. Lira Gjika

Address

Tirane
Tirane
1001

Telephone

+355692328924

Website

Alerts

Be the first to know and let us send you an email when Lira Gjika posts news and promotions. Your email address will not be used for any other purpose, and you can unsubscribe at any time.

Shortcuts

Share